المساعد الشخصي الرقمي

مشاهدة النسخة كاملة : أغنيات في الذاكرة


عادل اسحق
03-13-2011, 10:08 AM
إخوتي أعضاء منتديات آرتمري جال في خاطري فكرة هذا البوست وهي بعنوان أغنيات في الذاكرة، لأن في مسيرة حيات كل فرد منا قد صاحبه بعض من الأغنيات التي يتغنى بها الفنانون وفي بعض اللحظات عندما يتسمع الفرد منا على إحدى تلك الأغنيات يسترجع بذاكرته إلى بعض مراحل حياته لذلك أرجو من كل شخص يمر على هذا البوست أن يذكر لنا بعض الأغنيات التي يتوقف عندها عندما يسمعها ويذكر لنا تلك المناسبة وسوف ابدأ لكم بأغنية :
اللحظات الندية / الشاعر/ مدني النخلي وغناء الأستاذ / خالد الصحافة
في خاطري لحظاتنا الندية
وانتي ساعة المغربية
قعدتك جمبي وعيونك
سارحة في الدنيا البهية
خفنا من سفرا بيودي
للمسافات القصية
قصة الزول المفارق
وأبقو عشرة على الوصية
كنت جد ناوى الرحيل
إلاّ شايل ذكرى منِّك
خفت فى الغربة البعيدة
المسافات يبعدنك
والعيون الشايلة سيرتك
بكرة يبكن ..ويفقدنك
والأماسى الحالمة ..
تحزن والمشاوير يتعبنك
شفتى كيف
لما الشمس مدت نوافيرالشعاع
والضفاف بعدت كتير
والريح ملت جوف الشراع
كيف هناك بدت الضفاف
تتلاشى فى زمن الضياع
وإنتى ساعة المغربية
خايفة من كلمة وداع
وكان ذلك في عام 1994م وهو العام الذي صدر فيه ألبوم الفنان / خالد باسم ( من جديد) وفي ذلك العام ونحن برالمة في جامعة امدرمان الإسلامية وكان لنا ترحيل خاص من الجامعة إلى مواقع السكن وترحيل مختلط حيث أن الطالبات كن يدرسن في العرضة والشباب في الفتيحاب ومع طول المشوار كان لابد من توفير بضع أشرطة الكاست وكنا نسمع شريط ( من جديد) ذهاباً وإيابا لأن بعض الأخوان كانت تصيبهم تلك الكلمات في مقتل أو على الوتر الحساس ، وعندما استمع لتلك الأغنية وباقي أغنيات ذلك الشريط استرجع ذاكرتي لتلك المرحلة وأبحر في شريط ذكرياتي إلى أن ينتهي الشريط وتنتهي معه شريط ذكرياتي وما أجمل تلك الفترة .وأصبحت ذكرى من الزمن الجميل.
وفي انتظار من سيأتي بعدي ليسرد لنا بعضاً من الذكريات ، ولكم مطلق الحرية

أحمد عبد الوهاب أحمد
03-15-2011, 08:07 AM
عزيزي عادل .. تقبل مروري كأول المشاركين .. مع تحياتي .

بمجرد فراغي من قراءة هذا الموضوع الشيق .. قفزت إلى ذهني ذكريات أغنية مضى عليها وقت طويل .. ورغم مرورها على خاطري بين الفينة والأخرى ، إلا أنني لم أتوقع أن أتوقف عندها لولا هذا البوست المبتكر .
تعود المناسبة إلى فترة دراستي بمدرسة بورسودان الحكومية الثانوية في السبعينات (أيام كانت المدارس الحكومية تعلو ولا يُعلى عليها) .. كانت المدرسة تذخر بالعديد من المناشط الرياضية والثقافية ، وتشهد داخليات المدرسة الثمانية تنافسا قويا فيما بينها وسط حضور كثيف من أهل المدينة وأسرهم .. حيث توجد لجنة تحكيم من أساتذة المدرسة .. ويتم تكريم الفائزين في ليلة ساهرة كبرى .
كانت المدرسة تضم العديد من المواهب التي برعت في شتى الميادين من كرة قدم وكرة سلة وكرة طائرة ، وتمثيل ورسم وغناء .. وهلمجرا .. وكان التنافس على أشـُده بين داخلية سنكات التي أنتمي إليها ، وداخلية سواكن .. خاصة في إحياء الليالي الترفيهية على مسرح المدرسة .. وكانت داخلية سواكن تحرز أفضل الدرجات وتحتل المركز الأول في هذا المضمار بلا منازع بفضل أحد منسوبيه ، الطالب الذي سبق أوانه ، الفنان الأسطورة ، الراحل المقيم مصطفى سيد أحمد .
تفتق ذهن مرشد داخليتنا الحلفاوي (عبد المجيد) عن فكرة (جهنمية) لقفل الطريق أمام داخلية سواكن بإضافة فقرة جديدة (لنج) على مستوى كافة الداخليات بإدخال فاصل غنائي (غربي) .. جاز (مرة واحدة) !!
كانت فرقة البيتلز البريطانية تتربع على عرش الغناء في تلك الأيام .. ووقع اختيار أستاذ عبد المجيد على شخصي الضعيف وصديقي ودفعتي أحمد كباجة من أبناء قرية (جنس) في السكوت .. الذي يزاملني في الفصل والداخلية ، على أداء مجموعة من أغاني البيتلز على مسرح مدرسة بورتسودان الثانوية !! وكان مدخله في إقناعنا بهذا الدور هو إجادتنا للغة الإنجليزية وإحساسه أن داخليتنا سوف تحصد درجات الفقرات الغنائية وتسحب البساط من تحت أقدام سواكن ..
ومن فرط حماسه للفكرة اتصل بالأستاذ (محمود الفزاري) إستاذ الفنون المشرف على الفرقة الموسيقية الطلابية التي تعزف على آلات الجاز الذي رحب بالموضوع ، وأتيا إلينا ببعض أغاني البيتلز من بينها الأغنية الشهيرة :

Money can't buy me love


ورغم ترددنا .. أنا وزميلي كباجة .. قررنا المشاركة في تلك (الانتفاضة) الفنية .. خاصة وأن مشرف الداخلية الذي استنجد بنا من (عندينا) .. ولازم نقيف معاهو ..
بدأنا البروفات .. وانطلقت حملات الدعاية بقيادة الأستاذ عبد المجيد (ترقبوا فرقة الخنافس على مسرح داخلية سنكات .. الحب لا يـُشترى بالمال) وملأت الملصقات الإعلانية جنبات المدرسة .. وفي الليلة المشهودة صعدنا على المسرح نغني :


Buy me love
Money can't buy me love
Buy me love
Money can't buy me love
Buy me love, buy me love

I'll buy you diamond rings my friend
If it makes you feel alright
I'll give you anything my friend
If it makes you feel alright
I'll give you all I've got to give, if you say you love me too
I don't care too much for money
Because money can't buy me love


You say you don't want no diamond rings
And I'll be satisfied
Tell me if you want these kind of things
That money just can't buy
I may not have, a lot to give
But what I got I'll give to you
I said, I don't care too much for money
Cause money can't buy me love

Buy me love
Money can't buy me love

وملخص الأغنية .. سأشتري لكِ خاتم الألماظ ، وكل شيء تتمنيه إذا قلتِ أنك تحبينني كما أحبك .. فأنا لا أهتم بالمال ، لأن المال لا يستطيع أن يشتري لي حبا !! هكذا قال الخواجة .
كانت ليلة رائعة اقتحمنا فيها المجهول .. وظفرنا بنقاط التنافس .. وكان ذلك آخر عهدنا بالغناء .. الذي بدأ وانتهى بالانجليزي .. يا مـُرسي !!

عمرو
03-17-2011, 06:23 AM
لو بهمسه
لفنان أفريقيا
‏ محمد وردي محمد عثمان الفنان المرموق كل اغانيه يترك لعشاقة اشياء في الذاكرة وهذه الاغنية بالذات لها زكريات خاصة جدا جدا

آه لو بهمسه
آه لو ببسمه
قول احبك
لو بنظره
نظره حتى عابره
قول احبك
لو بتحلم في منامك
قول احبك
لو ترسل لي سلامك
قول احبك

يا حبيبي
كل كلمه من شفايفك
أحلى غنوه
كل نظره من عيونك
فيه سلوى
كل نسمه من ديارك
فيه نجوى
وكل همسه ياحبيبى
عندى حلوه
يا حبيبي
عمري كله
أهديته لي حبك
يا حبيبي انت عارف
والغرام يشهد له ربك
يا بدوري في الظلام
والظلام يحجب لي دربك
آه ناري بعدك
والحنان والجنة قربك
يا حبيبي الزهور
الحلوة تتفتح في قلبك
أنت عارف أنا يا روحي بحبك
خوفي منك
خوفي تنساني وتنسى الليالي
يا حبيبي أنا خايف يا ما بعدك أنسى حالي
أبقى تائه والغرام يصبح حكاية
والأماني الحلوة دي الكانت بداية
تبقى أشواق في طريقي في النهاية يا حبيبي

عادل اسحق
03-19-2011, 06:32 AM
استاذي / احمد لك التحية وانت تمر عبر هذه النافذة وتنثر لنا من عبير اناملك وبعض ذكريات الأغاني التي كانت كامنة في دواخلك ، كنت تواصل وخصوصا نحن في السودان نفتقد لمثل هذه التجارب منتظرين مزيد من الذكريات يا عزيزي

عادل اسحق
03-19-2011, 06:36 AM
عزيزي عمار لك التحية وانت تطرق باب هذا الموضوع بفنان عملاق له صولات وجولات في هذا المضمار ويبدوا لي ان هذه الأغنية
آه لو بهمسه
آه لو ببسمه
قول احبك
لو بنظره
نظره حتى عابره
كانت في تلك المرحلة التي يمر بها كل الشباب مرحلة الحب الأول والعشق الأول لك ودي وتقديري وفي انتظار المزيد من ما تجود به علينا من روائعك

على جعفر نصر
03-19-2011, 07:14 AM
عندما كنت بمدرسة حلفا الثانوية الاكاديمية000 وانا فى الصف الثانى كنت ضمن فريق اقامة حفل وداع الصف الثالث كعادة ما جرت فى ذلك الزمان الجيل 0, واعلنا ان الفرقة النوبية بحلفا الجديد ستحى الليلة , وللاسف الشديد اعتذرت الفرقة لظروف طرأت عليها 000 وقلت للاستاذ/ محمد شريف (كسلاوى ) استاذ الفنون والموسيقى أن يلعن بقدوم الفنان المفاجا ابن المحس الذى شق طريقة فى الغناء نقدم ابن المحس / على جعفر وعلت الصرخات ودوت الصفقات بقدومى 000وصعدت المسرح ومعى العود وللأسف الشديد لا اعرف ابجديات العزف على العود000 ونقرت على العود نقرات الغراب على الصخر000وعاملت اوتارها معاملة النكباء 000 وبدأت انشد بالرطانه

( حلفا أودة سهرنقون 000محس فيه نيرمونا )


)000وانت تعرف الحلفاويين 000جاءت الصرخات من الصفوف الخلفية المعروفة بالفوضى000 انزل يا دعاية 000انزل يا دعاية000 وتقبلا لطلب الجمهور نزلت من المسرح وجئت مرة اخرى بجلابية وعمامة 000 واعتذرت لهم واوضحت ان الفرقة اعتذرت 000ولم يكن امامنا000الا ان نداعبكم 00
وختمت كلمتى بقول الشاعر 000وبكيت 000
(لاخيل عندك تهديها ولامال *** فليسعد النطق ان لم يسعد الحال)



وصعد مدير المدرسة الاستاذ/ محمد الحسن (يرحمه الله ) الذى كان مولعا بحب المحس لأنه زميل شخصى لعمنا المرحوم ( سيد محمود ) وسالنى لماذا بكيت وقلت له لأننى نجحت 000 والقى كلمة قوية بهذه البادرة التى قمت بها وقال فعلا نجحت يا بنى و شكرنى0000 واعتذر للحضور 000



(اشراقات000 ايه الحكاية استاذ/ ابو معتز والاستاذ/ عادل 000الاوراق القديمة الاصلية بقت تظهر000ويا رب سترك )[/size]

عادل اسحق
03-20-2011, 08:50 AM
عندما كنت بمدرسة حلفا الثانوية الاكاديمية000 وانا فى الصف الثانى كنت ضمن فريق اقامة حفل وداع الصف الثالث كعادة ما جرت فى ذلك الزمان الجيل 0, واعلنا ان الفرقة النوبية بحلفا الجديد ستحى الليلة , وللاسف الشديد اعتذرت الفرقة لظروف طرأت عليها 000 وقلت للاستاذ/ محمد شريف (كسلاوى ) استاذ الفنون والموسيقى أن يلعن بقدوم الفنان المفاجا ابن المحس الذى شق طريقة فى الغناء نقدم ابن المحس / على جعفر وعلت الصرخات ودوت الصفقات بقدومى 000وصعدت المسرح ومعى العود وللأسف الشديد لا اعرف ابجديات العزف على العود000 ونقرت على العود نقرات الغراب على الصخر000وعاملت اوتارها معاملة النكباء 000 وبدأت انشد بالرطانه

( حلفا أودة سهرنقون 000محس فيه نيرمونا )


)000وانت تعرف الحلفاويين 000جاءت الصرخات من الصفوف الخلفية المعروفة بالفوضى000 انزل يا دعاية 000انزل يا دعاية000 وتقبلا لطلب الجمهور نزلت من المسرح وجئت مرة اخرى بجلابية وعمامة 000 واعتذرت لهم واوضحت ان الفرقة اعتذرت 000ولم يكن امامنا000الا ان نداعبكم 00
وختمت كلمتى بقول الشاعر 000وبكيت 000
(لاخيل عندك تهديها ولامال *** فليسعد النطق ان لم يسعد الحال)



وصعد مدير المدرسة الاستاذ/ محمد الحسن (يرحمه الله ) الذى كان مولعا بحب المحس لأنه زميل شخصى لعمنا المرحوم ( سيد محمود ) وسالنى لماذا بكيت وقلت له لأننى نجحت 000 والقى كلمة قوية بهذه البادرة التى قمت بها وقال فعلا نجحت يا بنى و شكرنى0000 واعتذر للحضور 000



(اشراقات000 ايه الحكاية استاذ/ ابو معتز والاستاذ/ عادل 000الاوراق القديمة الاصلية بقت تظهر000ويا رب سترك )[/size]
سلام للخال
نعم نريد أن نسترجع تلك الأيام الخوالي وما صاحبها من أغنيات رائعة وتجارب شخصية نتصفحها جميعا هنا لا لشي وانما فقط للعبرة واستذكار ما مضى من تلك الأيام ، والحكاية يا خال نريد أن نقلب الأوراق القديمة الأصيلة التي بداخل كل فرد منا ولكن حددنا لها موضوعا معينا وهي الاغنيات السودانية الخالده التي علقت بزهن كل واحد منا وها انت تتحفنا بذكريات حلفا وما صاحبها من مواقف ونجاحات وأنا أراك تردد هذا المقطع (اتعزز الليمون عشان بالغنا في ريدوا ) وارجو ان اكون كتبتها صحيحها لأنني بصراحة لا احفظها وانما اسمعك ترددها كثيرا وما سر تعلق هذا المقطع بك .

على جعفر نصر
03-20-2011, 01:29 PM
الاستاذ/ عادل تحياتى واشواقى000خالك كبر فى السن ارحمه شوية
وانت تعرف نحن من بيت0000يموت فى الحب

يُقال إنَّ خليفة المسلمين علم أن بثينة محبوبة جميل بن معمر تعيش معهم في ذات المدينة.. ويبدو أن الخليفة كان متشوقاً أن يرى تلك المرأة التي خلبت لب ذلك الشاعر جميل والتي التصق اسمه بإسمها فأطلق عليه جميل بثينة.. ويقال إن بثينة عندما جاءت أمام الخليفة وجدها إمرأة عجوزاً شمطاء بلغ بها الكبر عتياً000 واستغرب الخليفة كيف أن جميلاً يمكن أن يقول كل هذا الشعر في امرأة عجوز مثل هذه وسألها الخليفة متهكِّماً «ماذا رأى فيك جميل بن معمر ليقول فيك كل ذاك الشعر» فردت عليه و«بمساخة» «رأى فيَّ الذي رأى فيك المسلمون حين نصَّبُوك خليفةً».
كان لا بد لى ان اربط قصة بثينة الاولية مع بثينة العهد الحديث حتى يحلو الحديث 00ولا بد ان المعاناة يولد فى جوف المرء شاعرية عجيبة 000
الشاعر / أزهري عبد الرحمن أبشام.. وهو شاعر معروف الف اغنية ( قام اتعزز الليمون ) ا عندما كان استاذا بالحصاحيصا اللحن الجميل والأداء الممتاز للفنان محمد سلام في بورتسودان000رفع من صيت الاغنية0
وأستاذنا أزهري الف تلك الأغنية في الفتاة الطالبة بمدارسة ود مدني آنذاك ويتصادف أن اسمها «بثينة» ويبدو أن الشاعر كان «يقنص» وينتظر بثينة على حد قوله تحت اشجار نيم الحصاحيصا ليتوصلوا بباص مدني ليوصلها إلى البنطون في منطقة كُترانج حيث كانت تسكن هناك .. ويبدو أن بثينة في أحد أيام الخميس منعتها إدارة داخلية المدرسة في الإجازة الأسبوعية فلم تأتِ.. وأخونا الشاعر جاء مبكراً من «صباح الرحمن» وقعد تحت النيم في إنتظارها..
ومرت الساعات الطوال حتى مغربت الدنيا ولم تظهر بثينة وظهر القمر في ليلة تمامه من جهة رفاعة الشرقية وكان ذلك اليوم مولداً لأُغنية «قَامْ إتعزّزْ اللّيمُون عشان بالغنا في ريدو» وطباعة يا عدوله الزمان داك لو كان فى موبايل الراجل ما كان اتشرا00اليس كذلك , وتشاء الأقدار أن يتزوج الشاعر المرهف أزهري من الأساتذة بثينة محمد عثمان الطالبة المعنية ,وعلى كل حال يبدو أن المعاناة والمقاساة هي التي تخلق الإبداع ومن المؤكد أن أُغنية قام إتعزز الليمون كانت رائعة أداءً ولحناً وشعراً..
والله قام إتعزز الليمون
عشان بالغنا في ريدو
بدور أشكيهو يا القمرا
وبشوفك من أجاويدو
حرّق جوفنا آه ليمون
نجض قبال مواعيدو
شفتو مخدّر الليمون
وشابكات تب عناقيدو
عليك عينيهو يا قمرا
أكان نعسان تصحيهو
وكان زهجان تحجيهو
وكان فرحان حديثي معاك صرة وخيط تَفتِّيهُو




( اشراقات 0000وبهذه المناسبة تحياتي الى كل البثينات ببلدنا الطيب 0واخص بثينة جمال وبثينة اسماعيل وبثينة عبد المجيد وبثينة هاشم يعطيكم الله العافية ويحفظ شبابكن يا رب وحبكن فى جوفنا نحملها متى ما رحلنا وارتحلنا 0ويا عدولة انك بسؤالك البسيط فى نظرك اشعلت فى جوف الخال نيران ذكريات عشق لا تطفئها مياه المحيطات000والله القلوب شابه ولكن!!!!!!!!!!!!!!!! )

عادل اسحق
03-20-2011, 02:05 PM
الاستاذ/ عادل تحياتى واشواقى000خالك كبر فى السن ارحمه شوية
وانت تعرف نحن من بيت0000يموت فى الحب

يُقال إنَّ خليفة المسلمين علم أن بثينة محبوبة جميل بن معمر تعيش معهم في ذات المدينة.. ويبدو أن الخليفة كان متشوقاً أن يرى تلك المرأة التي خلبت لب ذلك الشاعر جميل والتي التصق اسمه بإسمها فأطلق عليه جميل بثينة.. ويقال إن بثينة عندما جاءت أمام الخليفة وجدها إمرأة عجوزاً شمطاء بلغ بها الكبر عتياً000 واستغرب الخليفة كيف أن جميلاً يمكن أن يقول كل هذا الشعر في امرأة عجوز مثل هذه وسألها الخليفة متهكِّماً «ماذا رأى فيك جميل بن معمر ليقول فيك كل ذاك الشعر» فردت عليه و«بمساخة» «رأى فيَّ الذي رأى فيك المسلمون حين نصَّبُوك خليفةً».
كان لا بد لى ان اربط قصة بثينة الاولية مع بثينة العهد الحديث حتى يحلو الحديث 00ولا بد ان المعاناة يولد فى جوف المرء شاعرية عجيبة 000
الشاعر / أزهري عبد الرحمن أبشام.. وهو شاعر معروف الف اغنية ( قام اتعزز الليمون ) ا عندما كان استاذا بالحصاحيصا اللحن الجميل والأداء الممتاز للفنان محمد سلام في بورتسودان000رفع من صيت الاغنية0
وأستاذنا أزهري الف تلك الأغنية في الفتاة الطالبة بمدارسة ود مدني آنذاك ويتصادف أن اسمها «بثينة» ويبدو أن الشاعر كان «يقنص» وينتظر بثينة على حد قوله تحت اشجار نيم الحصاحيصا ليتوصلوا بباص مدني ليوصلها إلى البنطون في منطقة كُترانج حيث كانت تسكن هناك .. ويبدو أن بثينة في أحد أيام الخميس منعتها إدارة داخلية المدرسة في الإجازة الأسبوعية فلم تأتِ.. وأخونا الشاعر جاء مبكراً من «صباح الرحمن» وقعد تحت النيم في إنتظارها..
ومرت الساعات الطوال حتى مغربت الدنيا ولم تظهر بثينة وظهر القمر في ليلة تمامه من جهة رفاعة الشرقية وكان ذلك اليوم مولداً لأُغنية «قَامْ إتعزّزْ اللّيمُون عشان بالغنا في ريدو» وطباعة يا عدوله الزمان داك لو كان فى موبايل الراجل ما كان اتشرا00اليس كذلك , وتشاء الأقدار أن يتزوج الشاعر المرهف أزهري من الأساتذة بثينة محمد عثمان الطالبة المعنية ,وعلى كل حال يبدو أن المعاناة والمقاساة هي التي تخلق الإبداع ومن المؤكد أن أُغنية قام إتعزز الليمون كانت رائعة أداءً ولحناً وشعراً..
والله قام إتعزز الليمون
عشان بالغنا في ريدو
بدور أشكيهو يا القمرا
وبشوفك من أجاويدو
حرّق جوفنا آه ليمون
نجض قبال مواعيدو
شفتو مخدّر الليمون
وشابكات تب عناقيدو
عليك عينيهو يا قمرا
أكان نعسان تصحيهو
وكان زهجان تحجيهو
وكان فرحان حديثي معاك صرة وخيط تَفتِّيهُو




( اشراقات 0000وبهذه المناسبة تحياتي الى كل البثينات ببلدنا الطيب 0واخص بثينة جمال وبثينة اسماعيل وبثينة عبد المجيد وبثينة هاشم يعطيكم الله العافية ويحفظ شبابكن يا رب وحبكن فى جوفنا نحملها متى ما رحلنا وارتحلنا 0ويا عدولة انك بسؤالك البسيط فى نظرك اشعلت فى جوف الخال نيران ذكريات عشق لا تطفئها مياه المحيطات000والله القلوب شابه ولكن!!!!!!!!!!!!!!!! )

سلمت يمناك يا استاذي وانت تتحفنا بهذه المعلومات القيمة جداً ، نعم يا خال قصدت اشعال الجوف حتى تخرج لنا هذه الروائع، لأنه إذا لم يحترق لن ولم نشتم هذه الروائح العطره التي تنساب على صفحات المنتدى من خلال مداعبتك لهذه الآلة المسمى مجازاً بالكيبورد وانا في انتظار ما سيتي بعد كلمة لكن لأنني اعلم تماماً أنها سوف تكون درراً

على جعفر نصر
04-21-2011, 05:46 PM
لأنه إذا لم يحترق لن ولم نشتم هذه الروائح العطره التي تنساب على صفحات المنتدى من خلال مداعبتك لهذه الآلة المسمى مجازاً بالكيبورد وانا في انتظار ما سيتي بعد كلمة لكن لأنني اعلم تماماً أنها سوف تكون درراً ( هذا نص عادل )


* بدأ إبراهيم حسين الغناء بمدينة كسلا في أوائل الستينيات وبدأ
مقلداً للفنان الذري إبراهيم عوض، وعثمان حسين ومحمد وردي،
وكابلي، ولكن سرعان ما شق طريقه ووقف بجانب صديقه وابن بلده
الحلنقي حيث كانت البداية بأغنية ساعة الغروب وهي أول أغنية
يلحنها إبراهيم حسين


رحلتو بعيد نسيتو الريد والحنان
والإلفة الجميلة والسعد اللي كان
لكن فرقتنا أقدار الزمان
في الليل يا حبيبي نورك وأنت ضاوي
حليلك وأنت جنبي بالزي السماوي
وجرح الفرقة الأيام تداوي



( اشراقات 0000 لماذا هذه الاغنية يا عدولة000( كلمة لكن لأنني !!!) الاستاذ / ابراهيم حسين عندما يغنى هذه الاغنية يجبر الانسان ان يحمل كل دفاتر الحياه ويركب بساط الريح لعل هذا البساط يهبط عندهم فى دارهم 000ولما يستحيل النزول من البساط بعد الهبوط ( تصور ) نلحس الدموع ونقول ( حليلك وانت جنبى بالزى السماوى 000وجرح الفرقة الايام تداوى0000 ولبنى فى لبنى ووب عزبنى طالب الثانوى000 0 الجرح لم يندمل يا عدوله البلد بما تبقى من الطيبين والنهر والنخل والقمارى التى مازالت تقوقى000 صدى الاصوات تشغل افكارنا 000 ونتمنى ان نجتمع كما تفرقنا فى صحن الدار 000 يا ليت ذا يحقق!!!

عادل اسحق
04-23-2011, 11:53 AM
حبيبنا وخالنا سلمت يمناك وان تحي فينا تلك الذكريات
بين جمال توتيل وجبال التاكا وخرير القاش مع مبدعي
مدينة كسلا ابراهيم حسين ،،،، واسحق الحلقني
ولقد اشعلت في بعض من الذكريات مع هذا المبدع
ابراهيم حسين حيث في عام 90 ذهبت إلى البلد
وفي تلك الفترة كانت اغنيات ابراهيم حسين منتشرة ويتغنى بها
يوسف خيري وحسن محمد شريف (ليه يا شمعة سهران )
ليه يا شمعة سهرانة
زينا يعني بتريدي
ولا طريتي زول ناسيك
لذكراه بتعيدي
ولكن أول أغنية قدمته للجمهور هي أغنية (الشجون) كلمات محمد عثمان
كجراي.
ونحن في انتظار المزيد

على جعفر نصر
05-09-2011, 12:19 PM
فالحياة هي فرص ولاتأتي دوماُ فمنهم من يستفيد منها وتخرج به الي حيز الشهرة مثلما حدث للعقد الجميل المسمي البلابل او بنات طلسم ..
ولتسميتهن قصة سمعتها ابان لقاء كان معهم بالاذاعة قبل سنوات حكتها (هادية)
ولقد اطلق هذا الاسم الاستاذ / علي المك علي بنات طلسم حين لم يجد مسمي ليقدمهن به الي جمهور الاذاعة .. في ابان سبعينات القرن المنصرم التي لم نفق من سكرة النشوة الممزوجة بمسحة الحزن المعشعش المعتقة بعبق ذاك الزمان وحلاوته .. حين شاءت الظروف لتغيب (ثنائي النغم) عن الاستديو لتسجيل اغنية وطنية ارتبطت بنميري (الجنيات بشرو) ورشحهن الملحن بشير عباس ملحن ذات الاغنية (الذي لازمهمن لفترة طويلة جداً) لجعفر فضل المولي المؤلف لها .. وعلل بان يعطوهن فرصة لجمال صوتهن وقد كانوا في الفرقة الشعبية حين ذلك .. ادوها علي اكمل وجه واظهرو براعتهن وجدراتهن فيما تكهن به وواصلن انطلاقهن الي الان وكل يوم وهم يزددن اشراقاً وفناً وتجلى ذلك الجمال خصوصا بعد عودتهن من الغربة وقد ازدانت المسارح لعودتهن وهن يشاركن بفعالية منقطعة النظير مع الزملاء والزميلات من الفنانين0

تسلم يا أب عاج اخوى
يادراق المحن
الجنيات بشروا
ليك البنات زغردن
كفاية قودوك الرسن
تسلم يا اب عاج اخوى دراق المحن
ما خلو مالاً فى البلد
صفصفوا كل الخزائن
جبت الرى للعطاشة.


( الى آخر الاغنية - اعذرونى الذاكرة بقت تضعف)

وكن علي نيتهن في التقدم والنجاح اللاتي حصدنه في فترة وجيزة ولتقديم لون جديد من الغناء الجماعي .. الذي امتزج بروح الشباب لديهم واخرجن في غاية من التميز ..

سامح التاج
05-09-2011, 04:10 PM
الاغنيه دي ياعادل لها وقع خاص قلبي ...وبس ..كلمات الحلنقي وغناء وردي
يا أعز الناس حبايبك نحن ...
زدنا قليل حنان ...
العمر زادت غلاوة معاك ...
صالحني الزمان ...
يا أحن الناس حنانك ...
كنت من قبلك بشيل الليل دموع ...
وأطويه هم ...
أنا كنت بخشي علي الأماني الطفلة ...
يفنيها العدم ...
وجيت لقيتك بين ضلوعي شموع ...
وغنيتك نغم يا نغم ...
يا حبيب ورد الأماني الحلوة في أعماقي فتح ...
وأبتده القلب العاش العمر ...
في آهاته يفرح ...
والزمن ما أظن بعدك إنتِ ...
يرجع تاني يجرح ...
نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب

على جعفر نصر
05-11-2011, 10:43 AM
أغنية العيون النوركن بجهرا من أغاني أبو صلاح التي تدفقت فيها دموعه وسالت كالأمطار وقال إن سبب نزول هذه الدموع هي الشلوخ العشرة المسطرة والنسائم المتعطرة برائحة المحبوبة الجميلة والشلوخ العشرة المسطرة يشرحها مبارك المغربي ويقول إنها المطارق وهى ستة شلوخ على الخدين ثلاث على كل خد مع عارض أفقي ليكون المجموع ثمانية وتحت ذلك العارض عارض آخر ليكون المجموع عشرة والمقطع الذي سكب فيه الدموع هو السادس ويقول فيه ...
هل حبيبي نسى أم لي طرا ......يا ام شلوخا عشرة مسطرة
النسائم بالند عطرا.........دا الدفق لدموعي ومطرا

قيل ان هذه الاغنية لا ترتقى إلي مستوى أغنيات أبو صلاح الأخرى بالرغم من انتشارها ولكنني أقول إنها أغنية جميلة وقوية وصادقة وذات ألفاظ ومعاني جميلة أبدع أبو صلاح وصف محبوبته وهى في ساحة الرقص وفى الأغنية صورا بديعية جميلة وللأغنية قصة رواها لي الفنان مبارك حسن بركات حيث قال إن أبو صلاح طلب من إحدى البنات الرقص ولكنها استنكرت ذلك وعابت عليه حول عينيه فانشد أبو صلاح هذه الأغنية على الفور وقال إن سبب حول عينه وسهره هو نور وجمال هذه الملهمة وقال الأستاذ مبارك حسن بركات إن كرومه لحن وغنى هذه الأغنية في نفس الحفلة ورقصت هذه الملهمة على إيقاعها ....وفى الأغنية وصف رائع لقوام هذه الملهمة حيث يصف صدرها بانه عالي وكبير حتى انه اتعب الأعطاف وبرا الخصر حتى اصبح رقيقا وعلى هذا الصدر جوز رمان جل الذي خلقه وهذه النهود باعت واشترت في الشاعر اى أنها أتعبته وسلبته لبه وفكره أما الشعر فمن طوله فانه يستر الأقدام وطلب منها أن تلقط القلوب التى بعثرها هذا الشعر ويصف الشاعر الجزء الأعلى من قوام الملهمة مع الأرداف كأنها خطيبة في منبر والمنبر هو الأرداف.... أما الرشيم والرشمة , فالرشيم هو فصدتين تحت شلخ صغير على اعلى الخد , اما الرشمة فهي سلسلة ذهبية تصل ما بين الزمام والميسرة 0.... الأغنية من الحان كروم وسجلها للإذاعة مبارك حسن بركات كما أبدع فيها الفنان محمد الامين .

العيون النوركن بجهرا .... غير جمالكن من السهرا
يا بدور القلعة وجوهرا


السيوف ألحاظك تشهرا على الفؤاد المن بدري انهرا
أخفي ريدك مرة و أجهرا نار غرامك ربك يقهرا

**************
عالي صدرك لي خصرك برا فيهو جوز رمان جلّ البرا
الخطيبة وردفك منبرا الشعور البسطل عنبرا
**************
الصدير أعطافك فترا والنهيد باع فينا وأشترا
الوضيب إقدامك سترا لقطيبو قلوبنا البعثرا

************
صيده غيرك ايه الجسرا تستلم أفكارنا وتأسرا
حال محاسنك مين الفسرا يا الثريا الفوق أهل الثرى

**************
جارحة صالح كل ما يحضرا في مدينة الجوف ساكن الضرا
الرشيم والرشمة الخضرا ذي فريع في موية منضرا

************
هل حبيبي نسى ام لي طرا يا أم شلوخا عشرة مسطرا
النسايم بالند عطرا دا الدافق لي دموعي ومطرا

ضياءالدين محمد
05-12-2011, 01:43 PM
نستاذن صاحب البوست بالمرور باغنية جميلة الهبت مشاعر المستمعين..


في غفله رقيبي ( الشاعر الفزمحمد بشير عتيق)

اغنية من الزمن الجميل
سنة 1970م تعود شاعرنا ان يزور إحدى السيدات في منزلها كلما حان له ذلك وسمحت الظروف وفي إحدى المرات ذهب إليها كا المعتاد ووجدها تلزم سريرها تشكو من الإنفلونزا ( الإنفلونزا وبس ) فقال ليها وقالت ليه وعندما همَّ بالرحيل قالت له : مافي قصيدة : على طول جات القصيدة دي وهي مجرد حوار برئ بينه وبينها كما وصفه الشاعر في ديوانه . وهذه هي القصة الحقيقة للأغنية كما ذكرت في ديوان أيام صفانا تقديم البروفوسير علي المك

مااحلاها ان تسمعها بصوت الفنان محمود عبدالعزيز(الحوت)..
الي نص الاغنية:
في غفلة رقيبي رُحت أزور حبيبي لقيتهُ شوية حاسي
** ** **
ضاجع في سريره . متوسد وثيره . بين طيات حريرهُ
حَييتُه وجلسْتَ . من حُسنُه إختلستَ . في سِحرُه أنغمستَ
بحديث ( دبلوماسي) قالى نوري ماسي وأحذر إلتماسي
** ** **
قلتلُه في جمالك سحروك وله مالك ؟ صار ياحبيب لونك
فاتر زي عيونك
قال لي عندي حُمه . وبىَّ صداع آلمَّ
من أثر إنتكاسي . أتعذر نعاسي . ولي يومين أقاسي
** ** **
قلتلُه في وسامتك . وحلاوة إبتسامتك كفارة وسلامتك
والف عزيز كرامتك يالحافظ كرامتك
مهما كُنتَ قاسي . او لى عهدي ناسي . ليك يذداد حماسي
** ** **
قال لي انت عاقل ومافي لزوم تشاغل وانا في روحي شاغل
قلتلُه انت روحي
وانت سبب جروحي
وانت لشعري مُوحي
ياروعة جناسي . ياحُبي الأساسي . يالنسيتني ناسي

الي الملتقي؛؛؛

عادل اسحق
05-22-2011, 10:48 AM
فالحياة هي فرص ولاتأتي دوماُ فمنهم من يستفيد منها وتخرج به الي حيز الشهرة مثلما حدث للعقد الجميل المسمي البلابل او بنات طلسم ..
ولتسميتهن قصة سمعتها ابان لقاء كان معهم بالاذاعة قبل سنوات حكتها (هادية)
ولقد اطلق هذا الاسم الاستاذ / علي المك علي بنات طلسم حين لم يجد مسمي ليقدمهن به الي جمهور الاذاعة .. في ابان سبعينات القرن المنصرم التي لم نفق من سكرة النشوة الممزوجة بمسحة الحزن المعشعش المعتقة بعبق ذاك الزمان وحلاوته .. حين شاءت الظروف لتغيب (ثنائي النغم) عن الاستديو لتسجيل اغنية وطنية ارتبطت بنميري (الجنيات بشرو) ورشحهن الملحن بشير عباس ملحن ذات الاغنية (الذي لازمهمن لفترة طويلة جداً) لجعفر فضل المولي المؤلف لها .. وعلل بان يعطوهن فرصة لجمال صوتهن وقد كانوا في الفرقة الشعبية حين ذلك .. ادوها علي اكمل وجه واظهرو براعتهن وجدراتهن فيما تكهن به وواصلن انطلاقهن الي الان وكل يوم وهم يزددن اشراقاً وفناً وتجلى ذلك الجمال خصوصا بعد عودتهن من الغربة وقد ازدانت المسارح لعودتهن وهن يشاركن بفعالية منقطعة النظير مع الزملاء والزميلات من الفنانين0

تسلم يا أب عاج اخوى
يادراق المحن
الجنيات بشروا
ليك البنات زغردن
كفاية قودوك الرسن
تسلم يا اب عاج اخوى دراق المحن
ما خلو مالاً فى البلد
صفصفوا كل الخزائن
جبت الرى للعطاشة.


( الى آخر الاغنية - اعذرونى الذاكرة بقت تضعف)

وكن علي نيتهن في التقدم والنجاح اللاتي حصدنه في فترة وجيزة ولتقديم لون جديد من الغناء الجماعي .. الذي امتزج بروح الشباب لديهم واخرجن في غاية من التميز ..
أكيد لمرورك المتكرر هنا واثراءك لهذه المساحة وقع خاص في نفسي وأنا أقراء ما تخطه أناملك
من أغنيات ومناسبة تلك الأغنية وذكريات تلك الأغنيات ، لقد تابعت في احدى حلقات برامج ملفات
مع الأستاذ / عبد الباسط سبدرات وكان ذلك في قناة النيل الأزرق عندما سأله مقدم البرامج عن أغنية رجعنالك ومناسبة كتابتها أدمعت عينا شاعرنا الجميل سبدرات وبدء في سرد القصة ولم اكمل البرامج لظرف وكنت امني نفسي في سماعها ( تقريبا كان بمناسبة إضراب لعمال السكة حديد في عطبرة وهو متجه لها كتب تلك الاغنية حسب ظني وارجو تصحيح المعلومة )

رجعنالك..أغنية من الزمن الجميل
أغنية( رجعنالك ) كلمات الأستاذ/ عبد الباسط سبدرات ، ألحان الموسيقار/ بشير عباس ، أداء البلابل :
رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة
وبـفـرح عـودتـنا رفـت زغـردت كلـمات حـنـيـنـة
رجـعـنـالـك عشـان تـاه الـفـرح مـن دارنــا
رجـعـنـالـك وانـت ديــــــــار فـرحنــــا
رجـعـنـالـك عـشـان نـاحــت سـواقــيـنا
رجـعـنـالـك وبـكـت شـتـلات قـمـحـنــا
رجـعـنـالـك عـشـان يـسـكـت جـرحـنـا الانـت جـارح قـلبـو بجـراحاتـنا آحنـا
رجـعـنـالـك وكـيـف نـرفـض رجـوع الـقـمـرة لـوطـن الـقـمارى
يـا الـتقـوقـى على نخـيـلاتـنا الـقمـارى
وانـت واحـش نـيـل وطـنـا عـلـيـنا شـمـتـه الصحارى
رجـعـنـالـك عـشـان انـت الـجـرف الـفـيـهو شــتلات حـنـة لـفـرح الـقـبـيـلـة
رجـعـنـالـك عـشــان جــرتــقــنـا وسـيـرتـنــا وجـديــلـة
رجـعـنـالـك نـغـنـى فـرحـنـا فـيـك ونـقـول عـديـلــة
يـفـرح الـلـيـل بـفـرح صـنـدل يــفـوح يـكـســـى الـقـبـيـلــة
ونتمنى أن نردد جميعا هذه الاغنية عندما نعود سالمين غانمين لأرض الوطن والأهل
ونأسف جدااا على التأخير في الرد والمتابعة خالص ودي وتقديري

عادل اسحق
05-22-2011, 11:04 AM
[QUOTE=سامح التاج;19992]الاغنيه دي ياعادل لها وقع خاص قلبي ...وبس ..كلمات الحلنقي وغناء وردي
[b]يا أعز الناس حبايبك نحن ...
زدنا قليل حنان ...
العمر زادت غلاوة معاك ...
صالحني الزمان ...
يا أحن الناس حنانك ...
كنت من قبلك بشيل الليل دموع ...
وأطويه هم ...
أنا كنت بخشي علي الأماني الطفلة ...
يفنيها العدم ...
وجيت لقيتك بين ضلوعي شموع ...
وغنيتك نغم يا نغم ...
يا حبيب ورد الأماني الحلوة في أعماقي فتح ...
وأبتده القلب العاش العمر ...
في آهاته يفرح ...
والزمن ما أظن بعدك إنتِ ...
يرجع تاني يجرح ...
نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب
[COLOR="Magenta"][SIZE="6"]حبيبنا سامح ومن لا يعجبه كلمات الحلنقي وتغريد وردي إلا شخص يكون فاقد للجمال لكن كنت
تورينا ليهو وقع خاص في نفسك ليه ؟
بمناسبة وردي وإبداعاته لقد كان لالبوم المرسال وقع خاص في نفسي وخاصة الأغنية
التي تحمل اسم الالبوم (اغنية المرسال ) وعندما سمعتها وكررت سماعها كان لابد
لي من معرفة مناسبة كتابتها وكان لي ذلك وعندما عرفت سببها تعلقت بها اكثر فأكثر
والتحية لكل مبدعي بلادي وإليكم مناسبة الأغنية وكلماتها
فمناسبة القصيدة نسجت من واقع الحقيقة لا الخيال العميق ولشاعرها شخصياً
الأستاذ أبو قطاطي فإذا هو يدخل علي منزله ليري قمراً يشع نور تسمر منه أسرة الشاعر أبوقطاطي برفقة وصادقة شقيقته الكبري .
فما أن وقعت تلك الفتاة في عين شعارنا إلا وأن أصابت مكن الإعجاب وسرعان ما إحلت
مكانة ً مرموقة في نفسه ، فأبت نفسه إلا وأن يتقرب بها فأخبر شقيقته بأن تخبرها بأنه يرديها حبيبة وزوجة له ، الجدير بالذكر أن الشاعر المذكور وحسناؤه كانا يسكان منطقة (أبو روف) بأمدرمان
ففعلت وأخبرتها ورأي شقيقها الشاعر الفنان فيها ، فلم تدلي برأي أو رد سلباً أو إيجابا.
فكتب لها الشاعر عدد أربع رسائل واحدة تلو الأخري لمعرفة رأيها وكان رسول تلك الرسائل أيضاً شقيقته وصديقة عمرها .. فلم تأتي برد أيضاً .
فقرر الشاعر الدخول من باب آخر غير أخته عسي ولعل يكون فيه طريق النجاح فإختار أحد آقارب تلك المحبوبة وصديق له وأخبره بأن قلبه قد تعلق بها وأرسل إليها من الرسائل ما أرسل .. فلم تأتي بمفيد وأمره أن يكون خير وسيط عسي ولعل أن يحمل الخبر اليقين ويسمع من فائه ، فكتب له رسالة كان يملي نفسه فيها بأنها الأخيرة وهي التي ستصله بمن تعلق بها حباً .
فحمل الرسالة إلا أنه غاب عن عينه بضع أيام فلم سأل عنه عرف أنه طريح الفراش بإحدي مستشفيات ام درمان .. ولكن تأتي الرياح بما لا تشتهي السفن فقد قضي الله أمر كان مفعولا وإنتقل ذلكم الرجل الصديق للشاعر والوسيط بينه وبين محبوبته إلي الرفيق الأعلي فكتب الشاعر أبو قطاطي قصيدة المرسال المعروفة :


مسكين البدا يأمل
أملو يغلبو تحقيقه
والعاشقة جفا المعشوق
الليلة وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك و بي وراك
جارت عليهو وخانتو ظروفو
فقد صبرو شرد نومو
لهيب الشوق خنق جوفو
نحول جسمو شحوب لونو
براك أحسن تعال شوفو
مسكين .. مسكين

براي السويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وبقو فراجة
مسكين .. مسكين

على جعفر نصر
06-01-2011, 11:08 AM
قائد الأسطول

إسم الشاعر/سيد عبد العزيز ..
وأبدعدت في أدائها الفنانة حنان النيل

مناسبة الأغنية :



أعجب سيد عبد العزيز بإحدى بنات المهدي في حي الأمراء وتقدم لي خطبتها ولكن طلبه رُفض وكان سبب الرفض انه مغنى وشاعر..

وكانت البنت طالبه في كلية المعلمات في أمدرمان وكان يذهب الى هناك كل يوم ينتظرها ليراها وهى خارجه من الكلية ثم يعود. وكعادت الطلاب يخرجون من المدارس فى شكل مجموعات كل مجموعة تذهب من ناحية. وفى يوم من الايام خرجت هى بمفردها من غير المجموعة التى تعود ان يراها معهم ، ولكن بعد لحظات خرج خلفها البقية ، واصبحت هى فى المقدمة والجميع من خلفها .. وشاعرنا سيد عبد العزيز لاحظ المشهد وشبه البنت المعجب بها بقائد الاسطول لانها كانت تسير فى مقدمة البنات وباقي الطالبات من خلفها بالجنود ..وصوره في أجمل لوحة وقال :




يا قائد الأسطول تخضع لك الفرسان
ياذو الفخار والطول أرحم بنى الإنسان
***
مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
*****
يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..

****
الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان ..
.

أحمد عبد الوهاب أحمد
06-04-2011, 01:24 PM
حبيبنا عادل اسحق ..

يقولون في الأمثال أن من شرب من مياه النيل لابد أن يعود للنيل ثانية .
وها نحن نطوف معك حول الأغاني والمواقف المحفورة في الذاكرة .. فنورد ما يلي :-

بعد تناول وجبة عشاء دسمة في إحدى سفر جامعة الخرطوم جلسنا ثلاثتنا الذين يتقاسمون السكن في غرفتنا بداخلية "فلسطين" نتسامر قليلا كالعادة قبل أن نتوجه إلى مكتبة الجامعة لقضاء سهرة طويلة في بطون الكتب والمراجع العلمية استعدادا لامتحانات السنة النهائية التي كانت على الأبواب ..

سمعنا طرقا على الباب ثم بزميلنا (الوسيلة إمام) - وهو من أبناء حلفاية الملوك - يقتحم علينا الغرفة بابتسامته العريضة وحديثه الجذل " هووي يا ناس يا ناس الكبكبة .. المقعدكم شنو لحد هسه ؟! حمد الله لقيناكم " .. ثم دلف وراءه شاب وجيه لم نره من قبل .. وما أن فرعنا من كلمات الترحاب بهما حتى بادر (الوسيلة) بالتعريف بالضيف الذي علمنا أنه تخرج من جامعة الخرطوم ، وأنه كان يسكن في نفس غرفتنا في سنته الأخيرة بالجامعة .. فأبت نفسه عندما جاء لزيارة زميلنا (الوسيلة) إلا أن (يمر) على سكان تلك الغرفة ، ودعوتهم لحضور حفل زواجه الذي سيتم بعد شهرين .. واستحلفنا بالله أن نحقق رجاؤه . اعتذر زميلي في السكن لأنهما سيكونان خارج العاصمة في تلك الفترة فلم أجد بدا أمام توسلات الوسيلة إلا الالتزام بحضور المناسبة .

إتفت مع الوسيلة على أن يكون همزة الوصل بيننا (دكان) جدنا محمد على الجلاد بالسوق العربي .. وعندما حان الموعد تلاقينا أمام الدكان فأخبرني بأننا سنسافر إلى مدينة سنجة حسب طلب العريس لحضور (الحنة) ثم العودة إلى الخرطوم لحضور حفل الزفاف .. طبعا الموضوع بقى برنامج خاصة ونحن قاعدين في إجازة والعريس متكفل بكل المصاريف .. وزيادة . انطلقنا إلى سنجة في اليوم السابق للحنة ، حيث أحسن العريس وأهله ضيافتنا بكرم حاتمي ..

ثم كانت ليلة الحنة التي أحياها الفنان القدير بادي محمد الطيب .. طيب الله ثراه .

شدا بادي بأجمل ألحانه في تلك الليلة وغنى كما لم يغن من قبل وسط الهرج والمرج والزغاريد .. فتمايل الجميع طربا في تلك المناسبة السعيدة .. وفجأة حمي الوطيس وتعالت صيحات الرجال ، ودقت النقارة ، ولمعت السيوف وسط الدارة .. وسرى نبض الحماسة في عروق الجميع .. وارتفعت عقيرة الفنان بقصيدة " بتريد اللطام .. أسد الكداد الزام" .. وهي القصيدة التي أنشدتها الشاعرة رقية شقيقة البطل الثائر عبد القادر ودحبوبة لحظة تنفيذ حكم الإعدام فيه شنقا.وكان ود حبوبة قد دخل في حرب مع المستعمر الآنجليزي عام 1908م امتدادا لثورة الزعيم التاريخي محمد أحمد المهدي ، وتم القبض عليه وإعدامه بعد إحدى المعارك في منطقة منطقة الكاملين ، في واقعة تماثل ما حاق بالمناضل العروبي عمر المختار في ليبيا .

وقد وجدت فيما بعد تفسيرا لتلك الحالة الهستيرية التي سادت الحلبة في تلك الليلة التي ما زالت عالقة بالذاكرة .. فالفنان بادي محمد الطيب يمت بصلة قربى مع أهل العريس ، وأن المناضل ود حبوبة يمثل رمز العزة والشموخ لكل أهل الجزيرة قاطبة .

فتعالوا نتمعن في كلمات تلك القصيدة الرائعة التي تقول فيها الشاعرة رقية في رثاء شقيقها :-

بـتـريـد الـلـطـام أسد الـكــداد الــــزام
هـزيــت الـبـلـد مــــن الـيـمــن لـلـشــام
ســــيــــفــــك لـــلـــفـــقـــر قـــــــــــلام

تـيّـم فـــى الـتـقـر أنـصـارو منـزربـيـن
بالصفـــــا واليقـيـن حقيـقـة أنصار ديــن
بالـحـرب أم طبــــايق قابـلـوا المسـكـيـن
فـى وش المكـن رقـدوا التقـول نايميـــــن

الأسد الـنـتـر مــــن جـيـهــة الابــقــار
لمـولـو الأورط شايلـيـن ســلاح الـنــار
ود حـبـوبــة قــــام وجمــع الأنــصـــار
فــى كتفـيـة ديــك كـــم شـبـعـن صـقــار

الإعلان صـــدر واتـلـمـت المـخـلـوق
بى عينى بشوف أب رسوة طامح فـوق
كـان جـات بالـمـراد واليمـيـن محقـوق
ما كان بتشنق ود أب كريق في السوق

أب رسوة .. مقصود به الأسد ، أما ود أب كريق .. فهو التمساح .

عادل اسحق
06-05-2011, 10:05 AM
نستاذن صاحب البوست بالمرور باغنية جميلة الهبت مشاعر المستمعين..


في غفله رقيبي ( الشاعر الفزمحمد بشير عتيق)

اغنية من الزمن الجميل
سنة 1970م تعود شاعرنا ان يزور إحدى السيدات في منزلها كلما حان له ذلك وسمحت الظروف وفي إحدى المرات ذهب إليها كا المعتاد ووجدها تلزم سريرها تشكو من الإنفلونزا ( الإنفلونزا وبس ) فقال ليها وقالت ليه وعندما همَّ بالرحيل قالت له : مافي قصيدة : على طول جات القصيدة دي وهي مجرد حوار برئ بينه وبينها كما وصفه الشاعر في ديوانه . وهذه هي القصة الحقيقة للأغنية كما ذكرت في ديوان أيام صفانا تقديم البروفوسير علي المك

مااحلاها ان تسمعها بصوت الفنان محمود عبدالعزيز(الحوت)..
الي نص الاغنية:
في غفلة رقيبي رُحت أزور حبيبي لقيتهُ شوية حاسي
** ** **
ضاجع في سريره . متوسد وثيره . بين طيات حريرهُ
حَييتُه وجلسْتَ . من حُسنُه إختلستَ . في سِحرُه أنغمستَ
بحديث ( دبلوماسي) قالى نوري ماسي وأحذر إلتماسي
** ** **
قلتلُه في جمالك سحروك وله مالك ؟ صار ياحبيب لونك
فاتر زي عيونك
قال لي عندي حُمه . وبىَّ صداع آلمَّ
من أثر إنتكاسي . أتعذر نعاسي . ولي يومين أقاسي
** ** **
قلتلُه في وسامتك . وحلاوة إبتسامتك كفارة وسلامتك
والف عزيز كرامتك يالحافظ كرامتك
مهما كُنتَ قاسي . او لى عهدي ناسي . ليك يذداد حماسي
** ** **
قال لي انت عاقل ومافي لزوم تشاغل وانا في روحي شاغل
قلتلُه انت روحي
وانت سبب جروحي
وانت لشعري مُوحي
ياروعة جناسي . ياحُبي الأساسي . يالنسيتني ناسي

الي الملتقي؛؛؛




حبيبنا ضياء
تسلم على المرور وعلى المعلومات الضافية التي نثرتها في
هذه المساحة وارجو منك المزيد كما نرغب منك سرد ما تفعله بك تلك الاغنيات
التي تسمعها من وقت لآخر بمفردك
خالص ودي وتقديري

على جعفر نصر
06-07-2011, 07:50 AM
والله عجبتني القصيدة شديد والنشمى فى صفائه وقوة اداركه بماهية كيانه حيث تجلت عظمة الشاعرية فى الادراك والوعى الشديدين و كيفية التجاوب مع مناسبة القصيدة حيث إنها قيلت
في أحد منسوبي إحدى الدول العربية على الهاتف
وكان فى الخط المقابل الزول سيد الاسم عندما رد شاعرنا العزيز على الهاتف بتواضعة الجم , وقال بعبارته العزيزة ,
( نعم يا زول )
فرد عليه ذلك الشخص مستاءً وبكبرياء لا تحفظ للإخوة الغالية حقها الادبى :
بتقول زول !!؟..
(ليه شايفني لافي بتاعه على دماغي؟؟)
فانفجرت شاعرية عملاق الكلمة قائلا :



أناالغلطان
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان

خلاص يا سيدي أنا غلطان
شطحت وكنت فاكرك زول

زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك و بينو
إنو نضيف و ابيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديع و رصينو
لطيف وعفيف و كاتلو حنينو

أسد في الحاره
لابختاك و لابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمه بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو

زول الماهو عاجبك ده
بلا توجيه ولا تعليم
أديب و فهيم
هميم وكريم
و فطرة ربو من يوم خلقو
لا فتان و لا خوان
أخو أخوان
بكفي الألف و الألفين من الضيفان
و لو اضطر يرهن ولدو
و ان ما كفى
باع بيت أهلو و الجيران

زول الماهو عاجبك ده
يوم تحتاجلو بتلاقيهو
أكان ورطان وكان جيعان
و كان وجعان و كان سجمان
قبل تتأوه و تناديهو
يمين في أقل من برهه
و بين مد الألف و الها
قبل ناسك بجيك حفيان
بضمد جرحك و بداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو

اللافيبا راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
****
ده جمل الشيل
دخري الحوبه
فارس العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد القتو لي تاني !
واجيب فهامه عاد من وين
كلامي القتو ألماني؟
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني وإنو سوداني

عادل اسحق
06-07-2011, 08:09 AM
قائد الأسطول

إسم الشاعر/سيد عبد العزيز ..
وأبدعدت في أدائها الفنانة حنان النيل

مناسبة الأغنية :



أعجب سيد عبد العزيز بإحدى بنات المهدي في حي الأمراء وتقدم لي خطبتها ولكن طلبه رُفض وكان سبب الرفض انه مغنى وشاعر..

وكانت البنت طالبه في كلية المعلمات في أمدرمان وكان يذهب الى هناك كل يوم ينتظرها ليراها وهى خارجه من الكلية ثم يعود. وكعادت الطلاب يخرجون من المدارس فى شكل مجموعات كل مجموعة تذهب من ناحية. وفى يوم من الايام خرجت هى بمفردها من غير المجموعة التى تعود ان يراها معهم ، ولكن بعد لحظات خرج خلفها البقية ، واصبحت هى فى المقدمة والجميع من خلفها .. وشاعرنا سيد عبد العزيز لاحظ المشهد وشبه البنت المعجب بها بقائد الاسطول لانها كانت تسير فى مقدمة البنات وباقي الطالبات من خلفها بالجنود ..وصوره في أجمل لوحة وقال :




يا قائد الأسطول تخضع لك الفرسان
ياذو الفخار والطول أرحم بنى الإنسان
***
مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
*****
يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..

****
الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان ..
.

لقد سمحت لي نفسي بأن اتنازل عن قيادة هذه النافذة
فهلا قبلت قيادتها يا ابا جعفر
إن مرورك على اي نافذه في هذا الاسفير يعطيه ويزيده جمالا وكم
انا سعيد بأستمرارك معي في هذا البوست وهو بمثابة ارشيف نستقي
منه المعلومات عن مبدعي بلادي وما فعلته تلك الكلمات بناء في مراحلنا المختلفة
وبصدق انني اطمع في المزيد من ما تجود به علينا يا خال
ونسأل الله أن يحفظك ويسعدك ويسعد كل من حولك بك
خالص مودتي وتقديري وسعادتي بدوام المرور
يا جميل يا راقي احساسك

عادل اسحق
06-07-2011, 08:20 AM
حبيبنا عادل اسحق ..

يقولون في الأمثال أن من شرب من مياه النيل لابد أن يعود للنيل ثانية .
وها نحن نطوف معك حول الأغاني والمواقف المحفورة في الذاكرة .. فنورد ما يلي :-

بعد تناول وجبة عشاء دسمة في إحدى سفر جامعة الخرطوم جلسنا ثلاثتنا الذين يتقاسمون السكن في غرفتنا بداخلية "فلسطين" نتسامر قليلا كالعادة قبل أن نتوجه إلى مكتبة الجامعة لقضاء سهرة طويلة في بطون الكتب والمراجع العلمية استعدادا لامتحانات السنة النهائية التي كانت على الأبواب ..

سمعنا طرقا على الباب ثم بزميلنا (الوسيلة إمام) - وهو من أبناء حلفاية الملوك - يقتحم علينا الغرفة بابتسامته العريضة وحديثه الجذل " هووي يا ناس يا ناس الكبكبة .. المقعدكم شنو لحد هسه ؟! حمد الله لقيناكم " .. ثم دلف وراءه شاب وجيه لم نره من قبل .. وما أن فرعنا من كلمات الترحاب بهما حتى بادر (الوسيلة) بالتعريف بالضيف الذي علمنا أنه تخرج من جامعة الخرطوم ، وأنه كان يسكن في نفس غرفتنا في سنته الأخيرة بالجامعة .. فأبت نفسه عندما جاء لزيارة زميلنا (الوسيلة) إلا أن (يمر) على سكان تلك الغرفة ، ودعوتهم لحضور حفل زواجه الذي سيتم بعد شهرين .. واستحلفنا بالله أن نحقق رجاؤه . اعتذر زميلي في السكن لأنهما سيكونان خارج العاصمة في تلك الفترة فلم أجد بدا أمام توسلات الوسيلة إلا الالتزام بحضور المناسبة .

إتفت مع الوسيلة على أن يكون همزة الوصل بيننا (دكان) جدنا محمد على الجلاد بالسوق العربي .. وعندما حان الموعد تلاقينا أمام الدكان فأخبرني بأننا سنسافر إلى مدينة سنجة حسب طلب العريس لحضور (الحنة) ثم العودة إلى الخرطوم لحضور حفل الزفاف .. طبعا الموضوع بقى برنامج خاصة ونحن قاعدين في إجازة والعريس متكفل بكل المصاريف .. وزيادة . انطلقنا إلى سنجة في اليوم السابق للحنة ، حيث أحسن العريس وأهله ضيافتنا بكرم حاتمي ..

ثم كانت ليلة الحنة التي أحياها الفنان القدير بادي محمد الطيب .. طيب الله ثراه .

شدا بادي بأجمل ألحانه في تلك الليلة وغنى كما لم يغن من قبل وسط الهرج والمرج والزغاريد .. فتمايل الجميع طربا في تلك المناسبة السعيدة .. وفجأة حمي الوطيس وتعالت صيحات الرجال ، ودقت النقارة ، ولمعت السيوف وسط الدارة .. وسرى نبض الحماسة في عروق الجميع .. وارتفعت عقيرة الفنان بقصيدة " بتريد اللطام .. أسد الكداد الزام" .. وهي القصيدة التي أنشدتها الشاعرة رقية شقيقة البطل الثائر عبد القادر ودحبوبة لحظة تنفيذ حكم الإعدام فيه شنقا.وكان ود حبوبة قد دخل في حرب مع المستعمر الآنجليزي عام 1908م امتدادا لثورة الزعيم التاريخي محمد أحمد المهدي ، وتم القبض عليه وإعدامه بعد إحدى المعارك في منطقة منطقة الكاملين ، في واقعة تماثل ما حاق بالمناضل العروبي عمر المختار في ليبيا .

وقد وجدت فيما بعد تفسيرا لتلك الحالة الهستيرية التي سادت الحلبة في تلك الليلة التي ما زالت عالقة بالذاكرة .. فالفنان بادي محمد الطيب يمت بصلة قربى مع أهل العريس ، وأن المناضل ود حبوبة يمثل رمز العزة والشموخ لكل أهل الجزيرة قاطبة .

فتعالوا نتمعن في كلمات تلك القصيدة الرائعة التي تقول فيها الشاعرة رقية في رثاء شقيقها :-

بـتـريـد الـلـطـام أسد الـكــداد الــــزام
هـزيــت الـبـلـد مــــن الـيـمــن لـلـشــام
ســــيــــفــــك لـــلـــفـــقـــر قـــــــــــلام

تـيّـم فـــى الـتـقـر أنـصـارو منـزربـيـن
بالصفـــــا واليقـيـن حقيـقـة أنصار ديــن
بالـحـرب أم طبــــايق قابـلـوا المسـكـيـن
فـى وش المكـن رقـدوا التقـول نايميـــــن

الأسد الـنـتـر مــــن جـيـهــة الابــقــار
لمـولـو الأورط شايلـيـن ســلاح الـنــار
ود حـبـوبــة قــــام وجمــع الأنــصـــار
فــى كتفـيـة ديــك كـــم شـبـعـن صـقــار

الإعلان صـــدر واتـلـمـت المـخـلـوق
بى عينى بشوف أب رسوة طامح فـوق
كـان جـات بالـمـراد واليمـيـن محقـوق
ما كان بتشنق ود أب كريق في السوق

أب رسوة .. مقصود به الأسد ، أما ود أب كريق .. فهو التمساح .


استاذنا أحمد
سعدت أيما سعادة بعودتك مرة أخرى عبر هذا البوست
حيث راودتني نفسي كثيرا بأنك اكتفيت بالمشاركة الأولى فقط
وانا الطامع في استخراج بعض من تلك الزكريات التي تحتفظ بها وخاصة
مع ليالي الجامعة وكلنا يعلم أن جامعة الخرطوم كانت في زمنكم قبلة لكل فئات المجتمع
وها أنت تعود ومعك بعضا من تلك وتصل بنا إلى مدينة سنجة مرورا بعبد القادر ود حبوبة ويكون ختامك تلك العادات التي مازالت تمارس في تلك المنطقة ومنطقة الجعلين وهو ما يعرف (بضرب السوط ) على صوت المبدع (بادي محمد الطيب ) رحمه الله
فقط ما أرجوه هو عدم التوقف عن نثر الجمال في هذه الواحة فهي لكم وبكم
خالص ودي وتقديري واحترامي

على جعفر نصر
06-08-2011, 10:38 AM
مناسبة الاغنية :-


كان لرجل غنى ولدين / ياسين والبلال وترك لهما ثروة كبيرة , بعد وفاة والدهما تقاسما الثروة بينهما بالتمام والكمال , ودخل الابن / ياسين السوق واشتغل بالتجارة , وفعلا ازدهرت تجارته وصار يشار له بالبنان. أما الابن البلال, انشغل بالحفلات , ومناسبات الاعراس وجل المناسبات التى يحتاج فيها الناس للعون وذاع صيته وامتلت الارجاء , ولم تجد لسان الا وقد ذكر البلال على كرمه وفعله للخيرات وكذلك لا تجد مناسبة الا وقد رفع البلال همومه على اكتافه حتى انتهت الثروة كلها واصبح على عجل الحديد كما يقولون, وكانت النتيجة ان البلال اصبح اغنية يردده الجميع وذاع صيت الاسرة باكملها وسميت اسرة البلال , وذهب البلال بكل تواضع لأخيه ياسين ويساله بعض المال لتسيير اموره , وقال له ياسين اين المال الذى كسبته من ثروة الوالد , وقال له البلال , ان صيت البلال الشهرة التى عمت ارجاء البلاد ويتغنى بها فرساننا وغاداتنا لهو قيمة الورثة التى اكتسبتها من الوالد , ولكل شىء قيمته 0 هات من ما عندك وفرهد مع الناس باغنية البلال 0 ( بلالى متين يجى يا يمه 00000 الخ

وحتى نحن جئنا ووجدنا ان اسم البلال يدع به كل محبوب وظريف 000 ولنا اغنيات عن البلال

( يا بلال عجبى فنجرى *** يا بلال جديد عجبى فنجرى )



غناء الفنان /سيد الحعلى
بلالي متين يا ناسي
بلالي متين يعود
*************
الله ان جابك يا عشاي
جيب لي راس سكر وتمنه شاي
نصو للبنوت العاي, نصو لأمي حبيبة قساي
بلالي متين يعود
*************
الرسول يمه البدائي
قولو لأمي انا تاني ماجي
كنا نشرب لبن السعاي
بقينا نشرب لبن الشراي
المي في الماسوره جاي
وتبيخنا في الحله ام غتاي
بلالي متين يعود
*************
نركب البسابق الريح
نمشي للخرطوم نستريح
الخدامه تسوي التبيخ
جمعه جمعه نزور الضريح
بلالي متين يعود
*************
الرسول يا ود عمتي
كان تدور راحتي انا جمتي
رسلني تسريح النجي
بلالي متين يعود
************
بلالي متين ياناسي
بلالي متين يعود
***********



( اشراقات 000 شكرا الاستاذ/ عادل على المداعبة الظريفة ,, وحقيقة انا عندما اكتب اى موضوع اخدم نفسى قبل الأخرين 000 عليه اشكر المنتدى على جميل معروفه على لأنه وسع دائرة الذين يعرفوننى 000 واما ان تسيب البوست لى فهذا سلب لحقوق فكر انسان له الفضل بعد الله فى اخراج البوست بالصورة الجميلة سر والى الامام الى الامام000 ,,, لك حبى ولأهلك ودى )

عمرو
07-31-2011, 12:07 PM
كلمات اغنية حلم الأماسي
انتى مهما تغيبى عنى
اصلو مابتفوتى منى
عايشه فيا و ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر
وشوق سنين لزول مسافر
راجى الزمن فى يوم يجيبو
لديارو ولحبيبو
والفريق يفرح يغنى
انتى مهما تغيبى عنى
اصلو مابتفوتى منى
فى عيونك شايله اكوان
من براءة ومن محنه
وعزه تشرب من معزه
ومن تراثنا ومن اصلنا
و وعد غرقان فى نداهو
وزحمة اطفال جوه جنه
وزول بيحلم بالعديله
وفرحة الريد الطويله
ناس تجيهو تغنى ليهو
ناس تبارك وناس تهنئ
انتى مهما تغيبى عنى
اصلو مابتفوتى منى
وتبقى ياحلم الاماسى
شمعه ضاويه فى كل دار
وزهره فى كل المواسم
كل يوم بزيد نضار
تهفو ليك الامنيات
وتزهو بيك الامسيات
وبيك تفرح وليك تغنى
انتى مهما تغيبى عنى

على جعفر نصر
08-06-2011, 12:20 PM
اغنية مفارق كيف للفنان المخضرم / محمد احمد عوض , مجرد ان اكون وعدنا السيارة وحددنا يوم السفر هذه الاغنية تدخل جوفى وكان قلبى لا يستطيع ان يسع ان انسان بكلماته الا هو واختصر كل الايام التى قضيتها بين الاحباب تفيض عيناى ليكافىء الفنان بحفنات من الدموع , التى تعودت ان ان ادسها خوفا من والدتى وشقيقاتى ومن كثرة سيلانها القصرى اغرق نفسى حتى لا يرانى الناس , ولا شك ان الغربة ونيرانها ذبحتنا شر ذبحه0


واليكم الاغنية الرائعة :

مفــارق كيـــف تخليـــنــا لشوقنا و ذكــري ماضينا
و كيف بعدك يكون الحـال و كيــف تصبـــح لياليـنــا
فريقنا الكان مفرهد بـيك و عــاش روعـــة تلاقينــا
صبح حزنان و ما مصـدق في يــوم ترحــل تخلينــا
و ين بعدك نلاقي حنــان طيـبــة و رقــة يـا زينـــة
مشيت خليتنــا للايـــام منـو الغيــرك بواسيـنــا
و حاتك نحن ما بننسـاك و لا بعــــــدك بنسيـنــــا
و مهمــا طالـت الايـــــام مصيرو الحي يعود لينـــا
بنحسب بعدك اللحظات و ليل الشوق يطول بينا
وما بنتهنى يوم بعـــدك و لا الايـــــام تصافيـنـــــا
تصور حالنا كيــف بعــدك و كيـف فاضــت ماقينـــا
رحلت و شلت كل الكون منـو الغيــرك بواسيـنـــا

على جعفر نصر
08-15-2011, 10:42 AM
حقيقة اكون ضعيفا ويكون اسلوبى ركيكا عند احاول الكتابة عن الاغنية السودانية منذ مولدها ,,, ويعجز الكلم ان يعبر عن ما يجيش فى خاطرى عندما اتحدث عن شعراء الاغنية السودانية والملحنين والعازفين ايضا , لأنهم بالرغم من تواضع الإمكانية فقد قفزوا بالاغنية الى ان غزوا الفضاء ,,, ولحساسية شعراءنا فقد كانت لكل اغنية مناسباتها واليكم هذه الاغنية للشاعر حسن ابو العلا والفنان القامة المرحوم احمد المصطفى 0

الشاعر الذى إرتبط بأغانى أحمد المصطفى هو الشاعر حسن عوض أبو العلا وليس سعد أبو العلا وهما أبناء عمومه وبدأ الأول كتابة الشعر بعد إصابته بكسر بالسلسلة الفقرية بمنطقة الرقبة والشلل الرباعى لأطرافه الأربعة وذلك إثر توقيت خاطئ فى القفز مع علو الموج على شاطئ الاسكندريه فى أيام الحرب العالميه الثانيه أثناء فترة إجازة حسن ابو العائلة بعد أن أكمل دراسته الثانويه بمصر وفى إنتظار ظهور النتائج لمعرفة مكان قبوله للمرحلة الجامعيه بمصر أو إنجلترا وكان منافسه وليم عطيه إبن إدوارد عطيه وهو أستاذ كبير بكمبردج أو لندن فى السبعينيات وكان حسن طالباً متفوقاً ومبرزاً وجاء قدومه للإسكندريه تلبية لرغبة إبن عمه سعد والذى كان يُدير أعمال شركات أبو العلا بمصر وطلب من حسن مرافقته لقضاء جزء من الاجازة بالاسكندريه وذلك قبل عودتهم للسودان ... وكانت أولى محاولات حسن هى قصيدة ( سفرى ) وكان يحكى فيها حاله مثلما كانت أغنياته الباقيه مثل غرام قلبين ووين ياناس حبيب الروح وقربو يحنن ولاحت بشائر العيد وأنا الوحيد حيران وأيام وليالى وحرام يا زازا .. وأعتقد أن زازا هى محبوبته التى تغنى من أجلها وغالباً هى إبنة عمه .... جاءت محاولة حسن الأولى فى شكل رساله أرسلها مع سائقه لأحمد فى الشركه وكان حسن مبتدئاً فقام باشكاتب الشركة وإسمه على قيلى وهو أكثر ضلوعا في العربيه فيما يتصل بعمل القافيه وإعادة صياغة الكلمات وترتيبها فى صورة الأغنيه الحاليه وقام أحمد بتلحينها وتقديمها فى نفس اليوم فى حفل على المسرح القومى بأمدرمان ولحُسن الصدف طلب المرحوم خانجى والذى كان وقتها مديراً للاذاعه طلب من أحمد تسجيلها على جهاز تسجيل جديد وصل للاذاعة فى ذلك الوقت .... ولما أثارته الكلمات فى إعادة ذكرى الحادثة الأليمة وسط أهل حسن ...طلبوا من أحمد وقف التغنى بها ....وتركها أحمد قرابة السنه ...إلى أن جاء مامون بحيرى وسعد أبوالعلا من لندن وفى لقائهم بأحمد وسؤالهم عن أحوال حسن ومعرفة قصة القصيده الأولى وصدى سماعها عند العامه وأهل حسن ..طلب مأمون وسعد من أحمد سماع الأغنية وكان التسجيل الوحيد الباقى لها هو على جهاز خانجى الذى كان يرددها يومياً إلى أن حفظها عن ظهر قلب ....طلب الأخيران من أحمد مواصلة تلحين كل كلمات حسن مستقبلا وتعهدا أن يقوما بدورهما بإقناع أهل حسن بأن المخرج لحسن من محنته هو فى كتابة الشعر والذى سيدخل به عضواً فاعلاً فى المجتمع ... وهنا كانت قصة حسن وأحمد وذاك القصد النبيل الذى أفرز هذا الكم الهائل من القصائد الخالدة الباقية حتى يومنا هذا0
رحم الله شعراءنا وفنانونا وكل من قدم لهذا الوطن الشامخ المعطاه حبة خردل فى كل سبل الحياه لمن غادروا هذه الفانية نسال الله ان يحشرهم فى ذمرة الصديقين والشهداء وحسن اؤلئك رفيقا , ومن هم يحنون العشرة فلهم التحية والتجله والله اسال ان يمد فى اعمارهم0

سفرى السبب لى اذاى
بطرى اللي آمال و غاية
و ما بتحمي المقدور وقاية يسلم نهجي من الرماية
****
سفري السبب لي اذايا فرقة و فقدان هنايا
بطرى حبيب املي و منايا و ابكي على هذي النهاية
و ببكي على تهديم بنايا ليت حبيبي علي ناح
***
فيييك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح
***
دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح
***
ماذا اؤمل .....ماذا اؤمل
ماذا اؤمل حيران ببكي و بامل
ولهان ببكي و بامل وحيد ببكي و بامل
آآآآآهــــ يا هوايا و آآآآآآآآآهــــــ يا منايا
وحيد سهران برايا انيس دمعي و بكايا
آآآآآآهــــ يا كناري و آآآآهــــــــ يا قماري
طيري لي تعالي وحيد ليلي و نهاري

أحمد عبد الوهاب أحمد
09-18-2011, 12:42 PM
قال المغني ..

غيب وتعال ** تلقانا نحن يا نا نحن .. يانا نحنا .

غبنا لفترة عن هذه الواحة الظليلة التي نستعيد فيها ذكريات المفردة والنغم ، وعند العودة وجدناها أكثر ألقـاً في معية أبو الجعافر وعادل وعمرو والكوكبة الطروبة من المشاركين والمتلقين .. حياكم الله .
في إحدى حلقات البرنامج التلفزيوني المبدع على قناة الشروق خلال شهر رمضان المنصرم تسمرت أمام الشاشة البلورية – كما يقولون .. وأنا أسمع وأشاهد القامة الفنية محمد وردي وهو يصدح برائعته (خاف من الله على قلبي) بصحبة فرقة موسيقية بتهوفنية تفوقت على نفسها وعلى بتهوفن ذاتو و (بجعته) .. وأضافت الكثير لتلك المفردات العذبة التي صاغها الشاعر القدير إسماعيل حسن و ذلك اللحن الخالد الذي سكب فيه محمد وردي عُصارة تجربته الثرة في عالم الغناء .

ترتبط أغنية (خاف من الله) في ذاكرتي بعمنا المغفور له بإذن الله عباس داود ودكانه العامر الذي كان بمثابة النادي الثقافي لمعظم أهالي آرتمري في ذلك الزمن الجميل .. حيث كان الدكان قـِبلة الغادين والقادمين عند المغيرب .. بيتنا المجاور لمنزل عم عباس ، وبابنا الذي يواجه فناء الدكان كانا يتيحان لي الفرصة وأنا عائد من مهمة (الرعي) وربط الماعز والنعاج على أوتادها في الحظيرة الواقعة شرق (باب السر) خلف منزل عمي عبد الرحمن أحمد – تغمده الله بواسع رحمته – كانتا تتيحان لي فرصة استرقاق السمع وأنا أتمدد على العنقريب في انتظار وجبة العشاء التي تقوم الوالدة بإعدادها ، على صوت الراديو المنبعث بقوة وبأعلى صوت من ذلك الجهاز الأسطوري الذي يلعلع متوسطا جمهورا من المشاهدين (أقصد المستمعين) وقد تحلقوا حول المذياع قادمين من مختلف أصقاع الجزيرة في إنتظار الأخبار ، خاصة المحلية التي تُختتم عادة بنشرة الوفيات ، ويليها فاصل غنائي طويل قـَل أن يخلو من مشاركات الفنان وردي ذو الشعبية الكبيرة عند أهل آرتمري .

وتقول كلمات الأغنية :

خاف من الله على قلبي .. وقلبي من غرامك خـــاف

زرعت الشوك على دربو .. وياما في هواكم شاف

سنين وأيام قضيت عمري .. في لوعة

أنادى الليل وأقول يا ليل . . أنا المظلوم عـــزاي دمعة

دموعي تسيل
وليلي طـــويل
وعايش فى مهب الريح .. براي شمعة

**********
علمتو يحبك .. ولما سار في دربك
خـُنت وسبت حبيبك ليه

وا خسارة أملى وأملك ..وا خسارة
وا خسارة قلبي في حبك وا خســارة

وا خسارة دمعي ودمعك وا خســـارة

كنا نبنى الجنة .. ولما خلاص قربنا
إنت هدمت سعادتك ليه

يا مــا سهرنا ليالى يا حليلك يا غالى
وياما في هواكم شاف قلبي

*************
يا قلبي أنسى الفات .. وعيش من تاني وحداني

لو حنيت لعهد الشوق .. أجيب من وين عمر تاني

يا قلبي شفت الويل .. وليل السهد بكاني

بعد ما تبت من النار .. حـــــــرام تتجدد أحزانى

يضمك ليل ويطويك ليل. . . ونار الويل مهـــادك

يا مظلوم ومــا ظالم .. حليلك والعمر فاني


في تلك الأمسية الرمضانية تشابك كل من الفنان وردي والشاعر المتمكن إسحاق الحلنقي ومقدمة البرنامج الموهوبة سلمى السيد .. فكان لابد أن يكون الطرب النبيل حضورا .

ممدوح ارو
10-12-2011, 05:22 PM
الحــــــــب .. والظروف ..
اغنية جميلة تدعو الى التريث عند كل كلمة تلمس اطراف ازنك وعندما تخاطب وجدانك يكون عندك الف سبب وسبب لكى تزرف دمعة وبكل صراحة لتبكى مع نفسك لنفسك او لحبيب غادر وتركك انت والشاعر وهذة الكلمات لسان حالكم ...........................

كلمات: فضل الله محمد


قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر

* * * * * *

الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر

* * * * * *

لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر

* * * * * *

لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

ضياءالدين محمد
10-13-2011, 09:51 AM
ثنائية الشاعر التجاني حاج موسي والراحل المقيم زيدان ابراهيم
(قصر الشوق)


باب الريدة وانسد
وقصر الشوق وأتهد
تمر أيام وتتعدى
ونقعد نحسب فى المدة
ومهما أجرب النسيان
الأقى الشوق بيمتده
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
يا قصر الشوق لو هداك حبيك
ومرة ليك صد
ببنيك بغلاوة الريد ..
محال أنا قصرى ينهد
واهى الايام بتتعدى
ونتعاتب ونرجع تانى لابد
أقول أصبر على الحرمان
أقول أنساك لابد
أشوف بس طرفك النعسان
تخونى القوة والشدة
وأصبر قلبى .. على الهجران
يثور ماضينا ويتحدى
وأهى الأيام بتتعدى ونرجع تانى لابد

على جعفر نصر
10-16-2011, 08:19 AM
غنية سامحنى للشاعر المغترب الزين عباس عمارة صاغ كلماتها حيث قام بتلحينها المبدع المغفور له باذن الله برعى دفع الله واهداها لصاحب الحنجرة الذهبية الراحل عبد العزيز محمد داؤود , تصور بعد مضى عشرة سنوات , المبدع برعى دفع الله راى ان كلمات ولحن هذه الاغنية تتناسب مع امكانية الفنان احمد الجابرى وقام بسحب الاغنية من ابو داؤود والراجل راضى تصورا هذا التواضع والذى للمصلحة العامة , واهداه للراحل المبدع احمد الجابرى لترتاح الاغنية بكلماتها ولحنها عند حنجرته , وبارك ابوداؤود لبرعى والجابرى وقال فعلا الاغنية ارتاحت هنا , ومن اربعين سنة مضت لم استمع هذه الاغنية وبالامس القريب وفى برنامج ( نجوم الغد ) تجلت الموهبة الفنانه جنة ضحية لتفاجىء اعضاء اللجنة بتمكنها من اداء الاغنية باحلى صورتها , هكذا كان فنانونا متواضعين لا يعرفون الانانية , ويختارون الكلم واللحن المناسب للفنان المناسب0


سامحنى
--------
سامحنى ما تغلط على وهبتك كل ايامي الهنية
قلبى راضى وراجى مستني التحية
مرة جامل مرة منا تنسي المحنة
مرة واصل عندى قربك احلى جنة
جنة نقطف من رياحينها المودة
نزرع الدربين مشاتل ورده ورده
وردة تتحدى المصائب فى دروبنا
وواحدة تغمر بالشذى عاطر قلوبنا
كل ما اخضرت غصونها وفاح عبيرها
تقترب فرحه نهايتو جدلة مصيرها
جيت اسامحك والقى بين حكاياتي الطويله
مرة اكتب خطابي يحمل ليك احاسيسي الجميله
وكل نظرة حب تأكد لعواطفنا النبيله
وكل نسمه تمر بتحمل لى ريدك
جيت اسامحك وانت ما بتبخل بإيدك
ايه حياتي مصيرى نابع من وجودك
كلوا لحظة سعيدة تورق فى عمرنا
كلوا خطوة جديدة حين تصلنا
سامحنى .

مجذوب
10-21-2011, 11:37 AM
الخال العزيز علـــــــــــــــــي
انت انسان لا زلت تنهل من معين الجمال الذي عشته في الطفولة.. وحرمتك الغربة من امتداده وتبلوره .. والا لكان لك كلام آخر في عالم الكلمة والجمال ...
اما عن هولاء الناس فهذا هو ديدن جيلهم ... التفاهم والحب والود .... والايثار الذي كان من اهم معالم الرجولة والنخوة في ذاك الزمان ... فقد كانو يحسنون صورتهم في المجتمع بالعطاء ... وليس التملك ...
كيف لا وهم كانو من الصفاء والنقاء بحيث يالفون اغنية ويلحنوها ويغنونها في نفس الليلة ... وكيف لا وهم كمثل شاعر اغنيتي هذه .... وقصتها القصيرة جدا ... وعظيمة جدا في نفس الوقت ... هذه الاغنية التي يظن كل من يسمعها ان شاعره .. عاني الويلات من فراق محبوبته ليخرج مثل هذه الكلمات ... بينما في الواقع لم تخرج هذه الكلمات الا لصديق عزيز ... كتب هذه القصيدة الشاعر عبيد عبدالرحمن ..كرسالة ,,,,الي صديقه الشاعر عوض جبريل بعد ان تم نقله للعمل في جنوب السودان ....
حبيبي اكتب لي وانا اكتب ليك
بالحاصل بي والحـاصل بيك
الحاصل بي انا شوق وحنين
وأقيم الليل آهات وأنين
فارقني حبيب آلفني سنين
أتحكم بيني وبينو البين
ما ليك أمان يا زمان
يا ليالي زمان الله عليك

انا اكتب ليك وانت اكتب لي يا حبيب روحي يا نور عيني
يا وحيد عمري الما دمت حي اكتب لي عن لي شيئ
ارحم بعادي يا حبيب فؤادي واذكر ودادي ارع الوفا ودع الجفا
اذكر صفا ايمي ليك

اذكر جلوسنا على الربا نستعرض اسراب الظبا
نسمع لي همسات الصباح نحنا في فجر الصبا
ابسم اليك تبسم معاي تسمع غناي جالس حداي مع صوت الناي
مع الصوت الناي انا يا مناي يا الطول حياتي اغني ليك

على جعفر نصر
10-22-2011, 09:48 AM
اغنية سائق الفيات


سايــــــــــــق الفيات
للشاعر / ابراهيم العبادي
والتي أحب دائماً ان أسمعها بصوت الفنان/ علي ابراهيم اللحو:
أغنية سايق الفيات للشيخ إبراهيم العبادى لها قصة بروايات مختلفة حيث ـ إن سرور كان سائقا ومعه أمين نابرى وزين العابدين كوكو وقد تحركوا من سنار إلى سنجة في عربة فيات خاصة عن طريق الرماش ....
أما محمد الحسن الجقر .،ـ فى كتابه روائع حقيبة امدرمان فلقد ذكر :
أن سرور خرج مع الخواجة مستر برسى لورين المندوب السامي في مصر فى رحلة صيد في كنفوى من سيارات شركة الفيات العاملة في السودان في ذلك الوقت إلى سنجة ...وتخلف منهم سرور وانضم إلى العبادى والأمين برهان في ضيافة زين العابدين كوكو نائب المأمور و انضم لهم محمد البنا وأمين نابرى وكان سايق الفيات سرور...المهم ان القصيدة قيلت بين سنار وسنجة 0
هذه الاغنية لجمال كلماتها وانسيابها وحسن التعبير فقد تغنى بها كثير من الفنانين وبالوان عديدة منها لون الحقيبة حيث شدى بها اولاد شمبات ثم الفنان بادى محمد الطيب والحاج محمد احمد سرور وبالمناسبة سرور كان لديه ملكه متفردة فى النمه والدوبيت والغناء وسافر الى السعودية وعمل مع الملك عبد العزيز وكان سائق لسمو الامير فيصل بن عبد العزيز فى صباه ان صحت الروايات , ولم يمكث طويلا بل عاد الى الوطن الام , ثم بعد ذلك تغنى بذات الاغنية الفنان المبدع دوما على ابراهيم اللحو الذى ذكر بان ما قاده ليتغنى بهذه الاغنية التركيب العجيب للمفردة وبالذات هذه الابيات :
( شقا حشا الطريق وإتيمم الحللال
زفنو الكِلاب ما نالن إلا علال
فاضلات ثواني قُلال بينك والغروب
داك مشرع الشلال )


حيث قام بتجدد اللحن واضاف الموسيقى الحديثة, وعندما ذهب للاذاعة للتسجيل وافقت الاذاعة على شريطة ان يدفع على ابراهيم مبلغ ( 8 ) جنيه للشاعر العبادى, وافق ثم ذهب على ابراهيم للعبادى وكليهما لا يعرفان بعضهما , وذهب على ابراهيم للعبادى وقال انه الفنان الذى تغنى بسائق الفيات وكان ذلك عام 1963م, وشجعه على نهجه وبارك خطاه, وطلب له زجاجة بيسبى , ورفاق العبادى قالوا له اطلب لنا بيبسى , وقال العبادى لا البيبسى غال وطلب لهم جبنه سادة 0
يا سائق الفيات عود بي وخُد سندا
وبي الدرب التحت تجاه ربوع هُندا
يا السايق الفيات
بوصيك قبُل تبدأ سيرك وداك طريقك
سابق الربده منك بعيد جبدّا
حي هُندا المراد ميل بي ربوع عبده
يا السايق الفيات
أطوي الأرض وأضرعمن أفكارنا سيرك
يا الفيات أسرع ميّل علي المشرع
لا تريع القطيع بتجفل ألادرع
يا السايق الفيات
شوف سايق الفيات الليلة كيفن هاش
والشدر والكُبار بقى شوفنا ليهو طشاش
قول دحين وين ماش فارقتا الطريق
إتيامن الرماش
يا السايق الفيات
شقا حشا الطريق وإتيمم الحللال
زفنو الكِلاب ما نالن إلا علال
فاضلات ثواني قُلال بينك والغروب
داك مشرع الشلال
يا السايق الفيات
يازين الشباب ياطيب الأخلاق
يا أمين الصديق والناس علي الإطلاق
من أيدي الصناعة يبعدو المِعلاق
أنظر لي الطبيعة ومجد الخلاق
يا السايق الفيات
أنزل يا صديق وشوف يد القدرة
وشوف حسن البداوة الما لمس بدرا
وراد النهر هم أردوني لم أردا
الكاتل الصفار أم نضرة الخدرا
يا السايق الفيات
شوف النهر مار بي خشوع تقول هجسان
زي مر المنام بي مُقلة النعسان
جلة قدرتو ما أكفر الإنسان
كم ينسى الجميل كم يجحد الإحسان
يا السايق الفيات
مانفرن تقول سابق الكلام عرفة
عطشان قلتا ليهن وصحة البلفا
مافيش كأس قريب قالن بدون كُلفة
تشرب بي كفوفنا حتى تتكفى
يا السايق الفيات

نور الصباح
11-16-2011, 02:10 PM
بلــــــــــــداً هيلي نا
بلداً هيلي نا..
دموعها.. دموعي نا..
أساها...أساي أنا..
ضميرها..ضميري نا..
كل آمالي نا..
السلام يملاها..يطلع من هنا..
و الحَمَام يتشابى!

تقدل طفلة حلوة و بين إيديها كتابا..
و الحبوبة تمسح بالحنين أثوابا..
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة زي أم كيكي و الربٌابة.

البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.

في العصرية ..شٌفع جارية لي ألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
وأشجار النخيل..و قُدرتا الخلابة.

ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌٌبة.

مظهر سيد
11-27-2011, 07:52 AM
كثيرة هي الاغنيات التي في ذاكرتي...(من اغاني نوبية وعربية)
واعتقد ان كل شخص عندما يستمع إلى اغنية معينة
فإنها تحمله إلى زمن وعمر محدد وذكرى خاصة...
ومن الاغنيات التي ارتبطت بذاكرتي أغنية (الليلة لاقيتو) للعبقري الراحل/ابراهيم الكاشف،
وبالرغم من أن الكاشف رحل عن الدنيا في نهاية الستينات، فإن فنان اسمه فيصل الصحافة اعاد تقديم الاغنية في بداية الثمانينات، فصارت الاغنية على كل لسان، وهي مصنفة من الاغاني الخفيفة بعكس أغاني الراحل الكاشف ذات المقدمات الموسيقية والالحان المتنوعة....
عموما عندما استمع إلى أغنية (الليلة لاقيتو)...أعود إلى سنة 83-84-85 ميلادية،والى مرحلة الصبا والمدرسة الابتدائية....وقضاء الأوقات بجانب النيل وبين الجروف الخضراء في جزيرتنا الخضراء، وأعود إلى ليالي أنسنا ونغمات طنبور /ماهر أرو سليم تشق السكون في (ميري سكة) أو (الشارع الميري أو الحكومي التي تشق آرتمري من بدايتها إلى نهايتها) أو في الرمال، وأيضا تعود بي ذاكرتي إلى الحمار البني الذي كنت امتطيه ذو النهيق والصوت المميز والعجيب!!!!!!،والذي زاد من شهرة الأغنية في المنطقة أن فنانا اسمه (عاطف حبراب) ضمن (الليلة لاقتيو) في شريط كاسيت شهير في ذلك الوقت بمرافقة آلة الطنبور وهو كان يغني بصوت حاد وبطريقة مميزة ولا أدري أين هو ذلك الفنان الآن؟؟؟
وسوف لن تنمحي تلك الأيام من ذاكرتي...
وإليكم الأغنية وهي من كلمات الشاعر: سيد عبد العزيز وألحان وغناء :إبراهيم الكاشف
الليلة لا قيتو
ملأ السرور قلبى
وبإسمو ناديتو

القلب حباه
وبالشكر واليتو

ما عشقت هندامه وقامته وتواليته

أنا عاشق أخلاقه وقدرته جليته

ياليته يشعر بى ياليته ياليته

بالذمة با مدهش

وجدانى هزيتو

منى الفؤاد بالصد صدعته وأذيته

وأن حلفونى بإسمك عن ضررى عزيته

ليه ودى بالهجران يا حبيبى جازيته

أنا لو ضمنت رضاك

كان شخصى هنيته

وينتم لى أملى

الفى الكون تمنيته

وأقول صريح للناس يا ناس السعد ظنيته

عرج على بعد ما خلاص العمر أفنيته

شكرا لكم ولي عودة مع أغنيات في الذاكرة...

عادل اسحق
12-04-2011, 08:18 AM
الاعزاء والاجلاء
ابو جعفر ، واحمد عبد الوهاب ومجذوب وضياء الدين ونور الصباح ومظهر
اقدكم لكم ولجميع الأعضاء هنا الاعتذار لعدم متابعتي هذا البوست ومتابعة مشاركاتكم
والرد عليها ولكم العتبى حتى ترضوا
ولأنني اعلم تماما بأنكم لن تبخلوا علي وعلى الاخوة الاعضاء بما تحملونه في ذاكرتكم من
روائع وجمال لتلك الأغاني وما تفعله بكم عندما يتم ترديدها بمسامعكم ،،، واتمنى أن لا تتوقفوا
عند هذا ،،،،،
واواصل معكم عبر هذه الاغنية التي حملت عنوانا يختلف كثيرا لتلك العناوين التي حملتها اغنيات تلك الفترة وهي أغنية (بخاف ) من كلمات الشاعر حسن السر وغناء ابو عركي البخيت
بخــــــــــــــــــــــاف
بخاف أسال عليك الناس
بخاف أسال عليك الناس
وسر الريده بينا يذيع
بخاف أكثر كمان ياغالي
من إيديّ إنت تضيع
وأعيش بعدك حياتي جفاف
آه مواسم ريده بينا مافي ربيع
بخاف يا إنت لوجيتك
ألملم في خطاوي الشوق
وأزور بيتك
يقولو عليّ حبيتك
بخاف لوبرضي غبت عليك
تقول نسيت وجافيتك
بَهـِم لو صدفه لاقيتك
درب حِـِلـِّتنا جابك يوم
تشيل ياروحي ترمي اللوم
عليّ وتزيد همومي هموم

تقول جافيك وأنا نسيتك ؟؟؟
أريت تعرف
حنيني إليك ياريتك
كمان تعرف
لحد وين بعزك
وفي أعماقي حسيتك
ياريت انت تعرف
ياريت انت تعرف
وبس خايف إذا جيتك
حكاية الريده تمشي تذيع
ومن إيديَّ إنت تضيع
وأعيش بعدك آه حياتي جفاف
مواسم ريده مافي ربيع

هي أغنية تعد (مفخرة) لنا كسودانيين...
يكفي أنها قد فازت (بالإجماع) في مهرجان الأغنية العربية في دمشق في عام 1970...

وهذه الاغنية نوسجت حروفها في تلك الفترة وفيها كان البوح بالحب من محرمات والمعيبات على المجتمع واسوار الكتمان تطبق على انفاس البوح..وتخفى وهج الريده تكبته الوجدان وهى تمور بحمل ثقيل يكاد ان ينفجر.وكل ذلك الخوف الهائل الذى يهيمن على الرغبه فى الاعلان ..والبوح والتصريح..وخوف الضياع اذا تداخلت كلتلك الاشياء الموانع..
ليبقى سر الريده فى كتمان..
تخفيه العيون من ملامح النظر..
ويخفيه نبض القلب.وهو به يخفق..
لعل تلك اللملمه.فى خطى الشوق..وخوف التساؤل..وكل ذلك الهم والعيون تلتقى صدفه فى عشق نظرها.ويرتد البصر حسيرا .كسيرالا يستطيع ان يتامل او يرنو.او يرتد باشارة تفضح .ذلك الريد...
تلك ايام حين كان كل شىء حبيس .زداخل سياج تلك العادات والمجتمع يزحف الى النهوض..
ومفارقه ما بين صباح اليوم .والعوالم الاسفيريه.وتكنلوجيا المعلوماتيه ..وتقدم ادوات الاتصال.صوره وصوت
اللذه فى المعاناه زمان لها شهد الرحيق..فى المحاولات فى انضباط فريد يحفظ توازن العلاقات العاطفيه ونظم التربيه الاجتماعيه. .ويقنن مساحات التعامل وحدود المدىوتلك القيود التى قد تكون تمثل مدى من الحرمان..لكنها معاناة تستاهل..
ابو عركى فنان من طراز فريد استطااع ان يضع بصمته فى عاالم الاغنية السودانية و هو من الفنانين الذيم شكلوا وجدااننا ببديع الغناء الجميل.. (وسوف يكوني لي وقفات مع هذا الاسم ان شاء الله )
بخااف كانت حدث وقت ظهورها و ظلت خاالدة فى وجداننا رغما عن تقدم الزمن..تجربة لحنية جديدة فى وقتها و كلماات كانت تحكى عن الكثيرين فى ظل الحية الاجتماعية و القيود التى كانت ترتب عليها..
حسن السر بكل جراءة استطااع ان ينقل ما يحسه و يرسمه بكلمات معبرة و واقعية طرزها ابو عركى بهذا اللحن الشجى...و واضح الاغنية من جيل اغنياات السبعينات...زمن بعيد خلاااص
اغنية عبرت بكل صدق عن انفعالات حقيقية استطااع الشاعر ان ينقلها فى هذا الكلمات البسيطة المعبرة جدا لحاله...لم اسمع الكثير للشاعر حسن السر و الشئ الذى اعرفه
عنه انه مغترب منذ فترة طويلة بالمملكة العربية السعودية..

أحمد عبد الوهاب أحمد
01-10-2012, 07:38 AM
كنت أدرسُ بالمرحلة المتوسطة في مدينة كريمة معقل الأحباب الشايقية .وكانت المدرسة ترابط في أقصى المدينة يفصلها عن مشارفها بعض الميادين المخصصة للفرق الرياضية لتزاول أنشطتها على الهواء الطلق.

السوق كان يتوسط المدينة ويقع على النيل مباشرة ويتمطى إلى الخلف مسافات طويلة وتشقه قضبان السكة حديد إلى نصفين .. في عطلة نهاية الأسبوع كنا ننتشر في أركان السوق المختلفة نرتاد المطاعم (لزوم التغيير من أكل الداخلية) إذا لم نكن حضورا في مائدة الخال نوري عثمان أو العم بدري من جزيرة موقة وغيرهما من الأهل الذين كانوا يتسابقون لاستضافتنا.
كانت المقاهي تضج بعدد غفير من الرواد والجرسون يرفع عقيرته ليقرأ على مسامع الزبون قائمة مشروباته بسرعة متناهية حتى يكاد لا يفقه قولا "عندنا شاي سادة،شاي حليب، كاكاو، جبنة، كركدي ، حلبة، سحلب، وووووووووو ...."

الراديو كان سيد الموقف ووسيلة الترفيه الوحيدة دون منازع في غياب السيد تلفزيون الذي لم يكن قد رأى النور في ذلك الزمان بمدينة كريمة، وكان يحتل موقعا مميزا في صدر المقهى ويلعلع بأعلى صوته. كانت رائعة الكابلي (ضنين الوعد) من أحب الأغاني عندي ، وربما عند القائمين على إذاعة "هنا أمدرمان" .. أو ربما كانت أغنية الموسم . حيث كان يتم ترديدها كثيرا في الإذاعة. وكان الطرب يبلغ أشده عند المقطع الذي يقول(لا تقل إني بعيدٌ في الثرى فخيال الشعر يرتاد الثريا)!!

طافت بنا الدنيا لأجد نفسي صديقا وزميل عمل في مدينة الرياض مع شاعر هذه الأغنية الشاعر صديق مدثر .. شخص جذاب ،دمث الأخلاق، متواضع لأبعد الحدود ، هاش باش يدخل القلب بلا استئذان . عجباً ، شاعر بهذا القدر وهذه الإمكانات الهائلة يشد الرحيل ويضطر للهجرة والاغتراب لكسب العيش ، هذا هو السودان.. وإن كانت هناك من حسنة في تلك التجربة فهي أنها مكنتني من أن أنهل من علمه وشعرِه الغزير .. فالتحية له وقد عاد إلى حضن الوطن، مع تمنياتنا له بسعادة البقاء والمزيد من العطاء .

وإلى كلمات أغنية "ضنين الوعد" :-

يا ضنين الوعد أهديتك حبي من فؤاد يبعث الحب نديا
إن يكن حسنك مجهول المدى فخيال الشعر يرتاد الثريا
كلما أخفيته بالقلب تنبئ عنه عيناك و لا يخفى عليا
أنا إن شئت فمن أعماق قلبي أرسل الألحان شلالاً رويا
و أبثُ الليلَ أسرار الهوى و أصوغ الصبح ثوباً بابليا
لا تقل إني بعيد في الثرى فخيال الشعر يرتاد الثريا
كان بالأمس لقانا عابراً .. كان وهماً كان رمزاً عبقريا
كان لولا أنني أبصرته و تبينت ارتعاشاً في يديا
بعض أحلامي التي انسجها في خيالي و أناجيها مليا
يا ضنين الوعد
ومضة عشت على إشراقها و انقضت عجلا و ما أصغت اليا
كلمة خبأتها في خافقي و ترفقت بها براً حفيا
من دمى غذيتها حتى غداً ذات جرس ياسر الأذن شجيا
و افترقنا و بعيني المنى قالها الدمع فما أبصرت شيئا
إن تكن أنت جميلاً فانا شاعرٌ يستنطق الصخر العصيا
إن تكن أنت بعيداً عن يدي فخيالي يدرك النائي القصيا
لا تقل إني بعيدٌ في الثرى فخيال الشعر يرتاد الثريا

ضياءالدين محمد
01-17-2012, 09:24 AM
يا ضلنا
يحي فضل الله
---------------------------

يا ضلنا المرسوم على رمل المسافة

وشاكي من طول الطريق

قول للبنيه الخائفة من نار الحروف

تحرق بيوتات الفريق

قول ليها ما تتخوفى

دي النسمة بتجيب الامل

والامل بصبح رفيق

و الاصله فى الجوف اندفن

لا بتنسى لا بنمحي لا بنتهى منه الحريق

و الفينا من اهات اليمه فى حكاوينا القديمة

لا بيرحل عن عيونا ولا بتغشاه الهزيمة

و القبيل راجينو نحنا يوم تبشر بيه غيمة

لما تمطر يوم علينا

الفرح يملا المدينة

و البلودات الحزينة

يا ضلنا

عادل اسحق
01-24-2012, 08:00 AM
استاذي الجليل / أحمد لك التحية وانت تواصل المسير هنا
تنثر أجمل الذكريات على صفحات واحتنا الغناء
وما أجملها من ذكريات تلك التي تكون في غربة وبعد عن الأهل والأحباب
وفي حضرة القامة صديق مدثر والرائع الأستاذ / عبد الكريم الكابلي
وننتظر المزيد من معين الذكريات التي تحملها في معيتك يا ابو معتز
تقبل خالص الود والتقدير

عادل اسحق
01-24-2012, 08:07 AM
حبيبنا ضياء
قبل أيام مرت علينا ذكرى رحيل المبدع / مصطفى سيد أحمد
حيث كان للفضائيات السودانية الحضور الطاغي في ذلك الزمان
يحتفون جميعا بذلك القامة الذي ارتحل عنا وترك خلفه مورث غنائي
لم يسبقه أحد، لأنه تفرد وكان فنانا بمعنى ما تحمله تلك الكلمة من معنى
كان يحيى فضل الله حاضر في أغنية يا ضلنا
كان أزهري محمد علي حاضر في أغنية وضاحة
كان صلاح حاج سعيد حاضر في أغنية قمر الزمان
والقائمة تطول وأعدك واعد كل الأعضاء أن نفرد لكل هؤلاء صفحات
في هذا البوست
لك الود أيها المبدع الخلوق
خالص التقدير والاحترام

عادل اسحق
01-24-2012, 08:25 AM
أمي الله يسلمك
يقول الشاعر التجاني حاج موسى إنه كتب قصيدة (جواب للبلد) في السبعينيات، وكان وقتها طالبا بالجامعة.. و(أُمي الله يسلمك) هو جزء من نصها الطويل.. كما غنى الفنان محمود عبد العزيز جزء آخر منها.. ويضيف (أنا سعيد غاية السعادة إذ وفقني الله أن أهدي والدتي الحاجة دار السلام عبد الله هذه الأغنية.. وإن لم أكتب غيرها لقنعت بذلك.. وأنا نفسي شاهدت الأمهات وهن سعيدات بالأغنية..).
واهدي القارئ النص الكامل لهذه القصيدة..
ضُل الضَحى الرامي
وشمس شتوية دفاية
وريحة الُبن لما تفوح في قلاية
وفروة جدي.. صورة جدي..
لمن جيت أمد إيدي:
«جدي!! أديني تعريفة!!»
«بتقرا الحمدو يا المبروك؟!» صورة تنزاح وتتلمَّ
وآه يا يمه والله زمان!!
***
وقُصر القول.. شايل اللوم
ويوماً جابني للبندر:
وحاتك إنت يا الغالية
ولابسني الخجل من راسي لي كرعيا
شايلة وأحوم!!
وها دي الحالة في الخرتوم!!
أهو عايش شقي ومهموم..
وإنت الله يسلمك..
أمي الله يسلمك..
ويديكي لي طول العمر
في الدنيا - يوم - ما يألمك..
أمي يا «دار السلام»
يا حصني لو جار الزمان
ختيتي في قلبي اليقين
يا مطمناني بطمنك
خيرك عليّ بالجد كتير
يا مرضعاني الطيبة بالصبر الجميل
يا منتهى الريد ومبتدا
إن شاء الله.. الله يسلمك
أنا مهما أصفح عن مشاعري
برضو بيخوني الكلام
وقولة «بحبك» ما بتكفي
وكل كلمات الغرام
يا منتهى الريد ومبتدا
إن شاء الله - الله يسلمك
وأشوفك بي خيال حالم
تشاوري وترقص السبحة
ملامح العابد الصايم
تشع فوق جبهتك سمحة
وشيبك يحاكي ضي النور
مزدان يمة في الطرحة
وتبسم ليَّ
أمد إيدي..
يتلاشى الحلم وأصحى
ويتقطر عرق مالح
ويسكن فيني كل الهم
وأشم ريحة ندم جارح
وأرفس زي بخارج الروح
وزي عصفورة منجرحة
فارقت الفضا البارح
وآه يا يمة والله زمان!!
وَهَمْ كُل المدائن وَهّم..
وَهَمْ غرقانة في زخم الحضارة الغم..
حضارة بتحصد الإنسان
وتزرع في مكانو الغم..
وآه يا يمة والله زمان!!
بقراها.. وشان تعريفة ألقاها،
بجود في القراية كمان»
وآه يا يمة والله زمان!!
وسبحة «بت الفكي»
والطورية والواسوق.. وسعف حبوبة والكورية والحنقوق
وصوت سعدية.. بت جيرانا
تشحد ليها في طايوق
وصوت «عرفة» لما تخمج الدلوكة غناية
وحبة فريك لموهو لي رمضان
مصرور في مخلاية
صور محفورة جوايا
من يوم داك..
ولي الليلة..
ولي بكرة..
وبعد باكر..
شان الزمن غدار وما معروف
زمن مكار زمن كافر!!
وآه يا يمة والله زمان!!
**
مشتاق يمه لي ملاح النعيمية
وريحة صاجك المحروق
لما تسوي طعمية..
وغُباشة روب..
وعنزة حلوب..
بدور أرحل أجيكي هناك
ضاقت بيّا يمه هنا!!
بدور أتمسى بصوتك
وأصابحك يا حبيبتي أنا..
صباح الخير على عيونك
أتاري الدنيا من دونك
شينة ومُرة ما بتندار..
دي مُرة مرارة يا يمة،
دي مُرة وحارة زي النار
ولو بدوري أحكي ليك كيف أحوالي في البندر؟
من وين عايزة أبدا لك
من وين عايزة - بس - من وين؟!
مو شيتاً غريب وعجيب!!
دى شيتاً كلو شين في شين!!
هنا الزول عديل ونصيح،
وحاتك إنت يا الغالية..
بيعيش حياتو يوماتي بي وشين.
وزولتي الحتى حبيتها
لقيتا براي تحب زولين!!
وآه يا يمة والله زمان!!
وقشة عيني من النوم
معاي بشيل هموم باكر!!
قبل ما أشيل هموم اليوم
وأختها خطوتي الأولى أعدي الباب،
تبدا تدق طبول الهم..
خواطر تذهل الألباب!!
وأقابلك يا شوارع الجِّن..
وفي جوايا حاجة تئن..
وأشد وتر الحزن وأعزف
تموت غنواتي يا يمة
ويخنقني الغُنا وأنزف
وتنتر في العروق حمى
خيال بيتنا الحنين يرجف
خيال بيتنا القديم يرجف.
والتحية والتقدير لكل أمهاتنا ونسأل الله أن يجعلنا بارين بهم

على جعفر نصر
01-30-2012, 07:47 AM
عدوله يا فيض المحنه
تحية طيبة

كنت امام التلفاز امس القريب والمخضرم كمال ترباس يفكك طلاسم اغنية ( امى ) للشاعر المرهف التيجانى , تفاعل ترباس مع كلمات الاغنية بكل حساسية حتى انهمرت الدموع من عينيه عندما لامست شفتاه هذا المقطع


يا حصني لو جار الزمان
ختيتي في قلبي اليقين
يا مطمناني بطمنك
خيرك عليّ بالجد كتير
يا مرضعاني الطيبة بالصبر الجميل
يا منتهى الريد ومبتدا



وانت يا عدوله خربشت دواخلنا , وبلا شك الذكريات صدى السنين الجاكى
وبهذه المناسبة اهنى كل الامه الاسلامية بذكرى المولد النبوى الشريف.
وكل عام والجميع متمتع بالعافية

عادل اسحق
02-08-2012, 07:04 AM
الخال أبو جعفر اقدم اعتذري لأنني دائما أكون متأخر في الرد
على المداخلات في هذا البوست حيث أن الواجب علي متابعة كل الاضافات
والرد عليها ولكم العتبى حتى ترضوا
نعم اعطى كمال ترباس هذه الاغنية حقها ومستحقها لأنه تغمص روح الشاعر
وجعل من نفسه مخاطبا أمه ، وحنان الام ومكانة الأم عندنا لو جعلنا كل المنتديات في العالم
تكتب عنها لن نوفيها حقها ومستحقها لذلك وجب علينا واجبه الاسلام علينا أنها احق الناس بحسن الصحبه والعشرة والتكرار في الحديث المشهور هو للتأكيد على تلك المكانة السامية ويكفيها فخرا ان الجنة تحت أقدامها
لك خالص الود والتقدير
وانت بالف خير وصحة وعافية يا غالي

عادل اسحق
04-16-2012, 07:05 AM
اعود إليكم أحبتي بعد توقف دام طويلا
اعود وفي معيتي شاعر جميل يحب الجمال وينثر الجمال
في ساحة الجمال قدم مع فنانين كثر لوحات رائعة وجميلة
اصحبكم في معية الشاعر / عبد العال السيد
من مواليد قرية شبعانة شمال القولد
المؤهل التعليمى / بكالريوس ادارة أعمال / جامعة القاهرة / الفرع
وله مجموعة قصصية غير مطبوعة كاتب عمود مرصد بجريدة الخرطوم * تغنى له الكثير من المطربين السودانيين أمثال مصطفى سيد أحمد * ابو عركى البخيت * الهادى الجبل
عصام محمد نور * سيف الجامعة * كمال ترباس ويعد عبد العال السيد من كبار الشعراء المبدعين والتحية للطير المهاجر ود السيد ولك يا صاحب الذوق الرفيع

غربة ومطر

الدنيا ليل غربه ومطر

وطرب حزين وجّع تقاسيم الوتر

شرب الزمن فرح السنين والباقي

هداهو السفر

يا روح غناى الغربه

ملت من شقايا وغربتى

وبقيت براى حاضن اساي

والوحشه ملت من سايا ووحدتي

لا غنوه لا موال يبدد حسرتي

غير الشجون يا ملهمه

الغربه مره ومؤلمه

قولو للنيل ضفه ضفه

والعشيات لما تصفى

والنسيمات البتاخذ من

عفاف ريدتنا عفه

انو شوقي يفيض بحر

شوقى شوق انسان مضيع

ضيعو الليل والسهر

لا ينابيع ريدى جفت

لا ولا اشواقى خفت

كل يوم فى غربة زايده وبيها

كل الدنيا عرفت

على جعفر نصر
04-16-2012, 08:20 AM
الاستاذ/ عادل - الموقر
يحفظك مولاى

عودة المياه جلعتنا نرتوى مع اشراقات الصباح الباكر 000 هو فى جو احلا من اللقيا , على صفحات الود والاخاء الحقيقى , والحلو لا زم يقابل بالحلاوة اليس كذلك ؟ بلى !!!

مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم

على جعفر نصر
05-06-2012, 05:27 AM
تم اعداد برنامج ثقافى متبادل بين اذاعات الدول العربية, ومن ضمن التبادل تم تبادل اغنيات بين دولة الكويت وجمهورية السودان وتم اعداد وارسال كمية من الاشرطة الغنائية السودانية وارسلت للكويت , وبديهى ان تفحص كلمات الاغانى المهداه من قبل مذيعى اذاعة الكويت , وكانت من ضمن هذه الاغانى اغنية ( يا ملك ) للفنان الرائع ( صلاح بن البادية) جمال الصوت والاداء الاخاذ للفنان الفرايحى (ا بن البادية ) الهبهم , ولكن استوقفهم مقطع الاغنية:


الما قادرين يصلو الملك
قالوا الأمير زي الملك
ده كذب يا زول
كيفن أمير يعادل ملك
ده بعد الهلال من المسك
بكتير يا زول


وعلق المذيع الكويتى قائلا : ( أميرنا ملك ) عليه لا تصلح هذه الاغنية معنا , وابعدت هذه الرائعة من برنامج التبادل الغنائى الثقافى 0
ومن عندى هذا الاهداء لكل قلب يرفرف بداخله اعلام الحب الناصعة البيضاء 0



ياملك
صلاح بن البادية
يا ملك عايزنك ديمه تكون ملك
ملك عظيم يا زول
عايزين ديمه نشوف الملك
ده سور العالي المنشبك
يحمينا يا زول
حراسو بتمسك ما بتفك
بالموت دايرين نشوف الملك
لو جيت بعيد سور الملك
ده عبيرو بجيك فايح المسك
احذر حبو لا تنشبك
ده كتير الحباهو وهلك وما بهموا
الما قادرين يصلو الملك
قالوا الأمير زي الملك
ده كذب يا زول
كيفن أمير يعادل ملك
ده بعد الهلال من المسك
بكتير يا زول
لو شفتو مره بترتبك
انوار جلالو حرس ملك
تشيلك ي زول عفه وبراءة
وطيب خصال ودلال وجمال ملك
ده ملك عظيم يا زول.[/font][/size]

ضياءالدين محمد
05-22-2012, 10:06 AM
من أجمل الاغنيات التي تغني بها الفنان محمود عبد العزيز واجادها بصوته الرنان المتفرد..


اغنية بعد الفراق

بعد الفراق ما عدت تاني تهمنا
أيه الحصل تكتب جواب مضمونو انت تزمنا
ما قلت في ساعة الوداع مافي أمل حيلمنا
اخترت انت طريق طويل سكتنا ما زي سكتك
لبس المظاهر والغرور في نص الطريق بنزلك
أيه الحصل تكتب جواب عايزنا نحن نقدرك
ما قلت في ساعة الوداع انت النجوم وايدينا ما بتحصلك
نحنا ما درنا الفراق والله ما درنا الفراق البيهو جيت فاجأتنا
عايشين على ريدك سنين في لحظة جيت بس خنتنا
أيه الحصل تكتب جواب طالب نواصل ودنا
ماقلت في ساعة الوداع مافي أمل بيلمنا



واغنية جاهل وديع

جاهل وديع مغرور في أحلام صباهو
نايم خلي ومسرور ماعرف الهوى
في سور وداخل سور في روضة زهورغناء وقصور في قصور
آية الجمال مبصور أخلاق الرضيع في هيبة المنصور
باهي الدلال موفور محجور الخدود ماهو الخليع وسفور
زاد في نفور نفور أصبح قلبي في أيدو اليمين عصفور
لو ينفع المحزون مالي ومال هواهو الضامر المبزول
قاسي ومنيع ما بزور لكن دابو تاه جاهل صغير معزور
هل الهلال في حجور وتقلد نجوم لافي إعتزار في جور
مابرحم المهجور مأسور الجمال مابرضى حكم الجور
ناعم لواحظ حور قاروط لو رآه مثلي كان مسحور
فاق الحسان الحور في خدو الزهور زاهية وجوارا بحور

على جعفر نصر
09-08-2012, 01:08 PM
"شـــــــــاعرالطبيــعـــــــــة"

نشأته:
هو مصطفى الحاج بطران،محسى الاصل من منطقة السكوت. و لد بمدينة الخرطوم بحرى حلة حمد حوالى عام 1904, و كانوالده تاجرا بها و مصطفى اكبر اولاده. تعلم في الخلوة ثم التعليم الاوسط بالخرطوم ولظروف خاصة لم يكمل تعليمه فعمل كاتبا بالسكة الحديد و تنقل خلال حياته العملية بين كثير من المدن خاصة عطبرة و جوبا
لم يستمر في العمل طويلافقد عرف عنه مناضلة المستعمر و مواقفه الوطنية و لاقى الامرين من ذلك. ثم عمل بمجلس البلدية الخرطوم بحرى في اواخر ايامه بعد أن وقع على ضمان حسن السير و السلوك .
لم يفكر بطران في الزواج لانه فُجع في هواه حين وجد أن الذي يحبها تحب احدا غيره. وقع ذلك عليه اشد موقع و كان سببا في الهامه الكثير من اغنيات الالم و الحرمان. واصيب بداء الصدر وتوفى عام 1939م .
شعره:
الشاعر مصطفى بطران لقب بشاعر الطبيعة ولكن الأستاذ مبارك المغربي أطلق عليه اسم الشاعر الوصاف ولقب بشاعرالطبيعة لان له مجموعة من القصائد التي يصف فيها الطبيعة وجمالها مثل أغنية اطردالأحلام وزمن الربيع حلا وجنينة البلدية.. وهبّ جانا النسيم عليل وغيرها من الاغانى . كان مصطفى بطران شاعر وسيما أنيقا واسع الخيال صادقا في أحاسيسه ومشاعره والتي ترجمها إلى اغانى خلدت وعاشت في وجدان الشعب السوداني .
مناشهر اشعاره اهزوجة البلدية التي يقول مطلعها:
يا خفيف الروح روحى ليك هدية
بينا يا الله نروح حديقة البلديــــــة
ومن كلماته عزة وصالك التي يؤديها الفنان الراحل عثمان الشفيع
عقلي إنشغل بهواك ودمعة الشوق والناعس المكحول0

والاغنية التى انا بصددها كتبت كلماتها عام 1933م ولحنا الفنان ( سرور ) وغناها الفنان القدير ( كرومة ) فى اسكتش غنائى.




عقلي انشغل بهواك والحكمة عيني
لاجة ومجافية النوم يا أربعيني
هاك بعض حالي البي روقي اسمعيني
شاكي الغرام ما لقيت لي من معيني
لو كان كلام في الطيف مرة اسمعيني
خليني اصلى النار في هواك دعيني
فوق اللي جاري علي لا تجرديني
ثوب الغرام ودوام عنه انشديني
طايع مريد لقساك باهي اليديني
ما اخترت غانية سواك و حق ديني
مهما يلاقي عذاب قلبي السجيني
ومهما يزيد ويفيض همي ويجيني
لو كان يزور الطيف مرة ويجيني
تلبس حظوظي السود ثوب اللجيني
من يوم رماني سنان لحظك سنيني
محق علي نومي ومحق سنيني
اصبحت كل صباح يزداد انيني
كالبلبل المفرود يا مي حنيني
دائما تكيلي غرامك ما بتكيني
فوق لا اطيق من هجر تكلفيني
دائما تزيدي علي دائي الدفين
لمتين تراعي لحالتي وتنصفيني

على جعفر نصر
10-17-2012, 11:29 AM
ســلـــمــــى

كلمات لشاعر سوداني ومناسبتها وفاة المحبوبة (سلمى)

تغنى بها مطرب كبير (الكابلي) قبل سنوات طويلة

أثير حولها لغط كبير حول حرمة الغناء بها لما جاء بالمقطع الثالث بكلمة (عبدت) باعتبار ان ذلك كفرا

والبعض أيد بأعتبار ان ذلك ليس الا شعرا

فلنقرأ ولنستمع لأراؤكم
كلماتها تقول



أنا ابكيك للذكري و يجري مدمعي شعرا
أنا ابكيك للماضي وللعهد الذي مرا
وللألحان مرسلة تصوغ الفن والسحرا
وللأزهار في الوادي حياري ترقب الفجرا
‏*****
أنا أبكيك إن ساحت علي الوديان أمطار
أنا ابكيك إن غنت علي الأشجار أطيار
أنا ابكيك إن غنا بلحن الحب مزمار
وإن اترع في قلبي فيض اللحن قيثار
أنا ابكيك إن طافت فجاءات وأخطار
‏*‏****
عبدت البدر يا سلمي لأن البدر محياك
عبدت النجم يا سلمي لأن النجم سلواك
عبدت الروض يا نوري لأن الروض غناك
عبدت الغصن في الوادي لأن الغصن حياك
عبدت القبر يا حبي لأن القبر ضماك
عبدت الله في سري لأن الله سواك
‏*‏****
لقد هيج آلامي حنين المزهر الباكي
وصمت الليل أشجاني فهل سلماي أشجاك
وهل صور ماضينا وهل ردد ذكراك
يفوق الفن والإنشاد والإشراق عيناك
سأبكي كل ما صورت بعقلي دنياك
فما أعجبها دنيا سرت بالروح مسراك

أحمد عبد الوهاب أحمد
10-22-2012, 08:10 AM
عبدت البدر يا سلمي لأن البدر محياك
عبدت النجم يا سلمي لأن النجم سلواك
عبدت الروض يا نوري لأن الروض غناك
عبدت الغصن في الوادي لأن الغصن حياك
عبدت القبر يا حبي لأن القبر ضماك
عبدت الله في سري لأن الله سواك



كلمات هذه الأغنية الرثائية الرصينة تثير اللواعج. وقد أطلق الشاعر العنان ليسكب من خلالها فيض مشاعره في فقده الأليم.

وإن كنا نعذر الشاعر في استخدام كلمة (عبدتُ) .. فإننا لا نجد العذر للفنان القامة عبد الكريم الكابلي في ترديد تلك الكلمة التي تثير الجدل، والتي كان بالإمكان استبدالها بكلمة الأخرى في ذات السياق من بينها (عشقتُ) على سبيل المثال - خاصة وأن الفنان الكابلي شاعر مطبوع وكان في مقدوره إيجاد أكثر من كلمة بديلة.

ويُروى أن الشيخ (كشك) في مصر - رحمه الله - سمع بأغنية كمال ترباس التي يقول فيها "البعبدها وين؟؟" فاستشاط غضبا وقال في ترباس عبارة مازال يرددها الناس.

لك تقديري..

على جعفر نصر
11-06-2012, 12:52 PM
(قصة أغنية (من الأسكلا وحلا).... كلمات الشاعر ود الرضي غناء ولحن الحاج سرور .............................، كانت هناك فتاة جنوبيه جميله تسكن الخرطوم ويحبها كل الفنانون آنذاك لأنها تضفي على حفلاتهم جوا من البهجة والمرح لما تتمتع به من رشاقة في الرقيص، ومن بين هؤلاء الفنانين الملحن والمغني المشهورالحاج سرور ..(وكان إسمها مليم)
تزوجت مليم وأراد أهلها أن يسفروها بالوابورالنيلي الى زوجها بالجنوب "الرجاف". حزن الحاج سرور لهذا الفقد واراد أن يوثق لهذا الحدث، فطلب من الشعراء أن يكتبوا له قصيدة فورية بهذه المناسبة وسوف يقوم هو بتلحينها في نفس اليوم .. وكان من بين الشعراء الموجودين شاعرنا محمد ود الرضي الذي لا يعرف تلك المنطقة، فطلب من الحاج سرور أن يأتيه باسماء محطات الوابور وسوف يقوم بكتابة القصيدة.

فعلا ذهب الحاج سرورالي طاقم الباخره وعاد منتصف النهار بمحطات الباخره المتجه للجنوب مكتوبة، وفي نفس اللحظة صاغ ود الرضى تلك القصيدة الرائعة "من الاسكلا و حلا" ..

والأسكلا هو اسم محطة الوابورات المتجهة الى الجنوب وكانت جنوب الخرطوم وقد قام الحاج سرور في نفس اليوم بتلحين القصيدة وأهداها للعروس مليم المسافرة الى زوجها بالرجاف ..
من الطرائف المرتبطة بالقصيدة إن سكان أم جر عاتبوا الشيخ ود الرضي لعدم ذكره اسم قريتهم فقال لهم ( عاد لا حوله لا قوة دى من منو ...ما منكم انتو(
منتهى الابداع من الشاعر ود الرضي ومنتهى الابداع من الملحن والمغني الحاج سرور رحمهما الله رحمة واسعة.



من الاسكلا وحلا .. قام من البلد ولى .. دمعي لي الثياب بلّ
بى داهى العذاب حلّ .... وبى تذكاره بتسلى
قلبي الذاب واختلّ.... وين بدر التمام هلّ
صفر ودع الوابور.... حاجزين قمره أتنين دور
الوابور مرّ بالمجرور.... شال ظبيا سكونو خدور
جبل أولي حبيبي غشا.... وحصل في القطينة عشا
يا قلبي الطفش وفشا.... الما آليته.... ينكفشا
حل زى الصقر خوى.... بالبدر الدويم ضوّى
عاد لا حول لا قوّه.... حبيبي الليله في الكوه
صباح الخير على ام نفلين.... أهني البيها محتفلين
سيد الحسن رب اللين.... شرف كوستى والجبلين
هنيئا حان وقت زهاك.... الرنك احتفل بي بهاك
وين الليله يا النشهاك.... يا ليت كنت في جلهاك
يا كاكا الحبيب طلاك.... بعده الزاد نفوسناهلاك
يا ملوط حليل نزلاك.... يا زمن الفراق نسلاك
بي قدومك كدوك أصبح.... سوقو من الكساد أرباح
انا من نياحى صرت أبح.... كأنى فى مبرك المذباح
من دا الهم ما بنجى.... حبيبي الليله في تونجا
يا خالق الخلق تنجا.... في تركاكا.... حلت العنجا
سلام متنامى ما غبّ.... ما مرّ النسيم صبّ
يرضى ال لي العفاف ربى.... ويخدم كامل الرتبا
صب يا دمعي لا تكون جاف.... وياقلبى البقيت رجاف
البدر الخفا.... الانجاف.... اليوم شرف.... الرجاف

بكري محمد يوسف
11-30-2012, 03:15 PM
[/b]شكراً حبيبنا أبوجعفر دائما مواضيعك جميلة،،لك التحــــــــــية

بكري

ضياءالدين محمد
12-13-2012, 06:03 AM
من أمهات وعيون الغناء السودانى الصميم والمغروس فى الذاكرة
والمشّكل للوجدان السودانى .... انها اغنيات صنعت أمة ... وجمعت أمة ...

وهي تحمل في طياتها القيم والعادات السودانية الجميلة..

مالك مجافي الناس عايش براك في غربه
ما انحنا ناس جيرانك قضينا عشره وصحبه
من يوم سكنته قصادنا مالك بعيد ما بينا
لا بترعى حق الجار ولا العيد بجيبك لينا
واصلنا وادخل بيتنا عشان نجيك وتجينا
اصلو الصلات الطيبه واجب عليك وعلينا
من يوم سكنته الحي معانا ليك شهور
لا بتمرق انته تجامل ولا بتبدي مره شعور
حتي الطيور بتوالف ما بعيش وحيد عصفور
ماشي الزمان والناس
مالك مجافي الناس
دايرين نوالفك نحنا وانته الولف مابيهو
والجار بخاوي الجار بالفيهو والمافيهو
الناس دوام بالناس منو البعيش وحديهو
انحنا ما قصرنا وانته العليك سويهو
مالك مجافي الناس انحنا ناس جيرانك
قضينا عشره وصحبه مالك مجافي الناس

مودتي


مع سلامي

على جعفر نصر
12-18-2012, 01:40 PM
الحلقات الرمضانية والتى يقدمها لنا الشاعر والاستاذ المخضرم السر قدور والكوكبة النجومية والمنتقاه بدقه متاهية ليؤدوا ما يُطلب منهم بكل تفانى , والقدور ما زال يواصل حكاويه الرائعة والمتجددة عن أغاني السودان وبأداء تلك الكوكبة من الفنانين الشباب المبدعين.
لقد تميزت حلقات شهر رمضان الحالي من برنامج اغاني بالتغني للوطن وحبه والاخلاص له والذود عنه بالروح، وامتدت الاغاني لتعبر عن أماني شعبه بوحدة السودان شماله وجنوبه وشرقه وغربه.
لقد حكى السر قدور قصة الاغنية الوطنية الجديدة الرائعة التي غناها الفنان الكبير عاصم البنا لأول مرة في حلقة ليلة الخامس عشر من رمضان الحالي والتي صاغ كلماتها الشاعر المرهف صلاح أحمد محمد صالح والتي انتقى لها كلمات رائعات، فهي بحق الاغنية الوطنية الحديثة والتي سوف ترتقي مكانها مع الاغنيات الوطنية السابقة.
انت ساكن في فؤادنا ونذكرك في كل ليلة
انت روحنا وانت زادنا انت دنيانا الجميلة
انت يا مرتع صبانا بيك رب الكون حبانا
ارضك الطاهره الحنونه هى احلامنا ومنانا
مهما ليل الغربة أليل بكرة نرجع لي ربانا

الى ان يقول:
مهما ليل الغربة أليل بكرة نرجع لي ربانا

هكذا رسالة الفن.. فالفن يلعب دوره الخالد في ترسيخ حب الوطن لدى كل الناس صغاراً وكباراً ويلعب دوره الريادي في التربية الوطنية التي تمجد الوطن وتحث على الموت في سبيله وبذل الارواح رخيصة لرفعته.
ويزيدنى الشرف ان اختم هذه المقالة برائعة ابن شده الشاعر الفذ/ مصطفى عوض الكريم محمد حينما انشد قائلا:


أحبك يا سودان حبا أقله
يعز على وصف البليغ ويصعب
فلو كنت شمسا فى السماء منيرة
لأصبح منى فى مدارك كوكب
ولوكنت بدرا كنت حولك هالة
مدى الدهر لاتنأى ولاتتجنب
ولوكنت ثغرا كنت فوق بسمة
تلازمه طول الحياة وتصحب
ولوكنت روحا كنت جسما يضمه
له فى قضاء الله أهل ومرحب
ولوكنت عزراء الم حاريب لم أزل
بقربك صبا خاشعا أترهب
ولو كنت ربا لما كنت عاصيا
اليك بما ترضى به أتقرب
وشاعرنا له قصيدة اخرى فى حب السودان كانت ضمن القصائد المقررة فى المراحل الاولية
سوداننا الحبيب فداؤه النفوس
رحم الله مصطفى بقدر ما اعطى وعلم0

ضياءالدين محمد
12-26-2012, 09:08 AM
الفنان المرحوم مصطفي سيد احمد كان عندو اخوهو على علاقه حب قويه ربطت بينه وبنت في الجامعة .. استمرت العلاقه فتره طويله .. المهم خططو لمستقبلهم سوا و أي حاجه لكن لمن اتخرجو البنت خطبها زول و مشو شهر العسل لي مصر, اخوه مرض شديد و اتشل, من الشاكووش الجامد ده, فودوه القاهرة عشان يتعالج فالبصدفة و هو طالع من المطار تجي البت و راجلها راجعين السودان
ولمن تشوفو في الحالة ديك تقع على ركبتيه و تبكي.....

اخو مصطفى سيد احمد ألفها و هو كان مرافق للمريض
غدار دموعك
غناء - مصطفى سيد احمد
**************
لا تنبش الماضىالبعيد الم تكن
يوما لقلبى واقعا مجهـــولا
لا تنكأ الجرح القديم فإننى
و دعت ليلا مظلما و ثقيلا
وحملت روحى فى فواد نازف
ما زال يحمل نصفه مشلولا
وخلعت اثواب الحداد اما كفى
اذ صار قلبك فى الهوى ضليلا
............................
غدار دموعك ما تفيد
فى زول حواسو اتحجرت
جرب معاك كل السبل
وايديهو ليك ما قصرت
حطمت فى قلبو الامل
كل الامانى الخدرت
كلماتو ليك ضاعت عبس
لا قدمت .. لا اخرت
*************
ما كنا وكت الليل يضيع
تشرق نجومو وتنكتم
ويطل شعاع يكشف قناع
والظلمة ترحل تنهزم
وجفونا من طول السهر
تلبس وشاح فرقة والم
نستبشر اليوم الجديد
ونقول تعود انت العشم

كيف العشم وكتين يموت
والغصة تطعن فى الحلق
كيف الحنين وكتين يهز
لى زول بعيد ما بتلحق
كيف الرجوع لىزول قنع
شايل رماد(رفاة) قلبـو الحرق
سيب الندم وانسى الدموع
ما فات زمان ما بتلحق

غدار دموعك ما بتفيد
فى ظلمة ما بتعرف شعاع
اشباحة زى موج العدم
كسر المقاديف والقلاع
ونزلنا فى طوف الفشل
وابحرنا فى بحر الضياع
ونسينا ذكراك الزمان
عشناها فى زيف القناع
(حمانا الله واياكم من الشاكوش)

بكري محمد يوسف
02-07-2013, 03:50 AM
ياضابط السجن
للشاعر الكردفاني محمد حامد آدم
صبرك لحظة واحدة
إذنك مرة واحدة
ياضابط السجن
أزود بنظرة
وأرجع أنسجن
خمسة شهور طويلة
مرت ليلة ليلة
ودمعة شوق هميلة
ورى الدمعة الهميلة
تسرح شايله حالي
وتكتب في مثيله
قصة وردة جفت
من فرق الخميلة
يشلع نور بسيمة
وده ينير الوجن
مايحلى دوام فريحو
وده الما فيه ظن
بتحكي حنين مغرد
ده بلبل ساب عشيشو
وراح ولهان يردد
شوق الطير لريشو
وشوق لنادى خدو
لى البجرح رميشو
لجاهلاً بعذب صدو
ويحلى طيفو
طيب نفسو طيبه
حبيب كلو طيبه
فرحان بى شبابو
كامل حسنو هيبه
والأنظار تهابو
ده لين ني صغير
زي الزهرة دابو
وبى بلور أصابو
بصفح كتابو
ما تسمح لي أشوفو أشوفو
ياضابط السجن
والله أنتظر يخالف والحرمان علم ..

على جعفر نصر
03-18-2013, 04:15 AM
اغنية سيد الاسم من اجمل ما غني المرحوم احمد الجابري

وهي من كلمات الشاعر كامل عبدالماجد

كتب كلمات هذه الاغنية الشاعر الرقيق / كامل عبد الماجد وهو طالب بجامعة الخرطوم , وارسلها للجريدة وكتب عبارة مهداه للفنان الرائع / احمد الحابرى, وفعلا استلم احمد الجابرى الاغنية وقام بتلحينها وقبل ان يتغنى بها , زار شاعرنا كامل بجامعة الخرطوم واعطاه وصف كامل لمنزله وطلب منه الحضور ليسمعه الاغنية بعد التلحين , بل وقبل ان يسمعه اى أحد , وفعلا ذهب لتوه شاعرنا لمنزل الفنان أحمد الجابرى , وكان منزله تحت الانشاء بامدرمان حى العرضه , وقال الجابرى لكامل أعجبنى كثيرا هذا البيت:

(فى العيون ببنيلو دارين من موده ومن منا )


وقال مبتسما كعادته ( يرحمه الله ) يا راجل بدل ما تبنى دارين فى العيون بالمودة والمنى كمل لىً بيتى ده وتكون مشكور جدا , واصلو البنيان مجننى خالص, هكذا كان فنانونا رقيقين رقة النسمات عطوفين كالأم الحنون طيبين ودعين , يلطفون الجو باسلوبهم المتميز, وهذا ما ميزهم صراحة لهم الرحمة جميعا لمن غادروا هذه الفانية , ومتع الله من هم على قيد الحياه0

سِيد الإسم محبوبى وكتين تِبتسم
الدنيا ياناس تِنقِسم
الفرحه تملاه وتزغرد فيها والشوق يرتِسم
مرات أقول أديهو كلمه تزعلو
حبة عذاب وكلام عتاب .. أنا عارفو مابِتحملو
علشان أشوف خدو الحرير الدمعه جاريه تِبللو
لكنى قُبال أبدا بى لحظات أقيف أتأملوا
الضحكه واللفته البتاخد من عيونى النوم شهور وتَجفِلوا
والبسمه والنظره الوديعه ودلو واشراقو الحلو
وأنسى العتــــــــــــــــاب الكنت ناوى أقولو
وأرجع منهزم وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
************
فى العيون ببنيلو دارين من موده ومن منا
بضمه فى قليبى محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
********
يوم جانا شايل خطانا الكايسنه راح
وشايل الامل فى عيونه والحب والسماح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاها وتزغرد فيها والشوق يرتسم

على جعفر نصر
03-27-2013, 04:37 AM
الشاعر العلامة محمود خضر ابن قنتى والذى شكل مع الفنان الراحل النعام آدم ثنائية اثروا معا اغانى الطمبور (الربابة) وتحلقوا بها سماوات الابداع , واى ابداع انه اى النعام ادم وضع اللبنة الاساسية لهذا الشدو الذى ملك قلوب الجميع , قال فى سياق لقائه بالتلفاز : - ( ان اغنية ( القمر بوبا ) هى اغنية من ميلاد قنتى كلمات الشاعرة ( عشمانه بنت عثمان ) وكان ذلك فى عام 1936م عندما جاء زوجها من مصر والبسها حلق (قمر بوبا ومنقوش عليه ثلاثة نجمات) وكان هذا القمر بوبا من ذهب عيار ثقيل لدرجة انه كان ثقيلا فعلا على أُذنيها , وعندما هنأها أهل الحى بهذه القطعة الذهبية , الثمينة التى شاركت نخيل قنتى فى جمالها قائلين ( تقيله على اذنينك يا عشمانة ) فانشدت الغادة عشمانه بجزء من كوبليهات هذه الاغنية:-
(بوبا عليك تقيل ....يا القمر بوبا عليك تقيل)


وحقيقة اضاف الكثير من الأدباء بان هذه الاغنية هى تراثية قديمة , ليجىء الشاعر الرقيق اسماعيل حسن ابن الشايقية باضافاته الثرة على هذه الاغنية الوطنية الجميلة 0ويجعلها كانها ولدت حديثا ,
بالفعل القمر بوبا أغنية موحية ومعبرة وفيها رقة بالغة!...

والذي قدر له بأن (يعيش) في منطقة الشايقية حيث نشأ وترعرع شاعرها أسماعيل حسن يكون سمت انفعاله بالكلمات ذو أبعاد أعمق وزوايا (منعكسة) كثيرة!...
(القمر بوبا) هو قرط للأذن من الذهب أي (حلق) يكون من الخفة في الوزن بمكان! ...وقد أستثقل شاعرنا وزن ذاك ال(قمر بوبا) على حلمة أذن حبيبته!...
هي حبيبة تعد في زمنها ذاك شامة بين رصيفاتها...بشلوخها (الخضراء) و(البركة) التي تكتنفها منذ ولادتها خلال أداء أمها لمناسك الحج ثم عيشة الرغد التي تعيشها في رحاب أهلها أذ لم تعش حياة الشقاء من (حش قش التناقير) وقش التناقير هي الأعشاب التي تنمو على أطراف أحواض المزروعات لدى الشايقية ولا يمانع أهل المزروعات من أن يتناولها الغير من فقراء الناس ممن لا أرض ولا زراعة لهم حيث أن في ذلك تشذيب وتنظيف لل(تقاند)...ويعني بذلك أن (أهل) حبيبته أصحاب أرض وأملاك!...

زد على ذلك أنواع العطور (الباذخة) التي تستخدمها من ) الفرير دمور) و (بت السودان الأصيلة) وهي عطور تفوق في زمنها ذاك منتجات كرستيان ديور الحالية
ثم انظر كذلك الى تشبيهه لمراحل تدرج اكتمال أنوثتها حيث شبهها بمراحل نضج ثمرة النخيل منذ أن يكون (دفيقا نيئا(...

فهي أغنية من زمن جميل يا أحبابى تعالوا لنغنيها سويا, بالطمبور ومن ثم بالموسيقى الحديثه:-
بوبا عليك تقيل ....يا القمر بوبا عليك تقيل


***
الجزيري ام بحرا حمي....فيكي روحي وحبي النما
ما بسيبها ان بقي في السما....ما بخلي الناس تظلما
روحي في دربك سايمة....ياغرق يا جيت حازما
القمر بوبــــــــــا عليك تقيل
***
الصغيرون الماكبير...الرقيبه قزازة عصير
السنون براقن يشيل...العيون متل الفناجيل
ما بتحش قش التناقير....مابتشيل جردل علي الزير
الزراق فوقها تقول حرير....شتتي الشبال يا ام ضمير
خلي قلوب الصبيان تطير
انت ريحتك دمور فرير....ولا بنت السودان اصيل
القمر بوبا عليك تقيل
***
القديمة قديم الحمام...الوزيزين في موجو عام
ياما رايقة قليلة كلام...واحلاتة تقول السلام
ياقمر بوبا عليك تقيل
***
الديوان الديمة مقشوش....بالزهور والورد معروش
بالحرير الاصلي مفروش...ريحتو مايقوما بلا رتوش
كان دا وصفو ماهو مغشوش...قدر الساكننو في الحوش
القمر بوبا عليك تقيل
***
بحر الدميرة العبة ونزل...مرة يسقي الفل والنخل
فيه عام وزينا وقدل...ياني انا البيك عقلي انشغل
بعت روحي عشان ليك اصل...انت ابعد لي من زحل
ياقمر بوبا عليك تقيل
***
الغزال الفوق في السلم...المحبة تزيدي الالم
كل يوم اصبح لي في هم..خيزران عودك منظم
شمعدان نفسك يام ختم...البرتكان نهدك مدردم
القمر بوبا عليك تقيل
***
المبارك شيخ الظهر ...العليك ساسقت وفتر
قلي جنيت ولا دستر....أي انا المرضان مكندر
جابو لي حكيم خير وشر...قال لي يازول مرضك كتر
سببك ام شلاخاً خدر...يا قمر بوبا عليك تقيل
***
الصغيرون ام الجنا...يا كريم ربي تسلما
تبعد الشر من حلتا...تحفظ الام الولدتا
الفي جبل عرفات وضعتا...تسلم البطن الجابتا
دي ترباية حبوبتا....التميرة الفي صبيتتا
الصفار سابق خضرتا....معزورة امها كان دستا
واهلاكي الناس شافتا...معزباني انا ود حلتا
القمر بوبا عليك تقيل
***
الدفيفيق الدابو ني ...البسيمتو بتكويني كي
اهلو ضنو عليو وعلي ...حبك النساني والــــــدي
ما بخليك ان بقيت حي...يا قصيبة السكر الني
نهدك المارضع جني...ووب علي امك ووبين عليّ
ياقمر بوبا عليك تقيل

ضياءالدين محمد
03-28-2013, 05:55 AM
[SIZE="6"][COLOR="DarkGreen"][RIGHT][B][B]الذكري المنسية
من كلمات الشاعر/جمال عبدالرحيم
وهي من اجمل الاغنيات التي تغني بها المبدع الرائع الفنان /النور الجيلاني

يا صحو الذكرى المنسية
من بعدك وين الحنية
بتعدّي مواسم وتروّح
والفرقة بتصبح أبدية

يا مرسى الفرحة يا واحة
قبلة عيني وصباحا
من بعدك دنيا بتشقيني
وخطايا بعدك سواحة
الحزن الخيّم في قلبي
وأيامي الفاتت أفراحا
لا فرحة بدونك بتفيدني
لا قلبي وراك بلقى الراحة

عصفورنا الروّح كلمتو
وصيتو يطوف يسأل عنك
وإسمك في جناحو سطرتو
بحناني الفايض من حنك
في أي مكان لو قابلتو
أنا شوق الدنيا علي منك
بتعدّي مواسم وتروّح
وبتجينا أظنك وما أظنك

الرحلة طويلة
مكتوبة عليّ وبمشيها
المسافة بعيدة
ومحسوبة خطاوي وجاييها
الغنية حزينة
مليانة محنة وأغنيها
والذكرى الباقية معاي منك
يا ريتو قلبك يصحيها
******

على جعفر نصر
04-02-2013, 04:28 AM
غنت من كلمات / احمد شوقي والحان السنباطي بعنوان ( الســــــــــــودان )
وهذه هي كلمات القصيدة وهي بالمناسبة غير موجودة بديوان شعره
غناء الفنانة كوكب الشرق ( أم كلثوم )

وقي الأرض شر مقاديره لطيف السماء ورحمانها
ونجى الكنانة من فتنة تهددت النيل نيرانها
وعند الذي قهر القيصرين مصير الأمور وأحيانها
ويختلف الدهر حتى يبين دعاة العهود وخوانها
فما الحكم أن تنقضي دولة وتقبل أخرى وأعوانها
ولكن على الجيش تقوى البلاد وبالعلم تشيد أركانها
ولن نرتضي أن تقد القناة ويبتر من مصر سودانها
وحجتنا فيهما كالصباح ليس بمعييك تبيانها
فمصر الرياض وسودانها عيون الرياض وخلجانها
وما هو ماء ولكنه وريد الحياة وشريانها
تتمم مصر ينابيعه كما تمم العين انسانها
وأهلوه منذ جرى ماؤه عشيرة مصر وجيرانها
وكم من أتاك بمجموعة من الباطل الحق عنوانها
ودعوى القوى كدعوى السباع من الناب والظفر برهانها

على جعفر نصر
04-07-2013, 04:13 AM
زارت الفنانة القديرة أم كلثوم(عليها الرحمه ) الخرطوم فى خمسينيات القرن الماضى, واستُقبلت بحفاوة عالية المقدار على مستوى الحكومة والشعب المتيم بالحب , وشدت بهذه الاغنية وتم تسجيلها باستديوهات السودان والقاهرة وجميع الدول العربية وغير العربية , ويقول الراوى بان هذا التسجيل الموجود حاليا فى المكتبة المصرية واذاعاتها ودورها الاعلامى هو التسجيل الذى تم بالخرطوم0


هــذه ليـــلتى


هذه ليلتى وحلم حياتى بين ماض من الزمان وآت
الهوى أنت كله والأمانى فاملأ الكأس بالغرام وهات
بعد حين يبدل الحب دارا والعصافير تهجر الأوكار
وديار كانت قديما ديارا سترانا كما نراها قفارا
سوف تلهو بنا الحياة وتسخر فتعالى أحبك الآن أكثر
والمساء الذى تهادى إلينا ثم أصغى والحب فى مقلتينا
لسؤال عن الهوى وجواب وحديث يذوب في شفتينا
قد أطال الوقوف حين دعانى ليلم الأشواق عن أجفانى
فادن منى وخذ إليك حنانى ثم أغمض عينيك حتى ترانى
وليكن ليلنا طويلا طويلا فكثير اللقاء كان قليلا
سوف تلهو بنا الحياة وتسخر فتعالى أحبك الآن أكثر
يا حبيبى طاب الهوى ما علينا لو حملنا الأيام فى راحتينا
صدفة أهدت الوجود إلينا وأتاحت لقاءنا فالتقينا
فى بحار تئن فيهاالرياح ضاع فيها المجداف والملاح
كم أذل الفراق منا لقاء كل ليل إذاالتقينا صباح
يا حبيبا قد طال فيه سهادي وغريبا مسافرا بفؤادى
سهر الشوق في العيون الجميلة حلم آثر الهوى أن يطيله
وحديث فى الحب إن لم نقله أوشك الصمت حولنا أن يقوله
يا حبيبى وأنت خمرى وكأسي ومنى خاطرى وبهجة أنسى
فيك صمتى وفيك نطقي وهمسى وغدى فى هواك يسبق أمسى
هلّ فى ليلتى خيال الندامى والنواسى عانق الخيام
وتساقوا من خاطرى الأحلام وأحبوا وأسكروا الأيام
ربِ من أين للزمان صباه إن عدونا وصبحه ومساه
لن يرى الحب بعدنا من حداه نحن ليل الهوى ونحن ضحاه
ملء قلبى شوق وملء كيانى هذه ليلتى فقف يازمانى
سوف تلهوا بنا الحياة وتسخر فتعالى أحبك الآن اكثر

عبدالمجيد عبدالقادر
04-15-2013, 09:49 AM
مبدع استاذ على جفعر في كل مكان تشارك فيه
في الحقيقة اغنيتان في الخاطر كلما اسمعهما تعود بي الذكريات الي ايام رائعة
الاولى : اغنية الساقية لحمد الريح ، وكنت في اول اجازة سنوية في البلد آتيا الخرطوم التي غادرتها لاول مرة للدراسة الجامعية وقد صادفت ايام زواج ابن خالي محمد عثمان فقير وتجمع للاهل من كل السودان ، وكان المسجل الفخيم لا يسكت من ترديد اغنية الساقية لحمد الريح
الاغنية الثانية : كان ايام شهر العسل عام 1994 م ، وقد سلفني اخي فؤاد سيارته للتنزه بها في الخرطوم مع العروس وكان فيها شريط ليوسف خيري واغنية اسيبكو هيلكو وكان الشريط يدور طول اليوم يقلب على الجنبتين حتى انتهاء فترة استلاف السيارة

على جعفر نصر
04-18-2013, 09:32 AM
استاذى / عبد المجيد عبد القادر - الموقر
تحيات طيبات


شكرا جزيلا على هذه الطلة الرائعة والتى هى الوقود الدافعة لنا الى الامام
واهديك والجمهور هذه الاغنية ,

حجبوه من عيني إلا من قلبي ما قدرو حجبوه"
كلمات الشاعر: عبيد عبد الرحمن
ألحان: الحاج محمد أحمد سرور
غناء: إبراهيم الكاشف
وهى أوّل أغنية تغنّى بها الكاشف

حجبوه من عيني
إلا من قلبي ماقدرو حجبوه
حجبوه من عيني
وضاروه حاسدنى
بقوا بينو ما بينى
لا أدرى ماذنبى
منعوه من حيى
وبعدوه من قربى
وأبوا لا يبارحوه
هو منطقي وذوقي
سمّوه معشوقى
الليهو زاد شوقي
مع أنّو في قلبي
هو الوحيد حبي
يا عوازلي وصحبي
بس ما تشوفوه
هو ما بتشوفو عيون
وما حامو حولو ظنون
وديع رقيق وحنون
هو القطعة الشيقة
والشمس المشرقة
والنار المحرقة
أهو رمز حلوه

على جعفر نصر
04-22-2013, 04:34 AM
اغنية دمعة الشوق / للشاعر مصطفى بطران
الحان / محمد احمد سرور
غناء / كرومة
مناسبتها : كتب كلمات هذه الاغنية الشاعر مصطفى بطران وهو على السرير الابيض (مريض ) وفى ذات الوقت كان مرض ( التيبى ) منتشرا فى انحاء البلاد وأهدى البطران هذه الاغنية لهؤلاء المرضى كروشته للعلاج , وما اغلى هذه الادوية وما ارخصها , هاكم كلماتها ودمتم ودامت بكم الافراح.
وبعد ان قام بتلحينها سرور وقال بوكل تواضع يا كرومه انت افضل واحسن منى فى اداء هذه الاغنية , تفضل اخى كرومه وقدمها للجمهور لأنك خير من يعطى لهذه الاغنية رونقها , هكذا كان الفنانون وهكذا كان التواضع وهكذا كان العطاء الجميل


دمعــــة الشــــوق كــــبي
حكم حــــبي ..أرعى نجم الليل

نسمة السحار.... ليلى طال هبي
أنا مساهر...ونومـــــي متخبى

انتحـل جســــمي والمحـال طبي
مصدره الزهرة الفى نواحي سهيل

انشغال فكــــرى وانفقــاد لبى
وشحــــوب لونى.... كلو من حبي

انســــلب بالــــى وانتزع قلبي
أما امــــالى طوحــــت بالميل

صدري مزمــاري والدمـــوع شربي
أنطـــــرب كل ما ذكره يخطر بى

ماله جافى نفور ما بدور قـــربى
وأنا مالي دوام لي خياله أمــيل

حين قوامــــه يميل للعقول يسبى
وازدهار محيه للبدور يخــــــبى

في جبينه تشوف حكمة الـــــــرب
زى ســـواد حظي جوز دواعجه كحيل

يا بديــع الزى وأزهــــر اللون
يا خفيف الروح يا ســــما الصون

خلقــــك مولاك زينة للكـــــــون
وحبب الأرواح في هواك ياجمـــــيل

عهدي بيك يا جميل دأبك الحـــلم
وارى هجـــــرك لي نير الظــــلم

وأنت عــــارف نوع حبي ليك سلمى
شوقي مهما ازداد برضي شايفه قليل

ضياءالدين محمد
04-22-2013, 11:29 AM
حى العرب امدرمان حى جميل موقع استراتجى وحى فنى حى الفنانين والشعراء مثل الذرى ابراهيم عوض والجابرى وشاعر الحقيبه عبد الرحمن الريح وسيف الدين الدسوقى وكثر لا حصر لهم الحابرى فنان تطرب له الاذان وملحن بارع كان متواضعا وطيبا ومكافحا وصبورا مات ولم ياخذ من الدنيا الاحطامها رحمه الله رحمة واسعه ...



أحمد الجابري - رسائل

من طرف الحبيب
جات أغرب رسائل
يحكي عتابو فيها
وقال ناسنوا قايل

ياما قال حكاوي
ما خطرت ببالي
قال في كل كلمة
إني جفيت وسالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أناسك إنت
اكون غدار وخنت
أسأل عني غيري
واحكم في مصيري
ياما تشوف دلايل

ياما قال كلام
ما لي دخل بيه
إني بروح لغيرو
بهوى وبصطفيه
إن شاء الله حياتي تفنى
لو فكرت فيه
لالا والف لالا
ده حبك عشت ليه
بدل أشواق ومحنه
ترسل لي مظنة
كلام يجرح شعوري
وما يريح ضميري
من زول عنه سائل

على جعفر نصر
04-25-2013, 06:13 AM
للشاعر عبيد عبد الرحمن
كتب كلمات هذه الاغنية الغزلية فى معانيها ولكن مناسبتها غير ذلك حيث نظم كلماتها الشاعر احتفاءا بمولد ابنه الثانى عبد الرحمن واهدى الاغنية للفنان / ابراهيم الكاشف وقام بتسجيلها فى الاذاعة السودانية عام 1942م .

لليلة لاقيته
و ملأ السرور قلبي
وبي إسمه ناديته
لها وأنشغل عنى لأنى غبيته
دق وخفق قلبي وغلبنى تثبيته
فضلت أتأوه وما قدرت أنبيته
من وقتها وعنها وطوالى حبيته
القلب حبَّاه
وبالشكر واليته
ما عشقت هندامه وموضته وتواليته
أنا عاشق أخلاقه قدرته جليته
ياريتو يشعر بى ياليتو ياليتو
أنا لو ضمنت رضاك
كان شخصى هنيته
وبيك تم لى أملى
الفى الكون تمنيته
كنت أقول للناس السعد ضنيته
عرج على بعد ما خلاص العمر أفنيته

محمد عيسي نصر
04-28-2013, 01:46 AM
دنيا الريد غريبة .... سر ما بنفهموا
ناس أفراحها زايدة ... وناس إتألموا

كنا بشكي ليك ... وكان قلبك حنين
وإنت ظلمتا ريدنا .. عاد نشكيك لمين

دنيا الريد سعادة ... دنيا الريد عذاب
ناس تجني المحنة ... ناس تجني السراب

ناس من كلمة عابرة .... كل الريد يهون
ناس في الريد تضحي ... بالروح والعيون...

ثنائي العاصمة

عادل اسحق
05-08-2013, 10:38 AM
الثنائية التي تشكلت في خارطة الغناء السوداني بين العملاقين الشاعر / صلاح حاج سعيد
والمرحوم / مصطفى سيد احمد كان من نتائج هذه الثنائية العديد من الروائع وانا بصدد رائعتهم
قمر الزمان الذي يسجد الابداع في الكلمات واللحن والاداء واضافت المذيعة الراحلة المرحومة / ليلي المغربي بالالقاء الشعري لهذه الكلمات نكهة خاصة فارجو ان تبحثوا عنها في عالم الانترنت واسمعوها
وانثر لكم كلمات الاغنية هنا بعد غياب دام بيني وبين المنتدى لفترة واتمنى ان تكون العودة رائعة كروعة هذه الكلمات والشخوص :

قـــمر الزمــان - الشاعر صلاح حاج سعيد


وكتبت ليك لا بيني بينك ريده لا قصة غرام
اخترت ليك اجمل حروف واصدق فواصل نادره في لغة الكلام
لا قصدي الهو معاك بي كلمات غنى
لا حروفي ليك مرجيحه من شعر الغمام
وكتبت ليك والله يا قمر الزمان
شان جيتي بي زمن المحنه
وشفت في عينيك حس اهلي القدام
وكتبت ليك وانا جاي من زمن الشقا
مرسوم على وش الثواني مظللا
تتمدد الساعات سنين
تتفتح الاحزان غريبه ومذهله
واشتاق افتش نسمه في الزمن العذاب
وايامي من كتر الاسى وكتر العزوف والاغتراب
صارت حروف مترهله
كلمات اسيفه ومهمله
وكتبت ليك وكتبت ليك
ووقفت ليك لامن لقيتك جاي في قلب الطريق
ولمحت فيك راحة المشاوير البعيده
ولفحة النسمه الحنينه الجاية من جوف المضيق
حسيت عجايب الدنيا اتلمت
بقت جاياني من عصر سحيق
عينيك حس اطفال بنادو القمره للغايب يعود
وجبينك الضواي حجا حبوبه في الزمن السعيد
يا قمره اقلبي السنسني الحمره شوفي ابوي جا وله ما جا
وانا في قساوه الزمن الموحش المكهرب بالحريق
انا حيلتي ايه انا حيلتي ايه قول لي يا قمر الزمان
غير اتكي واحلم معاك واحضن اماسي الصحو والامل البريق
قولي لي يا قمر الزمان انا حيلتي ايه قولي لي يا قمر الزمان

على جعفر نصر
05-11-2013, 04:05 AM
قلت أرحل



للشاعر الفذ /التيجانى سعيد محمود
بعد ان تم تلحين هذه الاغنية دخل الفنان محمد وردى(عليه الرحمه) السجن ومجرد خروجه من السجن طلب وزير الاعلام العلامه / عمر الحاج موسى من السيد / محمد سليمان مقدم برنامج جراب الحاوى استضافة الفنان القامة / محمد وردى , وفعلا تم استضافته فى البرنامج اعلاه , فى نفس اليوم تم استضافة طلبة جامعة الخرطوم , وطُلب من وردى اداء أغنية ( قلت ارحل ) حيث تفنن فعلا وردى فى الاداء ولاقى قبولا واستحسانا من طلبة الجامعة الذين انفعلوا مع الاغنية واداء وردى وكانهم جهزوا هذا اليوم للاحتفال والفرحه بخروج وردى من السجن , وبعد ان اكمل الاغنية طلب وردى من مقدم البرنامج ( محمد سليمان) اعادة الاغنية , وفعلا كان ما اراد , وبعد ذلك طلب وردى من مخرج الاغنية ان يتم اعتماد تُسجلها بنفس هذا الاداء فى الاذاعة , والتسجيل الذى نسمعه اليوم هو نفس تسجيل برنامج ( جراب الحاوى )0

قلت ارحل ....
أسوق خطواتي
من زولاً نسى الإلفة
أهَون ليل ... أساهر ليل
أتوه مِن مرفأ لي مرفأ
أبدل ريد بعد ريدك
عشان يمكن يكون أوفي
رحلت وجيت في بعدك لقيت
كل الأرض منفى ...

عيونك زي سحابة صيف
تجافي بِلاد وتسقي بِلاد
وزي فرحاً ...
يشيل مني الشقا ويزداد
وزي كلمات بتتأوّه
تتوه لمن يجي الميعاد
زي عيداً غِشاني وفات
وعاد عمّ البلد أعياد
وزي فرح البعيد العاد
وزي وطناً وكت أشتاقلو
برحل ليهو من غير زاد
بدون عينيك
بصبح زول بدون ذكرى
وبدون ميـــلاد ...
رحلت وجيت ... في بعدك لقيت
كل الأرض منفى ...

زمان الفُرقة والتجريح بسيبو
بسيبو عشان تشيلو الريح
بسيبو عشان صحيح الذكرى
بتّوِّه عُمرنا صحيح
انتِي معاي لا بندم
ولا بقضي العمر تبريح
أصلو العُمر شوقاً كان
حزناً كان ... وصبراً كان
فسيح وفسيح ...
أصلو العمر كان
درباً مشيتو كسيح
وكان غرساً ...
سقيتو بُكى وقبضت الريح
رحلت وجيت ... في بعدك لقيت
كل الأرض منفى ...

عادل اسحق
05-19-2013, 08:08 AM
أستاذي الرائع التجاني حاج موسى .. أبدع أيما ابداع وتجلى في حروف غرامية صوفية أو في تصوف غرامي في رائعته التي تغنى بها استاذ الاجيال الكابلي والصوت الشجي الاستاذ النور الجيلاني، فكانت..
في عز الليل.. ساعة النسمة ترتاح على هدب الدغش وتنوم... أنا مساهر..
أنا والليل.. ومر جفاك .. مساهرين نشكي للأفلاك.. لا كملت حكاوينا ..ولا لقينا البدواينا.. يا مشهيني طعم النوم .. وطيفك في خيالي يحوم... يا هاجر..
يا روعتك يا تجاني.. لوحة .. وسجال بين انسان ..والليل حال وقتي ..ومر جفا المحبوب حال معنوي...
وأتيت بالحكمة عندما قلت..
بين الذكرى والنسيان مسافة قريبة يا انسان...
ولو حاولت تتذكر تعيد الماضي من أول.. تلقى الزمن غير ملامحنا.. ونحن بقينا ما نحن...
كم أنت رائع يا ود دار السلام.. وما خليت متردم لمن أضناه السهر...
كلمات الأغنية
في عز الليل ساعة النسمة ترتاح علي هدب الدغش وتنوم انا مساهر ..هد الحيل غرامك واجترار الذكري وطيفك في خيالي يحوم ياهاجر.......
انا والليل ومر جفاك مساهرين نحكي للافلاك مساهرين...
لاخلصت حكاوينا ولالقينا البدواينا
يامشهيني طعم النوم وطيفك في خيالي يحوم ياهاجر....
سنين مرت ومرو سنين براك عارف و بي ادري ... ...
والحال ياهو نفس الحال وفي جواي صدى الذكري............
وجرحك ياغرام الروح لاغار لابدور يبرى
وجرحك مهما طول وغار مطبوع فيني بالفطرة
وبين الذكري والنسيان مسافة قريبة ياانسان..........................
لو حاولت تتذكر تعيد الماضي من اول....
تلقي الزمن غير ملامحنا وانحنا بقينا مانحنا
وانا الصابر علي المحنة ..
لو كان الزمن نساك انا مانسيت.....
اوفي يوم زمن قساك انا ما قسيت.......
في عز الليل يا هاجر انا مساهر

لكم ولأستاذنا محبتي

ضياءالدين محمد
05-20-2013, 07:28 AM
اسبح بكم فى بحور من الزكريات الجميله ايام الراديو (الفلبس) وايام الفن بمعناه الحقيقي زمن الابداع مع الطــــــــير المهــــاجـــر - محمــــــــــــد وردي وهي من أغاني وردي التي تسكن بالقلب من معاني وكلمات...

من كلمات الشاعر صلاح احمد ابراهيم

غريب وحيد
فى غربتو
حيران يكفكف دمعتو
حزنان يغالب لوعتو
ويتمنى ...
بس لي أوبتو
طال بيهو الحنين
فاض بيهو الشجن
واقف يردد من زمن

بالله ..
يا الطير المهاجر للوطن
زمن الخريف
تطير بسراع
تطير ما تضيع زمن
اوعك تقيف
وتواصل حلق
في الصباح
تحت المطر
وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل
أريح سكن

فوت بلاد ..
سيب بلاد ..
وان جيت بلاد
وتلقى فيها النيل
بيلمع فى الضلام
زى سيف مجوهر
بالنجوم من غير نظام
تنزل هناك وتحيى
يا طير باحترام
وتقول سلام ...
وتعيد سلام
على نيل بلادنا
سلام
وشباب بلادنا
سلام
ونخيل بلادنا
سلام

بالله ياطير
قبل ما تشرب تمر
على بيت صغير
من بابو
من شباكو
بيلمع الف نور
تلقى الحبيبه
بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفائي ليها
وحبى الاكيد

عادل اسحق
05-20-2013, 07:42 AM
نسايم الليل الذكية نسرح في الخيال ونركب الأمواج وتسير بنا سفينة الذكريات إلي أماكن بعيده بعيداً عن كل عزيز...أماكن خارج الوطن بعيداً عن الأهل والأحباب في غربه عن وطن بيعاني وطن يأمل بان يعود أبناءه سالمين إلي حضنه الدافي ،،،،،
و استقرت بي السفينة علي جزيرة شاعرنا الرائع التجاني حاج موسى وأغنيه"واحشني" وتغنى بها عركي فأبدع،،،،
وووووووواحشني.....
كلمات اغنية واحشنــــي
واحشنى يا الخليت ملامحك فى حياتى
واحشنى ياالرسيت مراسيك جوة ذاتى
إلا باكر لما ترجع أنا بحكى ليك عن الحصل
وعن بعد المسافة وقربها
ولمن يفارق زول عيون غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وإنت لما بتسيبنى وتسافر
خت فى إعتبارك إنو دنياى فى مدارك
وجد لفافات الصبر دخنتها
وكل المقاطع فى غناى طوعتها
وغريبة غنت فرحة ... لا ... لا
غربة ..لا....لا
تقصد شنو ما عرفتها
وأهى تجربة …..
خطيرة – جد – وأجتزتها
ولسة واحشنى
نعم كان يرددها ابو عركي في ذالك المسرح الجميل بجمال الموقع والمكان مسرح قصر الشباب والأطفال حيث كان لاكتمال اللوحة وجمالها - المبدع ابو عركي - الرائع التجاني حاج موسى - الكلمات أغنية واحشني - الجمهور المتذوق للابداع دائما - أيام الشباب وليت لنا عودة لذلك الزمن الجميل

على جعفر نصر
05-21-2013, 04:08 AM
هذه الاغنية اخترتها لأننا اليوم نرى باعيننا الويلات التى تعانى منها الشعب الجميل ابناء الشام بلد الفُل والنرجس , وعنب جنائن الشام , وارض الهلال الخصيب , إنها الآن تروى بدماء أبنائها يا للاسف , ولو كان الراحل /سيد عبد العزيز حيا لأرى عجائب ما تحدث , لك الرحمه شاعرنا , وأُعزيكم فى شهداء سوريا اخوانى مرتادى المنتدى.

للراحل سيد عبد العزيز مع قصيدة أنة المجروح

يا أنة المجروح
يالروح حياتك روح
الحب فيك يا جميل
معنى الجمال مشروح
للحب زناد فى الجوف زى الزناد مقدوح
منه الجبابرة تلين لصوت بلابل الدوح
وتصاحب النسمات تفضل معاها تروح
بين نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
وانا أهدىليك الحب حب من فؤاد مجرود
حب الشحيح للمال حب الجبان للروح
سورية فى السودان بحبى ليكى أبوح
عنب جناين الشام أتمنى منه صبوح
وانشد فؤادى الضال بين الرياض مذبوح
وأرى الهلال فىظلال تلك الخميلة يلوح
أنا لو ضمنت رضاك اكون سعيد ممنوح
يا من تسر رؤياك تفرح وتنسى النوح
تكسى النهار بجمال خديك جمال ووضوح
منه الغزالة تقيف فى موقف المفضوح
من الوله للقاك دمعى الغزير مسفوح
ناقم على الأيام مع أنه طبعى صفوح
انا والخيالفى جدال وانت بنداك منفوح
كل ما النسيم يغشاك زى الحديقة تفوح
رايق كحيل نعسان انسان رقيق وجموح
ساحر العيون بجمال فى سواك ما مملوح
ان كان تميس بنميس ان كان تموج نموج

عادل اسحق
05-21-2013, 07:17 AM
وضـاحـــــة - الشاعــر أزهرى محمد على
الـصـبـاح الـبـاهـى لـونـك
وضـــاحة يـا فجــر المـشــارق ....
غـــابـة الأبـنـوس عـــيونك
يابنيّة مــــن خـــبــز الفنادق
شـــيدتى فـى جــــوّاى صــوامــع لـى الـفــرح
وفـتـحــتـى فى دنياى .. مـسـارح لى المــــرح
وبــقيتى لى ســــكة وعــيون
لا قـدرت أطــولك شـــان أجــــيك
ولا قـــدرت من غــــيرك أكــــون
وأنا بــيــكــى مــالـينى الكـلام
... حــرّكت بيك عــصـــب السكون
جـــلــبت ليـك الغــــيم .. رحـــــط
طـــرّزت لـيــك النيـــل .. زفـــــاف
حرقت ليك الشوق بخور ...
وفرشت ليك الريد .. لحاف
لا الســكة بيكى بتنتهى
ولا مـعــاك مــلّيت طـــــواف
ياريتنى لو أقــدر أطولك
وضّـــاحة يا فجـــــــر المشارق ....
تلك هي وضاحة التي ألهمت شاعرنا أزهري محمد علي هذه الروائع وكان لابد من البحث عن من يترجم هذه الروائع فكان حنجرة الراحل / مصطفى سيد أحمد الذي أخرج كل ما في جعبته من إبداع ليزين لنا تلك الوضاحة ،،،، وعند سماعي لهذه الأغنية يرجع بي الزمن لفترة الجامعة وكان ذلك في احتفالية استقبال الطلاب الجدد بصالة نادي الفروسية حيث كان من ضمن المحتفى بهم فتاة حباها الله " بالجمال وحسن الخلق " وإذا جلست وعددت ما رايت فيها من صفات فلن ينتهي ،،،، كان المغني شاب من شباب الصحافة أبدع وأعطى الأغنية حقها ومستحقها ولا أخفيكم أنني طلب من القائمين بأمر البرامج إعادة الأغنية مرة أخرى بعد الأداء الأول من ذلك المغني ،،، وهمست في أذنها بأن الأغنية مهداة لها وفي الأعياد كانت تقيم رابطة طلاب الحاج يوسف بجامعة امدرمان الإسلامية زيارات للطلاب في بيوتهم حيث تقوم اللجنة التنفيذية وبعض الأعضاء بتأجير حافلة ويكون اليوم محدداً حيث تكون كل الأسرة في انتظارنا وكانت زيارتنا لبيت تلك الفتاة وعند دخولنا للصالون كان " المسجل " شغال وإذا بأغنية وضاحة بصوت مصطفى سيد أحمد وبدأ الشباب في مغازلتي بهذا الموقف وطلبوا منها أن تكون برفقتنا وأخذنا الشريط معنا وكانت وضاحة وكان اليوم وكانت هي وضاحة ،،،

على جعفر نصر
05-21-2013, 07:51 AM
الاستاذ / عدوله
الولد فى خالو
بدت المخفيات تظهر ,,, ويا ساتر ,
شكرا جزيلا عدولة لهذه التحفة والرواية , هكذا نحن نتدلع فى صحن المنتدى ,
يا بلابل اشدو , ويا تاريخ سجل ,,,, يا رب بلغنا مرادنا
وحقا من الحب ما قتل

على جعفر نصر
05-28-2013, 01:20 PM
أُطلقت على هذه الاغنية باغنية الرواويس , حيث كان اصحاب المراكب الكبيرة ( البيليك) والكناتين من اهالى الشمال والذين كانوا يعتمدون فى تجارتهم السنوية مع فيضان النيل ويجوبون جل منطاق الشمال , عندما يعودون من رحلتهم ويصلوا بر السلام اى مواطنهم , كانوا يتغنون بهذه الاغنية , التى اجادها الفنان المبدع / سيد الجعلى وغيرهم , ولسلاسة كلماتها ورقتها وخفة لحنها , يجيدها كل من يحفظها .
وحقيقة القول ان هذه الاغنية من صميم عادات وتقاليد ويوميات انسان الشمال , هذه الاغنيه القديمه جدا .. تعتبر من تراث اغانى المنطقه
تذكرنا ايام السفر الصعبه .. وايام الواحد من ناسنا عندما يسافر الى الخرطوم يكون السفر فى حد ذاته حدث .



الله ان جابك ياعشاي جيب لي راس سكر وتمنة شاي
نصو للبنوت المعاي ونصو لي امو حبيبة قساي
يمة بلالي متين يجي

الرسول ياود عمتي ان درت راحتي ان در جمتي
رسل التصريح النجي يايمة بلالي متين يجي

نركب البيسابق الريح نمشي في الخرطوم نستريح
الخدامة تسوي الطبيخ وكل جمعة نزور الضريح
يمة بلالي متين يجي

الرسول ياام الهدي قولي لي امي انا ماني جايي
كنا نشرب لبن السعايي بقينا نشرب لبن الشرايي
المي بالماسورة جايي طبيخنا في الحلة ام غطايي
يايمة بلالي متين يجي

على جعفر نصر
06-01-2013, 11:48 AM
في لقاء في إحدي السهرات التلفزيونية مع الشاعر الغنائي إسحاق الحلنقي و هو قادم للسودان من السعودية في إجازة صيفية..
قال و هو يتحدث عن البلابل ،،،جاني بشير عباس و قال لي ياخي في بنات غنايات إسمهم البلابل بغنن مع بعضبشكل جماعي بطريقة جميلة و أصواتهم حلوة عايزك ياخي تعمل ليهم أغنية؟؟فقلت ليهو مافي مانع و لكن عايز أشوفهم و بعد ما جابهم و شفتهم لأول مرة و لقيتهم بنات صغار بدرسن لسة في المرحلة الثانوية قلت بنات زي ديل ما ممكن
أعمل ليهم أغنية ذي الأغنيات البعملها لناس وردي فقمت كتبت ليهم قصيدة تتناسب مع سنهم و هي:


لون المنقا..

لون المنقه يا الشايل المنقه
ما عارف كيف نحنا بنشقي
نسالموا يرد بمحنه ذوق
والغيمه الفوقنا صفاها يروق
ونحس بالعمر الراح ملحوق
نتامل في ايدو المنقه
يا حنين الريده لو بكره يعود
الجنه بصل ليها الموعود
بقولوا الناس للصبر حدود
بس نحنا دون صبر بنشقي
وتعاين مابتقدر تعرف
احلي من الشايل وتحلف
مهما بالغنا وقلنا واحدين
بنكون ظالمين نحنا المنقا
يا الشايل المنقه وماعارف كيف نحنا بنشقا
لون المنقه

و كانت هذه الأغنية التي شهرت البلابل وغنوها وهم صغار.. واتذكر ان زارت البلابل مدينة مروى, وقررن ان لا يتغين اغنية ( لون المنقا )نسبة لمصادفة موسم المنقا التى يشتهر بها مروى, وعندما صعدن المسرح لوح جميع الحضور ( الجمهور ) وفى يد كل منهم منقا , فما كانت من البلابل الا وانشدن اغنية المنقا المفضلة عند الجميع.

ضياءالدين محمد
07-30-2013, 08:29 AM
مرتادي البوست لكم التحايا بكامل طيبها وندى المعزة فيها .. اعزائي ..تسري موجة بريئة منسحبة إلى هزيان الدواخل ، لتُشيء الفرح ببسمة المحبوب وهو على مرمى حمى الإشتهاء وإليك هذه العذابات :

(((سيد الاسم )))
محبوبى وكتين يبتسم
الدنيا ياناس تنقسم
الفرحه تملاها وتزغرد فيها والشوق يرتسم
########
مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم
########
فى العيون ببنيلو دارين من موده ومن منا
بضمه فى قليبى محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
#####
يوم جانا شايل خطانا الكايسنه راح
وشايل الامل فى عيونه والحب والسماح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاها وتزغرد فيها والشوق يرتسم

على جعفر نصر
08-31-2013, 05:04 AM
عذبتنى شوقك يا بلدى... وارهقتنى ذكرياتك التى تنام معى وتصحى معى ,,, بل وتذهب معى في الشغل وتعود معى

الى كل من ركب على ظهر سفينة الغربة والترحال اخدى هذه الرائعة للرائع دوما ود الشمال (حمد الريح )


الى مسااافرة
كلمات الشاعر عثمان خالد
الحاان وغناء الفنان حمد الريح
يا قلبى يا مكتول كمد
أعصر دموع ....هاك غنوة لى سيد البلد.....يحليلو
حليلو قال سايب البلد...يحليلو
حليلو كيفن يبتعد
كيفن نسيبو يروح بعيد
فى رحلة مجهولة الأمد
ياحليلو
كل العمر كان لحظة واحدةنشوفو والشوق يستجيب
نسكر نغيب
نسكر نغيب ..من لطفوا..من دلو الحبيب
من لونو زى كرز المغيب
الراقى محلو السمر
دى شفايفو زى ياقوت ندر
من شكلو زى نص القمر
مبتل مثير
مبتل مثير ....مخلوق اشان أحلى الزهور
وأشواقنا تتعطر تطير..من نفحة من مجرى العبير
من لمسة جيدو النضير
من لفظة من ثغر المثير
الفيهو أيام السمر
بيهو القلوب كم تأتمر لو مرة سيد الناس أمر
بنظرة بتدوب حجر ...لى بسمة بتضوى العمر
يا حليلووووو
حليلو قال ناوى السفر ...كيف الوداع لامن يحين وقت السفر
أهديك زهور ...حاشاى انا وانت ندى الزهر
أهديك حروف...يا اجمل احرف فى الدهر
اهديك حنان..ما قلبى عندك من زمان...وأنا راجى عطفك منتظر
أهدييك حروف...ما قالا زول و ما أظن يقولا وراى بشر
اهديك عيونى...فى الدنيا اشان استريح..الدنيا بعدك مابتسر....يا حليلو

ضياءالدين محمد
09-04-2013, 11:20 AM
اغنية من اجمل الاغنيات التي تغني بها الامبراطور محمد وردي..
حبيناك من قلوبنا - الإمبراطــــــــور محمـــــــد وردي


حبيناك من قلوبنا واخترناك يا حلو
ماتبادلونا العواطف ليه تدللو

حبينا فيك العفة والدم الشربات
والله العيون خلتنا في حيرة وآهات
وفي ابتسامتك شفنا جنات وجنات
شوف العلينا واحكم كان داير اثبات

كان الدلال من طبعك عاجبنا فيك غرور
ان جرت برضك عادل ظلم الجميل مغفور
نهواك نفيك في ريدك شايفين ألمنا سرور
نار الغرام يا ساحر لقلوبنا توقد نور

أصلو الجحيم في غرامك نرضى عشان يرضيك
حتى المحال ان درت بنطوعو ونهديك
ارواحنا حولك هايمة حارساك دوام تحميك
بيك نورت أيامنا والفرحة تمت بيك

عباس حسن محمد علي طه
10-23-2013, 02:07 PM
وآآآآآآآ ضياء الدين محمد مسكاقمي أللللو؟ سلامي وخذ معاك أغاني وردي كمان:
http://www.youtube.com/watch?v=jFNOjdM69cM
http://www.youtube.com/watch?v=WkegFEEwjjM&feature=related
http://www.youtube.com/watch?v=fwmieEE-cyY&feature=related
http://www.youtube.com/watch?v=FoaFCCBhln8&feature=related
http://www.youtube.com/watch?v=h7hSuhTtJpI&feature=related
http://www.youtube.com/watch?v=ut0-LOl1j0U&feature=related
http://www.youtube.com/watch?v=p0jV5ir7D_I&feature=related
http://www.youtube.com/watch?v=y1zwfKLokzg&feature=related
http://www.youtube.com/watch?v=R-PXSn_FZpQ&feature=related
http://www.youtube.com/watch?v=1kjPsu6Vdkg&feature=related
http://www.youtube.com/watch?v=74ZCZZFiAXw&feature=related

على جعفر نصر
10-24-2013, 03:35 AM
كانت وفاة والدتى يرحمها الله ( زينة ابراهيم ) يوم 08/12/1434هـ , وبعد مضى حوالى عشرة ايما ادرت قُرص التلفاز لأهرب قليلا من من الحداد , وصادفت الشادية عفراء عبد الرضى وهى تغنى وتبكى في ذات الوقت اغنية الراحلة للشاعر مصطفى ود المامور بلحن شجى ممزوج بانين الكمنجات وتدير ساقيتها دموع عفراء ... هى كده فراق الاحباب , ألا رحم الله امواتنا جميعا وحشرهم في ذُمرة الصديقين والشهداء ... آمين ...
اهدى هذه الاغنية المرثية لكل من فقد والدته اى عزيز لدية :-

الرَاحْلَه
كلمات مصطفى ودالمامور
الحان الموسيقار احمد المك
غناء عفراء عبدالرضى
ياامى مانسيت الوصيه
حِفِظْتَ قُولِكْ..
قُولْتِى أَوْ مَا قُلتِيِ لَيَّا
مِنْ رَحَلْتِى
قَاعْدَه فى جُوايَا حَيَّه
بى فَقْدِكْ اِنْقَطَعْ الْلَبَنْ
فِويرُو.. والْيَدْ السَقِيَّه
مَسَخْتِى لي الدنيا بَعَدِكْ
اريتْ قَعَدْتِى مَعَاىْ شِويَّه
أَكَمِّلْ الْتِرْبَايَه مِنِّكْ
ومِنْ شَطُرْ خِبِرْ الرَبِيِه
شِنْ نَقُولْ والدنيا عاجْلَه
اِسْتَعْجَلَتْ سَفَرَهَا وْمَشِيَّه

***
واقُولَها ليكْ شَانْ تِطْمَئِّنِى
نِحْنَا ماشِيِنْ بالوصِيَّه
مابْنَأخِرْ لى صَلاَتْنَا
ولاتِلاَوَاتْ العَشِيَّه
والرِحِمْ وصيتِى نَوْصِلْ
ونَكْظِمْ الغيظْ للْعَفِيَّه
انتى عَلَمْتِى التَوَاصُلْ
وكُتِّى لى أَهَلِكْ وَفِيَّه

منْ قُمْنَا اِنْتِى تْقُولِى ليِنَا
بالحَلاَلْ أُكْلُوا الهَنِيَّه
ونِحْنَا لِسَّع فى الوصَايَا
جَاتْنَا قَهَمَتْنَا المَنِيَّه
ياحليلِكْ يالْحَنِيِنَه
الْكُتِّى شَيَّالْة الأَسِيَّه
ياحليلِكْ ياالكريِمَه
الكُتِّى مِنْ جُواكْ سَخِيَّه
ياحليلْ سَمْحَاتْ خِصَالِكْ
ونَفْسِكْ العَالْيَه الْرَضِيَّه
انشاءالله لِسَّعْ عافْيَه عَنِّى
تَخَفِفِى الذَنْبَ العَلَيَّا
ألفْ رحمه ونور عليكى
وأعَفِى لىْ عينِى البَكِيَّه

على جعفر نصر
11-20-2013, 04:11 AM
darkgreen"]اغنية امسكى عليك عيونك ديل للشاعر الراحل اسماعيل حسن وانشاد الفنان المبدع دوما / محمد ميرغنى
يحكى ذات يوم ان الفنان محمد ميرغنى يغنى هذه الاغنية في حفل عرس بالابيض , وجاءت معلمه غزا الشيب راسها دون ان تتزوج واكلت السوس العمرى جل عمرها التى دخلت الاربعينيات , جاءت على استحياء لتتاوق على الفنان والحفل , واذ بالفنان يقول وكانه يخاطبها ( امسكى عليك عيونك ديل )
فانسحبت المعلمة من ساحة الغناء , وراحت لدارها , وادركت احدى زميلاتها بالموقف وافادوها بان الاغنية اغنية مشهورة ولا تمت بها بصلة :

للشاعر :إسماعيل حسن
غناء / المبدع / محمد ميرغنى
<<<<<>>>>

امســـكـى عــليــك عيــونك ديــل
امسـكيهــن عـيونـك ديـل
خـليتنى تروح اتـفـك مـن شـبـكت
عــيــونــــك ديــــــــــــل
شـيـتن اصـــلو مـا شـفنـا لا فى
النــاس ولا فى الريــــــل
ده مـــا قـــدر اللــــه جــانــا
عــــــــــديـل امـســــكــيـــهن
يـتـاوقـن لى زى شـبـاك مـنـور
فى ظـــلام الــلـــيــــــــــل
يـــشــــابــن لــى انـــا الـغــرقـــان
انـــــا الضــهــبـــان
انــا الـخــايـف ذى الـقـشـه
ارجـف فى مـهــــاور الـلـيـل
عـلـيـك ذاتـك امـــســــكـى
عــلــيــك عــيـــونـــــك ديـــــل
قـلـيبى رهـيـف مـا بـقـدر عـلى
الهـبابـاى فى عـز الصيف
قـليبى رهــيــف اذا شـــــــديــــــتى
خـــــــــــايـفـه يقـيــف
قـلـيـبـىرهــيــف بــشــيــش
تــــــاتـــيــه جـــنـب القيــف
شــــــــــــــتـــــــــــــن
اصـــــــــــلـو مــــاشــــــفــــنـــاه[/SIZE]

على جعفر نصر
12-04-2013, 08:16 AM
للمرحوم /المهندس ... الشاعر ... الملحن ... المغنى
هاشم ميرغنى
هذا الفنان الكشكول الذى وهبه الله بمواهب شتى . كان فعلا مهندسا ورساما ... شاعلا وملحنا ومغنيا بقدر حساسية وجمال هذا الالوان المشكلة في جوفه ..ز الا رحم اللههاشم . وجعل البركة في ذريته ( آمين )

لو كنوز الدنيا راحت صدقيني روحتها ما بتأثِّر
انا إشتريت بيك عُمري كلو ما في غير فقدِك بخسِّر
لو عجزت النظرات تعبِّر خلي الغُنا البكَّاي يفسِّر
ولو وهبتِك عُمري كلو تلقيني في ريدِك مقصِّر
اصلي من شفتِك وحاتك ناوي ابنيلك خميله
لي جمال ما شفنا زيو لي عيون نادره وكحيله
خوفي تبقي زي ندرة عيونك بالوداد دايماً بخيله
تنسجي الأزهار عقودِك وتبقى شوفتِك مُستحيله
الغنيوه الحلوه ضاعت والحروف بِصعَب اقولها
ما كنتِ في عيني نجمه في سماها بَعيد وصولها
بقيتي في عيني دمعه لي سواكِ صَعب نزولها
العيون ما شايفه غيرِك كفيفه لمَّا إفوتها زولها
لو كنوز الدنيا راحت صدقيني روحتها ما بتأثِّر
انا إشتريت بيك عُمري كلو ما في غير فقدِك بخسِّر
لو عجزت النظرات تعبِّر خلي الغُنا البكَّاي يفسِّر
ولو وهبتِك عُمري كلو تلقيني في ريدِك مقصِّر

عادل اسحق
01-20-2014, 11:23 AM
تحية وتقدير
لكل من وقع وخطى بأنامله في هذه المساحة
نمشي ونجي ونلقالكم حلوين ورائعين وتجودون علينا بالروائع
نقف اليوم مع قصة اغنية غدار دموعك هنالك قولنا حول صياغة كلمات هذه الاغنية
منهم من يقول بأنها للمقبول سيد أحمد ومنهم من يقول لمصطفى سيد أحمد
نقف حول قصة هذه الاغنية وهي تروى بأن المقبول احب بنتا وكانت علاقتهما بمشهد ومرى
كل الفريق وعندما تخرجت البنت من الجامعة تركت المقبول واختارت شخصا اخر غيره
وكان تأثير ذلك عليه كبيرا حتى أنه مرض بشلل وسافر به مصطفى للقاهرة وعند خروجهم من المطار
صادفوا تلك المحبوبة هي وزوجها عند مدخل المطار جثمت على ركبتيها وبكت في تلك اللحظة
فما كان منهم إلا ان يخرجوا لنا هذه الاغنية التي يرددها الكثيرون منا
و فى كثير من المرات .. كان مصطفى يأبى ان يغنى هذه الاغنيه ..
ذلك لمكانتها عنده .. و قد طلب منه الاستاذ محمد وردى
ان يقوم بتسجيلها فى البوم طفل العالم الثالث .. مع الموصلى ..
و لكن مصطفى استسمحه .. بان يعفيه .. و غناها له فى ذلك اليوم ..
و حينما جاءوا للتسجيل سجل مصطفى فى البوم طفل العالم الثالث رائعه فضل الله محمد ..
اسئله ليست للاجابه ..
ما معنى ان نحيا و لا ندرى بان العشق قد يبقى سجينا فى الخلايا ..

عليك الرحمه ابو سامر و سيداحمد ..
يا رحيق الدهشة الاولى و يا صاحب الحزن النبيل

كلمات الإغنية

لا .. لا ..لا لا لآلا
لا تنبش الماضي البعيد
آلم تكن لقلبي واقعا مجهولا
لا تنكئي الجرح القديم
فأنني ودعت ليلا مظلما وثقيلا
وحملت روحي في فؤاد نازف
ما زال يحمل نصفه مشلولا
وخلعت أثواب الحداد آما كفى
إذ صار قلبك في الهوى ضليلا

غدار دموعك ما تفيد

فى زول حواسو اتحجرت
جرب معاك كل السبل
وايديهو ليك ما قصرت
حطمت فى قلبو الامل
كل الامانى الخدرت
كلماتو ليك ضاعت عبس
لا قدمت .. لا اخرت
*************
ما كنا وكت الليل يضيع
تشرق نجومو وتنكتم
ويطل شعاع يكشف قناع
والظلمة ترحل تنهزم
وجفونا من طول السهر
تلبس وشاح فرقة والم
نستبشر اليوم الجديد
ونقول تعود انت العشم
كيف العشم وكتين يموت
والغصة تطعن فى الحلق
كيف الحنين وكتين يهز
لى زول بعيد ما بتلحق
كيف الرجوع لىزول قنع
شايل رماد(رفاة) قلبـو الحرق
سيب الندم وانسى الدموع
ما فات زمان ما بتلحق
غدار دموعك ما بتفيد
فى ظلمة ما بتعرف شعاع
اشباحة زى موج العدم
كسر المقاديف والقلاع
ونزلنا فى طوف الفشل
وابحرنا فى بحر الضياع
ونسينا ذكراك الزمان
عشناها فى زيف القناع

على جعفر نصر
02-04-2014, 03:48 AM
والساقية مازالت مدوره ودارت الدائره على مبارك ومن قبله زين العابدين
القذافي والان مرسى وأسد ولا ندري لمن تدور غدا ...وان غد لناظره قريب.
قصيدة الساقية من كلمات الشاعر عمر الدوش والحان ناجي القدسي انشاد الفنان
حمد الريح وقد تسببت هذه الاغنية في فصل الاستاذ حمد من مكتبة جامعة الخرطوم في عهد المشير جعفر النميري لان الناس نصبوا حولها شائعات واقاويل كثيرة صدقها المشير .. فارجو من الاخوة قبولها وتعديلها اذا كانت هناك بعض الاخطاء .....تحياتي العطره لمن صعنوا هذه الآلة التى سقت وزرعت وربت أمة الأمجاد فى الشمال, من كان يفكر يوما والتربال امله هذه الساقية ان تكون اغنيتها لقمة فى لسان السياسيين ,,



الساقية لسع مدورة
صوت القواديس والمياه
طلعت مشت متحدرة
مدى البصر لف الظلام
حول الجداول اسورة
نعسان خضارو الاتكى
رمه الغصون متكسرة
مدى الخيال غنت مدن
رقصت مدن نامت مدن
عاشت ليالي مخدرة
والساقية طاحونة الامين
طول اليالي هي مدورة
*****
تحت الهجير تحت الظلام
تحت المطر عز الشتاء
الساقيه ثانيه تقيف تكون
امال عريضة مشتته
واكباد صغيرة مفتته
تحت الهجير تحت الظلام تحت المطر
الساقيه لازم تستمر
*****
الساقية لسع مدورة
واحمد وراء التيران يحب
اسيان يفكر منغلب
مابين بكا الساقية الهناك
وما بين طفولة بتنتحب
في الماشين المدارس
في المصاريف في الكتب
في اللضاق بيه المكان
هسع سافر واغترب
لمدن بعيده تنوم وتصحا
على مخدات الطرب
والساقية طاحونة الامين
طول الليالي بتنتحب
*******
احمد حكى
وسد الراس الضراع
والشوف نواحي النيل تكا
وصاني ابوي
الموج بيهدم
كل رخوة على الجروف
شد الضراع
والنيل بقاوم من زمن
كل وقوف شد الضراع
زي المراكب مع الشراع
لازم تعرفو الظلم جاي
من وين عليك وافتح عينيك
على سهول الغابه والادغال
والاطفال افتح عينيك
عشان يكون الحق ليك
تعبر بحور تهدم جبال
والحق هو النضال
والحق في ساحة مجزرة
والنصر للفاس والرجال
ولسواقي مدورة
********

على جعفر نصر
02-16-2014, 04:14 AM
اغنية سليم الزوق /للشاعر ابراهيم عبيد
لحن وغناء سيد الكروان / محمد وردى

هذه الاغنية صاغ كلماتها الشاعر الانيق الرقيق رقة النسيم ابراهيم الرشيد , وقام باهداء هذه الاغنية للفنان الرائع حمد الريح , وبينما الريح يقوم فى ورشته بالتلحين , اعطى بعض الزملاء كلمات الاغنية للفنان الراحل / محمد وردى وقام بالتلحين فورا وذهب لبيت الشاعر ابراهيم الرشيد ووجد عنده المبدع حمد الريح وهو يعمل بروفة الاغنية امام مرآى الشاعر , ودخل عليهم وردى وقال له يا جماعة انا الاغنية قمت بتلحينها والان نضع مقارنه بين لحن الريح ولحنى ومن هو ابلغ فليؤدى الاغنية , وهنا قام الريح بكل شفافية الابداع والمبدعين شفافية الرجل الواثق من نفسه , يا وردى دون ان تعرضها علينا , وقبل ان اسمع , اقول بصراحة وبعد موافقة الشاعر اننا نهديك هذه الاغنية وانا واثق بانه ليس هناك فنان ينافسك فى اللحن , حقيقة هذه مكامن الابداع


يا سليم الذوق لو تعرف الشوق
أبقى يوم أنزل من علاك الفوق
شوف عمايل الحبّ في الحشا المحروق
....*
أنت كالأنســــــــام لما تهدا تروق
وأنت كالأضــــواء بعد كل شروق
لو بتذكرنا كنا نحن نضـــــــــوق
للسعادة طعم بي رضا المعشوق
....*
نحن حلفنا بالغـــــــــرام والريد
وبي صفــا الأحلام في عيون الغيد
وبي القليب الضاق لذة التسهيد
أبقى زورنا حتى لو في العيد
....*
يا امل بسام دابو هالي جديد
خلي شوقنا الطال في ثواني يزيد
وبي عتاب صامت يشبه التغريد
تبقى نار في نار لي لهيبا تزيد
....*
علموني أحب السهاد عينيك
وأسكب الدمعات في حنيني إليك
موج شقاي هادر مدي لي إيديك
وضوي شمعتي بي الجمال الفيك

على جعفر نصر
03-12-2014, 03:52 AM
لغة العيون كلمات محمد بشير عتيق
لحن وغناء خضر بشير

منتدى ارتمرى تعرف وتحفظ لكل من اعطى لهذا البلد حبة خردل من الخدمة في اى مجال من مجالات الحياة ... في الخدمة العامة في الزراعة والفلاحة في الرياضة في التعدين بل وفى كل دروب الفن تاليف وغناء .. واليوم تخليدا لذكرى افاذ الكلمة واللحن والاداء نترحم على الشاعر والفنان محمد بشير عتيق والفنان المخضرم خضر بشير.. واليك شطفة بطرف اللسان من منتوجهما 0 ( عليهما الرحمه )


خاطبته بي لغة الهــوي *** فاجابني بي لغة العيون
في مرة كنا انا وهـو *** في روض جميل ثمره استوي
وريته مابي من شجون
ومن عطفه اظهر لي شجون
قال لي عزيز يهون
ما دمنا نحن علي الهواء ****يا حبيبي متعاهدين سوا
قلت ليه قلبي الليك غوي***في حبو ما ضل وغوي
وحياة جمالك يا مصون
حلي وانقسم ولي ابتسم وزاني تحت الغيم سنا وكشف عن العناب جنا
قال لي ما معني القسم بي جمالي في شعرك هنا؟ قتليه يا سمح القسم
كيف ما افاخر بيك انا وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون
قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي
قلت ليه برضك لي ظلوم كيف ما غرامي عليك يدوم
وانا فكري عندك كل يوم
يستوحي من حسنك علوم قال لي خلاص يا خوي نقوم
ودعني بي لغة العيون ودعتو بي قلبي الحنون

بكري محمد يوسف
03-19-2014, 02:14 PM
الأستاذ والأخ الأكبر ... علي جعفر نصر آدم لك مني مليون تحية ,, بكل أمانة و صـــــــدق أنت دينمو هـــــــــذا المنتدى وربنا يذيدك في ابداعاتك ويديك الصحة والعافية .. لدي طلب بسيط بالنسبة لك ،،فأما لدى شخصي الضعيف طلب كبير جداً الا وهو ،، لوتكرمت أريد نبذة عن الشاعر المرحوم مصطفى بطران ,, وأشعاره لو في الإمكان ويقال بأنه نوبي الأصل ..

على جعفر نصر
03-20-2014, 09:57 AM
الاستاذ / الكريم بكرى حفك الله

طلبك رخيص رغم امكانياتى الضعيفة المتواضعه , اليك بعض المعلومات عن الشاعر مصطفى بطران:




نشأته:
هو مصطفى الحاج بطران، نوبى محسى الاصل من منطقة السكوت. و لد بمدينة الخرطوم بحرى حلة حمد حوالى عام 1904 و كانوالده تاجرا بها و مصطفى اكبر اولاده. تعلم في الخلوة ثم التعليم الاوسط بالخرطوم ولظروف خاصة لم يكمل تعليمه فعمل كاتبا بالسكة الحديد و تنقل خلال حياته العملية بين كثير من المدن خاصة عطبرة و جوبا , لم يستمر في العمل طويلافقد عرف عنه مناضلة المستعمر و مواقفه الوطنية و لاقى الامرين من ذلك. ثم عمل بمجلس البلدية الخرطوم بحرى في اواخر ايامه بعد أن وقع على ضمان حسن السير و السلوك . لم يفكر بطران في الزواج لانه فُجع في هواه حين وجد أن الذي يحبها تحب احدا غيره. وقع ذلك عليه اشد موقع و كان سببا في الهامه الكثير من اغنيات الالم و الحرمان.


شعره:
الشاعر مصطفى بطران لقب بشاعر الطبيعة ولكن الأستاذ مبارك المغربي أطلق عليه اسم الشاعر الوصاف ولقب بشاعرالطبيعة لان له مجموعة من القصائد التي يصف فيها الطبيعة وجمالها مثل أغنية اطردالأحلام وزمن الربيع حلا وجنينة البلدية.. وهبّ جانا النسيم عليل وغيرها من الاغانى . كان مصطفى بطران شاعر وسيما أنيقا واسع الخيال صادقا في أحاسيسه ومشاعره والتي ترجمها إلى اغانى خلدت وعاشت في وجدان الشعب السوداني .

من اشهر اشعاره اهزوجة البلدية التي يقول مطلعها:

يا خفيف الروح روحى ليك هدية

بينا يا الله نروح حديقة البلديــــــة

ومن كلماته عزة وصالك التي يؤديها الفنان الراحل عثمان الشفيع
عقلي إنشغل بهواك ودمعة الشوق والناعس المكحول

مرضه
…ولقد عانى الشاعر كثيرا في حياته وأصيب بداء الصدر(السل ) وكان طريح مستشفى النهر لمدة ثلاث سنوات و توفى عام 1939…فالحزن والألم والمعاناة تتجسد في حياة هذا الشاعر وبالرغم من انه توفى في ريعان شبابه إلا انه قال الكثير من الشعر الجميل الملئ بالعاطفة والشجن وتغنى كثيرا للطبيعة ومناظرها الخلابة وأغنية اطرد الأحلام تقف شاهدا شامخا على تلك الموهبة والإبداع ….ومصطفى بطران ذكر مرضه ومعاناته في معظم أغانيه بل أحصى أعراض داءه في أغانيه….وذكر لي الأستاذ الفنان بادي محمد الطيب إن أغنية دمعة الشوق نظمها بطران وهو في المستشفى و أعطاها لسرور الذي وضع لها هذا اللحن الجميل وسجلها في الاسطوانات الفنان كرومه بمصاحبة البيانو ولقد كان اللحن والأداء حزينا عبر عن حالة الشاعر ومرضه في ذلك الحين….ذكر بطران أعراض مرضه في هذه الأغنية وهى
انتحال جسمه (ونزول الوزن من أعراض داء الصدر).وعدم نومه وسهره وشحوب لونه وكذلك وصف لنا الشاعر الصوت الذي يصدر من صدره نتيجة لضيق تنفسه وتلف رئتيه وشبه صدره بالمزمار وكذلك ذكر ضعف أمله في الشفاء وصعوبة علاجه لان معظم أدوية السل لم تكتشف في ذلك الوقت….. قال مصطفى بطران ..
نسمة السحار ليلى طال هبي
أنا مساهر.. ونومي متخبى
انتحل جسمي والمحال طبي
مصدره الزهرة الفى نواحي سهيل
انشغال فكرى…. وانفقاد لبى
وشحوب لونى.. كل من حبي
صدري مزماري والدموع شربي
أنطرب كل ما ذكره يخطر بى
وفى أغنية عزه وصالك يذكر الشاعر ألامه ومرضه وصعوبة علاجه حتى لو احضر له طبيب من مصر..
فكرى حار في رجوعه وحار معاه البصير
بيك أصبح جوفي جروحه فائقة الحصر
مابفيدنى طبيب لو كان يجئ من مصر
******
في فيافي غرامك… قلبي جارى السير
كيف أعيش دون قلبي عزه أين أسير
قلت أرسل طرفي….. لو يراك يسير
جاني دامع طرفي… وعاد لي حسير
هنا تأثر الشاعر بالقران الكريم وسورة الملك والآية التي تقول (ثم ارجع البصر كرتين ينقلب إليك البصر خاسئا وهو حسير)
وهذه الأغنية من الحان سرور وأداها عثمان الشفيع أداء رائعا……..أما أغنية الناعس المكحول والتي جار بها قائد الأسطول لسيد عبدا لعزيز وسجله للإذاعة الرائع دوما بادي محمد الطيب…يصف فيها بطران حالة صدره ..
ياالناعس المكـــحول …..ضاق بى كل مكان
مانابنى غير نحـــول …….أما الفــــؤاد هلكان
لاقوه بى لاحــــول ……صدري يقيد بركان
أدور عن غرامك احول …..مالقيته في الإمكان
أما أغنية مابالنية التي غناها عبدا لله الماحي وصف فيها بطران حالته بكل صدق فكل كلماتها تعبر عن الألم والتوجع….
مابالنية وفرقك ياالدرة المكنية …طال هجري وزاد يابنية
هطلت دموع عينيا……..هدمت امالى المبنيه
كأني أتيم ياالنية………عامل في الدنيا جنيه
بتقلب فوقها أحيه …..حاكيت ملسوع الحيه
ياجاهلة حظوظي أبيه…….وافكارى همومها ربيه
الجاري وحاصل بيه……..ما أظنك بيه غبيه
هجرك اورثنى بليه ……وأورث احشاى الليه
اذانى وبهدل لي ……وشمت عذالى عليه
حليل أيامنا البدريه ….ليلتنا الكانت قدريه
حليل الطلعه البدريه ….ياحليل ناس لبنى وناس ريا
نشوان والروح مسقيه ….من علقم الف وقيه
نيران الصد والغيه………ماتركت في بقيه
أما أغنية عقلي انشغل بهواك أيضا ذكر بطران مرضه.. ويطلب من محبوبته أن ترفق به وألا تضيف لمرضه ألاما وأوجاعا أخرى ( فوق اللى جارى علىّ)…..
فوق اللى جارى على…لاتجردينى ثوب الغرام..ودوام عنه انشدينى
وأيضا يصف مرضه بأنه الداء الدفين لان لا احد يشعر بمعاناته وألمه غيره وملهمته تعمل على زيادة مرضه بهجرها وصدها ..
دائما تزيدي على دائي الدفينى …….لمتين تراعى لحالي وتنصفيني
ياسلام على هذا الإبداع ….. ودائما تزيدي مرضى و الامى الدفينة.. يا لها من معاتبة جميلة للمحبوبة ..هذه الأغنية من الحان سرور وسجلها في اسطوانة الفنان الأمين برهان ومعه على الكورس كرومه وسرور …
وأيضا لبطران أغنية جميلة يذكر فيها معاناته ومرضه حيث يصف جسده بأنه هزيل ونحيل لتمكن داء الصدر منه ويدعو الشادي أن ينعش جسمه ويخرجه من هذا الداء الوبيل ويقول مصطفى بطران في هذه الأغنية ….
ياشادى قول للبى زيل
وأنعش حياة جسمي الهزيل
واذكر بعاد لبنى وسعاد
واهديلن الشوق الجزيل
ياشادى قول كيف السبيل
واهدينا من هذا القبيل
أخرجنا من دائنا الوبيل
واندب لنا الزمن القبيل
يا شادي قول نظمك كميل
صوت البلابل ليك زميل
أشفى الجريح وأشفى السقيم
زى مل تميل بقلوبنا ميل
هذه الأغنية لحنها وسجلها على اسطوانة كرومه…..ولنا عودة لمصطفى بطران إن شاء الله.

وسنواصل معك بعض الاغنيات للشاعر بطران ومناسباتها قدر المستطاع ... الى اللقاء بكورى يا حبى

بكري محمد يوسف
03-20-2014, 04:30 PM
شـــــــــكراً أبا جعفر على إطــــــــــلالتك الحــــــــلوة الجميلة والنبذة الثرية عن الشاعر النوبي مصطـــــــــفى بطـــــــــــــران ،،، جُوزيت خـــــــــيراً عليــــــــــوة .. وفي إنتظـــــــــــاااااااااار المذيد ..

على جعفر نصر
03-25-2014, 03:51 AM
الحبيب /بكرى ود محمد يوسف
لك عطر التحية

ودالرضى الشاعر الرقيق .. رقة النسيم , ساحكى لك عنه ان شاء الله,
اليوم اهديك والاحباب كلهم هذه الاغنية التى دغدغت مشاعرى وانا اسمعها بالامس القريب.
لكم حبى وودادى

يا فراقي

الشاعر الراحل / ود الرضي
**********


يا فراقي متى التلاقي والنسوني يآنسوني
يا حبيبي حسنك ليه ناظر *** نصب عيني وعكس بوني
كُلي لي معنام مناظر *** والأماني يقربوني

شمّ ريحانك فؤادي *** وقلبي شمّك هاك فنوني
حل بدرك في سوادي *** بالسويداء رشف دنوني

كنت أملي ومنشدونك *** لو لا أن تفندوني
كل حسناء عندي دونك *** وكل محب حسناء دوني

ليت يا مُحَسّن حُليك *** قلبك كان زي قلبي ليك
تروي روحي البتّوق إليك *** وتشوف محاسنك بي عيوني

كنا نلهو في جهلنا *** بين ربوعنا وبين سهلنا
كانوا ما بيحمونا أهلنا *** يا حياتي ويا عيوني

كنت تصغى إذا حكيت *** وكنت تشكي إذا شكيت
واليوم أقول يا حبيبي ليت *** الغِشوكم لو غشوني

ليت بعد النجعـة رجعـة *** والنسوني يآنسوني
وليت بعد الرجعة وجعة *** والحُنان يتلمسوني

كنت تطلب كنت أدفع *** قدرك ارفع قدري ترفع
كنّا لو كان تنفع *** دنيا زي ما تكوني كوني

التفكّر في وسامتك *** عارضيك يشاهدوني

بالتذكر لابتسامتك *** يندلع معصور عيوني

قلبي رق وكبدي حنّ *** والسُّهاد نشّف جفوني
الفُراق مهما امتحنا *** ما نسيتم لو نِسوني

بكري محمد يوسف
03-25-2014, 11:38 AM
شـــــكراً حبيبنا على جعفر نصر ،،، على ما قد تبذله من جهـــــــد متواصل لتقـــــدم لنا ولأعضــــاء المنتـــــــــدى ولكل من يتصفــــــح في منتدى آرتمــــــــــــري ،، لك الشكر مرة ثانية استاذنا على .. ومن هنا أناشــــــد الجميع بأن يبادروا ويقدموا لنا ويكتبوا بكل ما لديهم عن أغاني الحقيبة وعن شعـــــــــراء الحقيبة أمثال ود الرضى والحاج سرور وكرومة وخليل فرح عن تاريخهم ونشأتهم ومولدهم ..

(يقال أن الحاج سرور توفي في أريتيريا ودفن هناك )..

على جعفر نصر
04-01-2014, 10:59 AM
سيرة الشاعر / محمد ود الرضى

ولَد شاعرنا الشيخ محمد ود الرضي بالعيلفون سنة 1924م وكان الشيخ محمد ود الرضي يغيب عن العيلفون فترات , ولكنه يتقرب لأهل العيلفون , ويسأل عن أخبارهم ويتنسم أحداثهم ’ فالذي كان طفلا يراه اصبح رجلا , والتي كانت صبيه غدت فتاة أو امراة وهو ينظر إلي أهله , أهل العليفون نظرته لحياته واسرته ينمو معهم ويعدهم وجودا لحياته , لذالك تراه بتغزل في الفتيات و يقول الطيب المنتقي بهذا البهاء الذي علي اؤلئك الفتيات مضي مرة إلي سنار ليعمل في إنشء الخزان مع العاملين وكان يفئ الي اسرة من أهله , وقد كبرت بناتها وذات صباح حل عليهم ضيفا وسأل عن البنات , فأنكرت امهن وجودهن في البيت ولكن احداهن كانت تسترق النظر اليه من خلف الجدار فطغي عليه الشعر , وانطلق يبين محاسنها , فابدع قصيدة عصماء و كأن قلبه كان ساحرا يدعو كل جميل فيسعي للقيام .0وقد تزوجت البنات الثلاث في ضحي الغد.
عاد الشيخ محمد ود الرضي الي الخرطوم لأن الشاعر لا يبدع في غير أرضة , وقد عرف بالتقي والعفاف , ولكنه كان يشهد حفلات البهجة والطرب ويغشي مجالس الحسناوات , ففي الفترة مابين 1922 – 1934 , مامن حسناء راقت لشعره وخياله إلا خلدها بقصيدة , وكان الذي يفهم ويدرك اسرار هذه القصائد المرحوم الفنان محمد احمد سرور لذلك كان يغني قصائده , ويفتن يها , وشرط الشيخ ود الرضي في نظم شعره أن يشاهد الفتاة ويتحدث معها وياحبذا لو شرب القهوة التي تصنعها فهو يكتفي بالساحل عن البحر , ويمسك وضوءه من الفجر حتي العشاء , والشيخ محمد ود الرضي طاف بالنيل الازرق والينل الابيض , وسافر الي الجنوب ولكنه لم يطق فراق العيلفون , من ثمة تراه قادرا علي تسمية الاماكن , وايضاح معالمها وبعض قصائد طويلة لاتغني فيختصر منها ما يوافق الغناء , فإن كان ابوصلاح قد خصه الله بإدراك جمال اعضاء الجسم وحركاتها وخليل فرح بتصوير اجواء الطرب والفرحه , وسيد عبدالعزيز بالتأمل في أغوار الجمال واعماقة , وعبيد عبدالرحمن في الاطياف والاحلام وإبراهيم العبادي في رسم الصورة الكاملة للانسان والطبيعية , فالشيخ محمد ود الرضي خصه الله في انتقاء الفرد من الجمع في سبر ماهو غائب عن الأفئدة والأبصار.وأجمل شعر في وصف الشلوخ كان شعر الشيخ ود الرضي , فهذا الشيخ الذي يسري الحسناء كنهر الكوثر ., وذاك الذي يقف كالصراط المستقيم , واحلي تأمل في العيون , تسمعه وتقرأه في شعر ود الرضي .. ان الذي احسن في دراسة الشيخ محمد ود الرضي وكتب عنه رائدا ومعبرا مقدرا وناقدا هو الدرديري ابراهيم , وقد القي بحثه في جماعة اخوان الصفا التي ضمنت في الستينيات المرحوم الدكتور جعفر محمد علي بخيت والدكتور محمد إبراهيم ايوسليم والاستاذ احمد علي بقادي وغيرهم . هذه خطوط عامة , وليست دراسة متعمقة مفصلة , وقد عصي الشيخ محمد ودالرضي الشيطان في حبه للجمال والطبيعية , وسما بذلك شعره وحبه . اجل , هولاء هم اشياخنا , جامعاتنا , واساتذتنا الذين حببوا لانفسنا الخير والطيب وربطو حياتنا في حب واحسان وكبرياء لبلادنا واهلنا في السودان.ان الشيخ محمد ود الرضي هو احد الرواد في الشعر الشعبي السوداني وشيخ شعراء الغناء السوداني , فعند حضور الشيخ ود الفكي في عهد الخليفة عبدالله التعايشي وكان ود الفكي قد قدم من منطقة كبوشية الي امدرمان في سنوات المهدية الاخيرة ,
ونال شهرته الكبيرة بعد دخول الحكم الثنائي السوداني ’ وكان محمد ود الرضي من اوائل الشعراء الذين كتبوا الرميات كفن جديد علي الغناء السوداني الشعبي وكانت اسلوبا يختلف عن الدوبيت ايضا , ويعتبر محمد ود الرضي استاذا يهذا اللون في الشعر الغنائي . وقد لحق به في هذا المجال فيما بعد الشاعر ايوعثمان جقود ويوسف حسب الله سلطان العاشقين وصالح عبدالسيد ايوصلاح واخيرا ابراهيم بابكر العبادي وعمر البناء ومع ان شعراء كثيرين كتبوا اشعارا للطمبور ولكن اشعار ود الرضي فقط هي التي عاشت الي يومنا هذا لا زالت تضئ في ليالي الطرب السوداني

على جعفر نصر
04-15-2014, 04:01 AM
يُحكى أن الراحل د. عبد الله الطيب قال:«ان (ام ضبان) -ويعني
ام ضواً بان- أتت بمستحيلين، أولهما محمد ود الرضي، والذي
جاء بستة عشر مفعولاً في بيت شعر واحد، وتخطى بذلك الخليل
صانع العروض، والثاني الشيخ صالح بن تاج الدين الذي سبَع البردة،
فتخطى كل الذين صاغوها من قبل»..

والبيت الذي قاله ود الرضي وعناه د. الطيب هو:
قدلة هيبة قادل وحاكم.. دلى اليمنى ومشى متاقل.. الخ.
مائة أغنية
نظمت ليلة بالنادي العائلي بالخرطوم (2) و كانت ليلة مشهودة
أمها جمع غفير من عشاق شعر ود الرضي وأغنياته، تقدمهم الأستاذ
سيد هارون وزير الثقافة والاعلام بالولاية راعي الليلة، والإمام الصادق
المهدي وعدد من الشعراء والأدباء ووجوه المجتمع الذين ضاقت بهم
جنبات النادي العائلي..

السلام ياروح البدن
يا غصين النقا يا لدن
يا مهفهف يا املدن
ليك غصون البان قلدن
اشكو ايك اياما عدن
الامان يا جنة عدن
:
غنى قمرى الليل منشدن
اسكر العشاق غير دن
كل من يتعشق شدن
قل منامة ليترك سدن
جاز سربا زاينو الفطن
للاحتفال بى قرب الوطن
كلما ماسن خطن
خطوة لى بالقنبل سطن

بى وحل للتبر نقل
يمشى حبة وشعرة واقل
انعقد رجحن بى العقل
وهط المهدول فى الفقل:
النسيم سارقنى وركن
لى تسرب نيد العكن
انعشانى وهاج من سكن
والعيون لا اشعر بكن
غنى شادى وسفر الحشيم
فاق للابريز الغشيم
قلبى انا المحسور الوشيم
كهربائى وسلكو الرشيم
كم قلوبا بك هلوسن
تص حى يا ذو الوجه الحسن
كيف عيونى الليل ينعسن
وانت ساكن بدل الوسن
بوبح المبروم وانفقل
حاكى ظبى الريل الوقل
يا سلام هاتيك المقل
ما راءهن عاقل وعقل
والعجب فى الدور الخفيف
حاكى راسى الموج مو اب زفيف
ما دنا شبالن طفيف
الا راسى وزولا عفيف

على جعفر نصر
04-29-2014, 04:09 AM
اغنيه خدارى فى الاصل اغنيه تم تم مجهوله المؤلف والملحن لكن الشاعر الملهم عبد الرحمن الريح هذب الكلمات واستبقى اللحن " مثل ما فعل سيد عبدالعزيز مع اغنيه انا راسم فى قلبى صوره الباسم التى تغنى بها زنقار " ثم اشتهرت " خدارى بعد تهذيب كلماتها على حنجرتى اولاد برى ومنهما سمعها حسن عطيه فاعجب بها وعبره اشتهرت رغم ان خدر بشير عندما يصفو ويحتشد ويذوب و"يجوط" يؤديها بصوره افضل منه وهى مما اعجب كابلى كثيرا الاجابه:
هل الفنان هو الطيب عبد الله فى شبابه الاول؟
سمه الدكتور عبد المطلب الفحل بمرض حسن عطيه وقام بزيارته ووجده فعلا تعبان نفسى اكثر من بدنى , وشخص الفحل بان مرض حسن عطيه مرض نفسى وذلك لبعد الناس عنه وخلوته هى التى ازعجته, وبعد سلم عليه , ذهب لداره ( الفحل ) وطلب من بعض زملائه ان يقوموا بزيارة حسن عطيه معه وقد صحب معه الفنانه الرائعه عابده الشيخ , وفعلا ذهبوا لزيارة حسن عطية وبعد ونستهم المعهوده عرض الفحل على حسن عطيه ان يسمعه اغنية ( خدارى ) من لسان عابده الشيخ , وانطلقت بنت الشيخ بحنجرتها الذهبية المعهودة وتعمقت كعادتها فى جوف كلمات واللحان ( خدارى ) ليصحو حسن عطيه من غفوته ويشارك عابده فى اداء الاغنية بحماس منقطع النظير , وانتهت الجلسة الادبية الفنية العلاجية , وفى اليوم الثانى صحى العطية من غفوته وذهب بعوده الى الاذاعه وجرت مياه العطيه الى مجاريها الطبيعى0

خدارى البحالى ماهو دارى..جافانى
متين يزورنى حبى..؟؟
محياهو يضوئ دارى
اقول جلست مره مع الطير الخدارى..

فى فكره الكواكب و الانجم السوارى
الحور مع جمالهن بالنسبة ليك جوارى
اظهر امام عيونى لا تبقى متوارى
انا جارك البحبك اوعك تكون توارى
لولاهو ما اشتبهت فى يمينى لو يسارى
لولاهو ما اصبرت على زلى و انكسارى

مادام صبحت عاشقك و الحب صبح سماارى
خلونى فى الارائك اسجع مع القماارى..

على جعفر نصر
05-13-2014, 03:46 AM
يا زهرة الروض الظليل
جانى طيبك مع النسيم العليل
زاد وجدى نوم عينى اصبح قليل

يا زهرة طيبك جانى ليل
اقلق راحتى وحار بى الدليل

امتى اراك مع الخليل
واجلس امامكم خاضع ذليل

دايما انوح واقول حليل
صفى القلب القدره جليل

كيف لا اسهر واكون عليل
انا فى الثرى وهو فى الاكليل

يا الليك عفافك دايما زميل
يا المن طيبك طيب زهر الخميل

لو مر نسيمك على الف ميل
يخلى العالم طربا ثميل

يا اهيف يا ذا الطرف الكحيل
يا الصدرك عالى وخصرك نحيل

مناى فى الدنيا قبل الرحيل
ارى شخصك لكن مستحيل

يا زهرة روضك يبعد عن الـ
عاشق ومحال للقاك ينيل

بستانك نضير ساقيه نيل
الحياة ومحصن بالدردنيل

امتى تعود ايامى القبيل
يا حبيب واوجد للقاك سبيل

ومعاك اتحادث فى قبيل
شفاء داء قلبى الوبيل

قال لى صحيح جسمك هزيل
وجمر الغرام فى عضاك نزيل

لو ما بخاف عاذلى الرذيل
لكنت اوصلك ولعياك ازيل

ضى القمر غير متواجد حالياً

على جعفر نصر
06-01-2014, 04:18 AM
مهما يكون الفراق ,, فله الوانه
فراق الاحباب بالسفر او بالموت او باى شكل من اشكال الحياه التى تفرق وتجمع وما اصعب تلك اللحظات التى نفارق فيها البعض !!!!

الجـــرح جرحي براي منو البقاسي معاي
مـا ناس بتقول كلمات أمكن تخفف اسائ
امـــــــكن تقول كلمات بتزيد علي شقائي
لو طـالت السنوات كـــان ياجرح ما بريت
كان ياعــــمر بالريد ضعت ومعاي شقيت
انا ايه اقول في الحـــــــظ االانكتب لاقيت
يادنيا زادي الفيك معروف عـــذاب وتعب
انا اصلي من تبيت شايف طـريقي صعب
والشفتو فيك يادنيا ما شـــــافو زولاً تب

على جعفر نصر
06-10-2014, 04:00 AM
كلمات / أبو أمنة حامد
ألحان وأداء / صالح الضي

نحن ما ناسك

لو بتلقى زول بحبك زينا
زول بشيلك في عيونو
وفي ضلوعو وفي دموعو
في ابتاسمتو وهناهو في شجونو
ما بنعاتبك
لو بتلقى ما بنعاتبك
ياما جيناك وياما بابك
لوبحس دقات قلوبنا
كان حاكلك كان بكالك
نحن ما ناسك .. ما ناسك
شبابك نحن ريدتك ونحن ماعمرك
ليه بتهدم انت في لحظة تجنى
البنيناهو في عمر مخضر طويل
الدموع في عيونا
تتحجر عشانك ما بتسيل
وقدر ما نحاول نشيل همك
بتتمرض قلوبنا وما بتشيل
نحن ما ناسك .. ماناسك
انت ما علمتنا الحب بسمة صافية
فيها عزة وفيها بهجة
بتسجير بعاطفة دافئة
نحن عشناها بشعورنا
وبعواطفنا الرحيبة
انت ما ضيعت أرواحنا في صحارى التيه
ما ترجع تجيبها
لية تلوعنا وتسيبنا ليه
***

ومين البيحبك يا ارتمرى زينا
ونحن شايلنا الفرح ونوزع لبعضنا

على جعفر نصر
06-26-2014, 03:58 AM
"]فى تاريخ الاغنية السودانية الكثير من الاسماء النسائية التى نفذت الى اعماق المتلقى ورسخت فى ذاكرة الناس من بين تلك الاسماء الفنانة زينب الحويرص والتى اختارت ان تعيش فى كندا منذ سنوات بعيدة اغنية قول النصيحة كلمات عزالدين هلالى و لحنها الراحل بدرالدين عجاج
وزينب كانت من اوئل المطربات الالئى تخرجن فى المعهد العالى للموسيقى وهى حاصلة على عضوية جمعية المؤلفين الكندية
و جمعية المؤلفين العالمية ونالت درجة الماجستير فى اكاديمية الفنون بالقاهرة وصدرت لها عدت ألبومات منها ألبوم من ضياء القمروعرف عنها اهتمامها بالفلكور السودانى نتمنى ان تعمل اجهزة الاعلام السودانية الى ايصال صوتها الى جمهورها وتوثيق سيرتها الابداعية التى تستحق الاحتفاء .
قول النصيحة

كلمات عزالدين هلالي
ألحان الراحل بدر الدين عجاج

آداء زينب الحويرص

قول النصيحه كلمني ملك
بالهجر ما تلمني قول يا حبي
قول لي مين جاب ليك عتاب
بدور يفرق بين قراب
والقال هواي احلام سراب
نهايتو شقي ونهايتوا عزاب
**********************
مرسالي جاك بدون هيام
قال ليك حرام تنسي الغرام
لو بي القليل رسل سلام
في الريد خصامك ولا حرام
**********************
البينا الفه وغرام وريد
والبينا عشره وحنان بزيد
عشناهوا بهجه وعشناهو عيد
بس كيف تسيبوا تمشي بعيد
**********************
الحب حنان ما تقول عزاب
والريد امان لي ناس قراب
قول النصيحه وبلاش عتاب
ياليه ريدك للجنه باب[/font]

كما غنى هذه الاغنية الفنان الحوت وابدع فيها

على جعفر نصر
07-01-2014, 05:44 AM
كلمات اغنية لا وحبك

كلمات هذه الاغنية لشاعر الحس والابداع حسين بازرعه , الذى ارتقى مع توأمه المبدع /عثمان حسين للارتقاء بالاغنية السودانية , وتغيير لونها الى الرومنسية الف رحمه على فناننا , وعمر مديد للشاعر الرقيق رقة كلماته وتعبيره بازرعه
لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية
انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..
كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..
حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...
و برضو يحصل..
تنسى عشك ..
في النهاية ..
لا وحبك لن تكون ابداً نهاية..

على جعفر نصر
07-08-2014, 05:33 AM
قلت لازم اهدى هذه الاغنية للاحباب في شهر المحبة

قلنا راح مع الأيام .. عدى منِّي .. ليلة راح
أصلو يا العصفور ده حالك
مما سويتلك جناح
يعني كان صارحت مالك؟!
أنحن ما بينّا الصراح
كان ضميرنا ارتاح وحاتك
وشلنا لومنا عليك سماح
* * *
نحن كيف نلوم عصفور حنيِّن
مرة بيقاسي الرياح
مرة تلقاهو بيغني
مرة في وادي المَحنه ومرة في ابعد بِطاح
طاوي حريتو في جناحو .. عمرو ما ملّ الرواح
* * *
اطرى يا العصفور حبايبك وانت فوق حلتنا راحل
شايلك الصيف من ديارك ... جايبك الشوق للسواحل
فرِّح أيامنا الحزينة وبالسلامة وتاني واصِل

على جعفر نصر
08-03-2014, 11:00 AM
أغنية سايق الفيات لشيخ وعميد الشعراء إبراهيم العبادى لها قصة بروايات مختلفة حيث أورد الأستاذ مبارك المغربي في سفره القيم رواد شعراء الأغنية السودانية إن سرور
كان سائقا ومعه أمين نابرى وزين العابدين كوكو وقد تحركوا من سنار إلى سنجة في عربة فيات خاصة عن طريق الرماش ....أما محمد الحسن الجقرفى كتابه روائع
حقيبة امدرمان فلقد ذكر أن سرور خرج مع الخواجة مستر برسى لورين المندوب السامي في مصر ا لرحلة صيد في كنفوى من سيارات شركة الفيات العاملة في السودان
في ذلك الوقت إلى سنجة ...وتخلف منهم سرور وانضم إلى العبادى والأمين برهان في ضيافة زين العابدين كوكو نائب المأمور و انضم لهم محمد البنا وأمين نابرى وكان
سايق الفيات سرور ... بينما ذكر معاوية حسن يسن في كتابه الغناء والموسيقى في السودان نفس قصة محمد الحسن الجقر مع إضافة أن العبادى كان يعمل في حسابات
المقاولات المرتبطة بأشغال خزان مكوار (سنار) وحلّ عليه الأمين برهان ضيف فتحركوا جميعا إلى سنجة مع سرور...أما مبارك حسن بركات فلقد ذكر لبرنامج
ظلال التلفزيوني إن سرور كان سائق ا بشركة الفيات وطلب منه أن يقوم برحلة من سنار إلى سنجة لعمل دعاية للشركة فاصطحب معه العبادى والتقيا في سنجة بنائبي
المأمور زين العابدين كوكو وأمين نابرى وواصلا الطريق إلى سنار....والروايات لاتختلف عن بعضها كثيرا ومما لاشك فيه إن العبادى عمل بخزان مكوار والتقى
بالشيخ محمد ودالرضى هناك الذي قال قصيدته المشهورة (متى مزاري أوفى نذارى واجف هذا البلد المصيف ) فشطرها العبادى الذي انتابه نفس الإحساس في سنار..
المهم ان القصيدة قيلت بين سنار وسنجة والى القصيدة

ياسايق الفيات عج بى وخد سنده
بالدرب التحت تجاه ربوع هنده

أوصيك قبل تبدا سيرك داك
طريقك سابق الربده
منك بعيد جبده حى هنده
المراد عج بى ربوع عبده

أطوى الأرض واضرع من
أفكارنا سيرك يالفيات اسرع
ميل على المشرع لا تريع
القطيع .. بتجفل الأدرع

شقا حشا الطريق وأتيمم الحلال
زفنو الكلاب مانالن إلا علال
فاضلات ثواني قلال بينك
والغروب داك مشرع الشلال

شوف سايق الفيات الليله كيفن هاش.
والشجر الكبار بقى شوفنا لينا طشاش
قولي دح وين ماش فارقت
الطريق .. أتيا من الرماش

يازين الشباب ياطيب الأخلاق
يا أمين الصديق والناس على الإطلاق
من ايدى الصناعة يبعد المعلاق
أنظر للطبيعة ومجد الخلاق

شوف النهر مار بخشوع تقول هجسان
أو مر المنام بى مقلة النعسان
جلت قدرته ما أكفر الإنسان
كم ينسى الجميل ويجحد الإحسان

أنزل ياصديق وشوف يد القدرة
شوف حسن البداوه الما لمس بدره
وراد النهر اردونى ما بدرى
الكاتل الصفار أم نضرة الخضره

مانفرن تقول سابق الكلام الفه
عطشان قلت ليهن وصحت البلفه
مافيش كاس قريب قالن دون كلفه
تشرب بكفوفنا لما تتكفى

على جعفر نصر
08-07-2014, 04:22 AM
من القصائد الجميلة والرائعة والصادقة والحزينة لشاعرنا محمد على عبدالله الامى ( عيون الصيد ) ...
والتي سكب ألمه وحسرته وتشاؤمه في كلماتها والتي كانت معبرة عن وجدانه ، ومن هنا كان سر خلودها وخصوصيتها...وفيها يشبه عيونه وجريان دموعه بمنابع النيل وتدفقه وكيف إن العيون سببت له المرض والسقم والإعياء وفقدان العقل ...وطلب من أصدقائه تركه في حاله وعدم عتابه والكف عن النصائح التي لا تجدي معه شيئا...ويقول إن هذه العيون هي التي سببت هذه الجروح وهى نفسها تسبب الفرح إذا لمحته (هي الداء والدواء ) ومع شدة آلامه وأحزانه هاجت عليه الأشجان وازدادت عليه تباريح الشوق وكل ما في الكون من أطباء عاجزون عن معالجته...حتى أقدامه لم تستطيع أن تحمله ، ويطلب من أصدقائه مساعدته على السير إلى أطلال المحبوبة ويذكرهم أن هواه شريف ولا داعي لجرح شعوره وان نهايته حتمية (على الأكفان شيش درجونى ) وإلى القصيدة :

عيون الصيد ناعسات عيوني
عيون النيل حاكن عيوني
نسيت قلبي وروحي ونسوني
وفقدت الكانوا يؤانسوني
ليالي هناى جد عاكسوني
وأخاصم النوم كيف درسونى
مع الآلام هاجت شجوني
وأطباء الكون ما عالجوني
جفوا بنفورهم هيجوني
متين في الطيف يصبو ويجونى
فقدت صحاى لا تنصحوني
خطاب وعتاب كفى بارحونى
عيون الصيد ديل جرحوني
سروري يتم لو يلمحوني
غلبني أسير هيا درجونى
وعلى الأطلال ليل عرجونى
هواى شريف لا تحرجونى
وعلى الأكفان شيش درجونى
مقر املى فيهم ظنونى
يزيدوا دلال وتزيد جنوني
لذيذ تعذيبهم لو ضنونى
وصالهم آه راحتي ومنوني

على جعفر نصر
08-18-2014, 03:53 AM
القصيدة الرائعة : أندب حظي أم آمالى

للشاعر : أحمد حسين العمرابى

------------------------------------
والتى يظهر فيها تأثير الثقافة السودانية حيث يدعو ضارب الرملليكشف خيرته .. ولكن الأيام لم تبتسم له والهموم تثقل عليه ....وفى القصيدة أيضا يفتخر العمرابى بأخلاقه الحميدة وسيرته العطرة بين الناس لأنه من أسرة عريقةذات حسب ونسب ...ويصف الشاعر حالته منالعذاب الذي لم يستطيع تحمله ويتمنى الموت حتى
يتخلص من هذه المعاناة القاسية... وكيف أن قلبهكان خاليا من الوساوس فأصبح مشغولا مهموما...ويطلب من محبوبته ألا تحزن عليه بعد موته...ويعودللشاعر في الأبيات الأخيرة بعض من تفاؤله المفقود ويتحدث عن جمال الملهمة ومحاسنها التي يلهج بهالسانه...وهو لا يخشى الصد والهجران ومع ذلك كتوم
في حبه لا يصرح به لولا الدموع التي تفضحه دائما حبك كاتمه زاد انحالى من فرطه الدموع فاضحالى)
وهذا المعنى سبقه فيه محمد على عثمان بدري فيأغنية مرضان باكي فاقد (دمعي إذا طريتك بين الناس فضحنى)....ويعزى الشاعر سبب شقائه وتغير أحواله هو جمال الحبيب الذي لايستطيع أن يناله قلبه ....وبؤسه وألمه وحزنه جعل عدوه يعطف عليه خاصة والدموع تتساقط من عيونه ينابيعإنها أغنية مليئة بالأحاسيس والمشاعر الصادقة بالإضافةإلى أنها متماسكة و رقيقة الألفاظ. ..التزم الشاعر فيها لزوم ما لا يلزم حيث تتكون القافية من أربعة أحرف مما يدل علىشاعريته وتمكنه من اللغة .....تغنى بهذه القصيدة الفنان عبدا لله الماحي كما سجلها للإذاعة الثنائي ميرغنى المأمونواحمد حسن جمعه وكذلك غناها الفنان المبدع الطيب عبدا للهولم يكن اختياره لهذه الأغنية جزافا وإنما لأنه وجد فيها نفسهوحياته وآلامه وأحزانه وتجربته التي عاشها والتي عبرعنها شعرا في أغانيه الحزينة ..والى كلمات هذه الأغنية...



أندب حظي أم امالى
دهري قصدني مالو ومالي

شوف الخيره يارمالى
أظن كاتبني عن عمالي

عارض يعترض اعمالى
أبنى وأملى ما تمالي

لا تقول ضعت من اهمالى
أنا عامل الحزم رأس مالي

بس ايامى ما با سمالى
همومي الزايدة متقاسمالى

بين الناس حميدة افعالى
أصلى من الجناب العالي

حبك وحبي مانافعالى
يوم ينعوني لا تنعالى

قلبي المن الوساوس خالي
اليوم انشغل ياخالى

لو كان في اللحد ادخالى
أحلى من العذاب ياخالى

دوام آيات محاسنك تالي
زيد في هجري لا ترتالى

مقسم عن هواك ما تالي
طرفك بالهلاك أفتى لي

حبك كاتمه زاد انحالى
من فرطه الدموع فاضحالى

الشاقنى ومغير حالي
حسنك واللهيج الحالي

هاك شكواي لو تصغالى
العدو حن لي رقالى

سهران والدموع راشقالى
وحياة حبي ليك يا غالى

على جعفر نصر
08-31-2014, 07:38 AM
القصيدة : خمرة هواك يا مي

للشاعر أحمد حسين العمرابى وهو من مواليد قرية المطمر بين الدامر وشندى سنة 1904م ورث مهنة الترزية من والده من اغانى العمرابى المشهورة هي أغنية خمرة هواك وهىأغنية جيدة السبك حلوة المعاني موسيقية الألفاظ صادقة الأحاسيس ...وهو يرمز للمحبوببمي ..ويقول إن التي تذهب اللب والعقل ويسكر منها الشخص هي خمرة هواه وليست خمرةبابل المشهورة ... ومبارك المغربي يقول إن الشاعر يقصد بخمرة هواك خمرة لماك لكنه تسامى عن ذكر اللمى ... لان شعره اقرب إلى الشعر الصوفي من الشعر العاطفي خاصة وانه تربى فيبيئة دينية وصوفية...ولشدة شوق الشاعر ووله بالملهمة يقضى كل الليل باكيا شاكيا نائحا لايغشى له النوم جفن بينما غيره من الناس لا هم لهم وعيونهم نائمة وهو تمتلئ عيونهبالسهر والسهاد والدموع وله شهود عدل لحالته هذه وهى النحول والاضطراب الذي ظهر على جسمه ..ورغم ذلك فهو راضى بهذه الحالة وهو يعلم جيدا إن اكبر مصيبة وهم وبليةهى هجران الحبيب ...ويذكرها في هذه القصيدة انه قد فقد جزءا من قلبه بهذا الحب..ويحذرهاإذا طال جفاءها سيضيع باقي العمر. ..
والى هذه الأغنية الرائعة التي لحنها الحاج محمد أحمد سرور وسجلها للإذاعة أولاد المأمون ....

****

خمرة هواك يا مي صافية وجلية
هي اللآعبة بالألباب لا البابلية

كم ليل أنوح سهران والناس خليه
. عيني سهاد ودموع أمست مليه
شاهدي اضطراب ونحول ظاهر علىّ
. راضى وبشوف هجرك اكبر بليه

مي الفؤاد بهواك فاقد شليه
. لو طال جفاك يضيع باقي التليه
يا تائهه سيبى الجور حلمك علىّ
ليك منى ما شئت والوجد ليّه

أنا لم أزل لهفان وانت الأبيه
سنيتي أن تحيي دائما خبيه
لو فى النساء رسل كنت النبيه
مابسلي ريدك لا وحياة ابيه

هاك منى بإخلاص الماسه ديه
دررا تنافس الدر وأزهار نديه
هلم روحي إليك يا مي هديه
كان النبي المعصوم قبل الهديه

ليك منى الف سلام والفيى تحيه
تصباك مع النسام بروح سحيه
ما قال محب وعلى محبوبه حيا
وتقر عيونك يا نور المحيا

على جعفر نصر
09-02-2014, 04:28 AM
[الاعزاء حبايبى الحلوين
اليكم تحية الاخاء
ان ظروف بلادنا الاقتصادية الطارده , يُعتم امامنا العوده الى الوطن . وكل يوم يزداد المهاجرين من البلد العزيز الى كل بقاع الدنيا الواسعة الى بلاد العرب والعجم ,,, ولما كان الغمام يُغطى سماء عودتنا للبلد الحبيب ,,, تُخنق الاعناق بويلات الغربة , ولذا آثرت أن اهدى الجميع هذه الاغنية الجميلة , لشاعر جميل ولفنان جميل وعن بلد جميل ولإخوان هم جملين0

color="blue"]الطير المهاجر
كلمات/صلاح أحمد ابراهيم
أداء الراحل محمد وردي [/color]
____________________
غريب ..وحيد في غربتو
حيران ..يكفكف دمعتو
حزنان..يغالب لوعتو
ويتمنىبس لي أوبتو
طال بيه الحنين
فاض بيه الشجن
واقف يردد ..
من زمن
بالله ياالطير المهاجر للوطن
زمن الخريف
تطير باسراع
ماتضيع زمن
أوعك تقيف
وتواصل الليلة للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن
فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد